ربنا يبارك فيكي ويحفظك
ومندوب المعرض كان فعلا قالي الضمان بعد الترخيص علشان استكمال البيانات
عرض للطباعة
الضمان بيكون بعد ما ترخص باسبوع تقريبا ولو حضرتك جايبها بالقسط هتصور الرخصه بعد ما ترخص ان شاء الله و تودى المعرض صوره الرخصه و بعد اسبوع تقريبا تتابع و هتلاقى الضمان موجود
انا لما رحت عملت صيانه الالف ولا بصوا على الضمان هما خدوا البيانات من الرخصه و سجلوا العربيه فى الكمبيوتر حتى انا نسيت اختم و انا ماشى انى عملت صيانه الالف و ان شاء الله المره الجايه هروح نفس الفرع و اختم الصيانتين مع بعض
الف مبروك العربية ، ربنا يديك خيرها و يكفيك شرها و يباركلك فيها ان شاء الله
بالنسبة لموضوع الانذار و الريموت يفضل انك تركبهم في التوكيل لأن التقفيل بيكون افضل كتير من صنايعية برة
هواا اغلى كتير بس اضمن و انضف
اولا الف مبروك على العربية ربنا يبارك لك فيها
ثانيابما بما انك احدث مشتري للبيكانتو
ياريت لما تخلص ترخيص تبقى تقول على الخطوات اللي انت عملتها بالضبط وتقولهالي
بس ايه حكاية مرور بين السرايات دة هوة لازم نروح له وللا المعرض او التوكيل بيخلص الموضوع
ألف مبروك يا فندم
ربنا يباركلك فيها ويديك خيرها
لو تسمح بس تقولى الكماليات الموجوده عند حضرتك ؟؟
ربنا يبارك فيكي
بالنسبة لموضوع مرور بين السرايات المعرض هو اللي خلص المشوار ده وجاب الخطاب معتمد
بالنسبة لخطوات الترخيص فتمت كالتالي
1 / اشتريت نموذج فحص ب 15 ج والفني
2/ اشتريت طفاية ب 121 ج ومثلث وشنطة اسعاف ب 75 ج والمهندس شافهم وختم الورق
3/ دفعت التامين الاجباري 101 ج
4 / اشتريت ملف العربية ب 15 ج
5 /قدمت الورق في شباك نقل الملكية وطلع ليا خطاب استلام لوحات وخطاب سداد تامين اللوحات
6/ سددت تامين اللوحات 324.50 ج
7 / سلمت ايصال السداد بتاع تامين اللوحات في شباك نقل الملكية مرة تانية
8/ اخدت جواب استلمت بيه الرخصة
9/ بالرخصة استلمت النمر
حوار مقرف شوية في اجراءاتة خصوصا ان ما فيش حاجة بتم من غير ما تدفع فلوس من اول ما تفحص لغاية لما تعلق النمر
الترخيص كله كلفني تقريبا 750ج بالاكراميات