الموضوع: عايز ديفل اصلي يا جدعاااااااااااااااااااااا اان )-:<

مبدئياً انا نزلت اول جوله علشان ادور على ديفل نضيف وكانت النتائج كالتالي:
-كلمت اولا ارابكوم قالولي ماعندهمش borla كل اللي عندهم صيني واسعارهم من300 وانته طالع حسب الشكل اللي انته مختاره..
-طلعت على جامعة الدول عشان اروح وليد عوض اللي جنب المالكي وللأسف مالقتش المحل..لقيت محل اسمه مرجان بتاع فرش عربيات بس
-بعد كده رحت الحرفيين وبعد اللف الكتير طلعت ب 3 محلات..الأول طبعا وليد مطراوي ودا اللي كل الناس قالت عليه..ودا كان عنده 2 جاسما واحد ب 600 والتاني ب 700 ..وكان عنده واحد بتاع عربيه نيسان سكاي لاين(على حسب كلامه طبعاً) وبقوله بكام دا يا باشا قاللي لأ دا غالي اوي ومارديش يقوللي على سعره..وبيقول انه كان عنده magnaflow بس اتباعو دا غير الحجات الصيني اللي عنده والصيني دول جداد طبعا..
المحل التاني هو تقريبا عباره عن موزع لشركة ابو اليزيد وكل الديفل اللي عنده صيني..بس (بيقول) انه نضيف جدا وكلله ستانلس وصوته حلو والكلام دا كلله وكانو عاملين 350 و400 و450
اما المحل التالت كان محل صغير كده كان عنده حجات مصري و (تايلاندي) وبصراحه كده انا التيلاندي دا شكله عجبني جدا وكان بردو كلله ستيل دا غير انه جديد بكرتونته..وكان عامل 450 بتركيه..بس الصراحه انا مش مسدأ انه تايلاندي

وهكذا تكون انتهت الجوله الأولى ومحتاج رأيكو بقى يا شباب اجيب الجاسما المستعمل دا واللا اجيب الصيني الاستانلس واللا التايلاندي واللا ادور فين تاني....واللا استنى معرض الاهرام فورملا وان ودا ان شاء الله هيبقى تقريبا يوم 16\1 والمعرض دا بيبقى فيه شركات كتيييير بتاعت ديفلز وحجات تعديل العربيات ؟؟؟
وانا اهمممم حاجه عندي انه يكون في السفر او الماشاوير الطويله صوته حنين مايجبليش صداع مزمن :))