عايز ديفل اصلي يا جدعاااااااااااااااااااااا اان )-:<

**eye_charm** · 20-12-2010 12:57 AM

المشاركة الأصلية كتبت بواسطة tifalol

يا جماعه ازاي كل ده صوت و مش هتحس بيه في العربيه من جوه
ده الاصلي يتسمعوه لو حرقت ال فكره انه ميطلعش صوت لو انت مش حارق
انا الي عندي كده

طب معلش هو اللي عندك نوعه ايه ؟؟ ومواصفاته ايه وكده يعني :)
لان انا عايز واحد مايكنش صوته عالي وبالزات وانا مسافر او في مشاوير طويله !!

**misoalex** · 20-12-2010 01:16 AM

لازم تسمعه يا باشا مفيش مفر لانك اكيد حتحرق على الغيار كتير وحتى لو مش حتحرق فى السرعات العاليه الصوت حيطلع بس مش مزعج اوى زى العلبه الصينى لا الصوت بيبقى ناعم ومكتوم

**Ghamrawy** · 20-12-2010 12:00 PM

المشاركة الأصلية كتبت بواسطة misoalex

ولو انت من اسكندريه كنت وصفتلك واحد

انا من اسكندرية يا باشا
يا ريت بعد اذنك توصفلى واحد

**tifalol** · 20-12-2010 06:37 PM

المشاركة الأصلية كتبت بواسطة eye_charm

طب معلش هو اللي عندك نوعه ايه ؟؟ ومواصفاته ايه وكده يعني :)
لان انا عايز واحد مايكنش صوته عالي وبالزات وانا مسافر او في مشاوير طويله !!

بص هو انا مش خبير اوي بس هو الي اسمه تقريبا magnaflow
و قالي ياباني معرفش معرفش ال magnaflow ده ياباني ولا ايه
جبتوه من مطراوي الي في الحرفين قالي ده اخر واحد عندي الباقي صيني
و تايلاندي صوتوه عالي لما بحرق انما لو دوست براحه بسمع صوت عربيتي الاصلي
و لما بجيب خامس العربيه بتهده و صوته بيهده خالص
يعني في سفر لو قافل الازاز و مشغل كاسيت مش هتسمع حاجه
انا جايبوه من شهر تقريبا او اقل لحد دلوقتي كويس
بس .... ده كده كل حاجه xD

**M_Nabil** · 20-12-2010 09:22 PM

أسئل عند لطفى اللى في عين شمس كنت شوفت عنده من فترة علب كثير أصلية و بورسعيد فيها برضه

**eye_charm** · 21-12-2010 01:17 AM

بجد متشكر اوي والله يا جماعه على كل ردودكو السريعه والمفيده دي
انا خلاص قررت اني هستنى معرض الاهرام السنوي..لان المعرض دا بيبقى فيه جميع شركات تعديل العربيات وكل قط الغيار اللي هناك بتكون جديده..ف هستنى ان شاء اله عشان اجيب واحد اصلي وجديد من شركه معروفه
وشكرا مره تانيه بجد :)))

**badblood** · 29-12-2010 10:09 AM

روح لعادل وجدي في الحرفيين

**Nour_Peugeot** · 30-12-2010 02:41 PM

بص يا سيدي انا بس عيز اعترض علي كام حاجه كده الاول و بعد كده هقولك تعمل ايه

اولا : عمر ما كان صوت الديفل اليحدد اذا كان اصلي او مش اصلي ده اولا

ثانيا : حجم العلبه هو البحدد حجم الصوت و قوته و المصافي ليها عامل برده و نظام العلبه برده

يعني مجيبش علبه اسطوانيه مدوره بتاعت عربيات تيربو (فري فلوو ) و اركبها عندي و اقول العربيه بتجري و صوتها حلو

اولا عزم العربيه معا العلبه دي هيبقي وحش جدا و صوت العربيه هيبقي عالي

العربيات العاديه بدون شواحن بتحتاج علبه مربعه او مسطيله و قريبه من حجم الاورجنال

كده هتاخد صوت كويس و اداء تحفه و في نفس الوقت شكله كويس و عمر افتراض طويل

نيجي بقي لنقطه مهمه جدا ازاي تعرف انا اصلي او مش اصلي

اي حاجه مش اصلي هتلاقيها مفهاش اي كتابه ولا مطبوعه ولا محفوره ولا متبرشمه

و كل الفي مصر صيني مفيش تيلاندي و الكلام ده كله صيني والله قليل جدالولقيت حاجه تايواني وتايوان تابعه للصين برده ههههههههه

انت عربيتك متسوبيشي لانسر الحجات المتوفره ليها

علب شكمان ياباني اوريجنال

( جاسما - R-sr - جريدي - Hks ) دي الممكن تلاقي منهم حجات نازله للانسر اساسا

باقي الشركات كتير جدا و احسنهم علي الاطلاق (سوبر سبرينت - ريموس - ماجنا فلوو - اكزوست ماستيرس - والكر - وحجات تانيه كتيير )

انت هتروح للهاقولك عليهم دول و هتجيب منهم الانت عيزه

1- لطفي بتاع الشكمانات عنده علب استيراد اوريجنال و هو في عين شمس اول يمين من احمد عصمت في اول شمال اسال عليه الف واحد يدلك

2- محل اسمه g.k خلف المطراوي في الحرفيين هتلاقي عنده برده علب شكمان سبور اوريجنال كتييييير

3-بورسعيد عن مساكن بنك الاسكان والتعمير

لو عيز جديد و تجيب اوردر اطلع علي عادل وجدي في الحرفيين برده

و متجبش علبه مدوره اسطوانيه

الكلام ده عن تجارب والله العظيم و و متجبش حاجه من المعرض عشان صيني برده

الجديد من بره اقل علبه ب 1900 جنيه اوريجنال

و ان شاء الله هتجيب هاجه حلوه جدا و عشان برده تطمن علي حاله العلبه مش مهلوكه علي الاقل عتمسك العلبه و تبوص جواها علي المصافي لقيتها كلاها علي خط واحد و مفهاش اي تعريجات او كسور كل الهتلاقيه هتلاقيها متخرمه تخريمات بسيطه دي تبقي حالتها علي الاقل 70 %