انا هروح انقل ملكيه و اجدد قريب يا ريت حد يقولنا ايه اخر اخبار المثلث و الشنطه لازم اشتريها من برا و الا اشتريها من جوا المرور و الا هيدوهانى ببلاش فى المرور اصلى سمعت كدا ان وزير الداخليه اصدر قرار بصرفها مجانا يا ريت اللى عنده معلومه يقولنا
عرض للطباعة
انا هروح انقل ملكيه و اجدد قريب يا ريت حد يقولنا ايه اخر اخبار المثلث و الشنطه لازم اشتريها من برا و الا اشتريها من جوا المرور و الا هيدوهانى ببلاش فى المرور اصلى سمعت كدا ان وزير الداخليه اصدر قرار بصرفها مجانا يا ريت اللى عنده معلومه يقولنا
السلام عليكم و رحمة الله و بركاته
آآآآآآآآآآآآآآآخر مرة كنت روحت فيها المرور بتاعنا هنا فى المنصورة , كان فى 1-2009 و كان الشنطة و المثلث مطلوبين من النقل و الأجرة بس , مش من الملاكى , الكلام ده كان من سنتين و كان عندنا فى المنصورة , مش فى القاهرة و لا المحافظات الرئيسية الكبيرة .
بس , أنا اعتقد أن المثلث و الشنطة لو كانوا مطلوبين , كانوا عملوا كماين فى كل حتة فى البلد عشان يفتشوا عليهم و يلموا مخالفات زى ماعملوا ولاد الايه فى حزام الأمان سنة 2001 .
و كله هيبان فى المرور و أنت بترخص , لو كانوا مطلوبين , هتلاقى كل بتوع الملاكى جايبينهم و هتلاقى فيه عفاريت زرقا كتير طالعالك من تحت الأرض عشان يبيعوهوملك .
السؤال مش كده , افرض أن أنا احتاجت حاجةمن اللى فى الشنطة , زى القطن و لا الشاش و خلص, أجيب شنطة جديدة و لا اكمل اللى ناقص و لو هكمل اللى ناقص, يبقى من بيتنا و لا لازم اجيب قطن و شاش من بتاع المرور !!!!!!!!!!؟؟؟؟
انا رخصت من اسبوع و جددت و فحصت و قبل الفحص لازم يبقى معاك المثلث و الطفايه و الشنطه
الشنطه و المثلث ب 75 جنيه و الطفايه ب 121 جنيه - دول لازم يكونو موجودين قبل الفحص وورقهم معاك و الطفايه بيختمو عليها رقم الشاسيه عشان محدش يعرف يفلفص !
شكرا لكم على ردكم بس دى حاجة تغيظ دول بيدوروا على اى حاجه يخدو بيها فلوس مننا و طبعا دى تمنها الحقيقى مش هيعدى 30 جنيه و الباقى فى الصناديق اياها طبعا
طبعا - ده غير التأمين الاجبارى اللى ماعرفش لازمته ايه و غير تأمين ال 161 بتوع النمر الجديده - وعن شرط لما تسلم القديمه (اللى هى نمر جديده بردو) مش هتسترد التأمين بتاعها و هى تروح لواحد تانى عشان يدفع تأمين ليها - وكفايه كده متقلبش علينا المواجع
انا نقلت ملكية من اسبوع واشتريت المثلث والشنطة بالامر من مهندس الفحص
هههههههههههههههههههههههه ياعينى عليك يا ميكو هههههههههههه بص السنة الى فاتت من مرور مدينة نصر المرور أدانى شنطة أسعاف و مثلث هدية و الله بجد و هما بيسلموك الرخصة بيدولك الشنطة و المثلث الكلام دة السنة الى فاتت يا ريس و كنت بجدد الرخصة بتاعت ال 127 هههههههههه كان حلو جدا أول مرة أشوف الرور بيدى حاجة مش بياخد ههههههههههههههههه
لا بياخد يا اتش بياخد قوى !!!
ده خرب بيتنا
انا لما رخصت من خمس شهور ماحدش طلب ولا مثلث ولا شنطة .. بس الطفاية اكيد
هو فعلا كانو بيدو الشنطه و المثلث هديه من فتره - لكن انا لاقيتهم بيبيعوها جوا و اجبارى يا معلم!
كنت مع والدتي النهاردة
كنا بنجدد و بننقل العربية من مدينة نصر للشروق
المهندس سأل والدتي على الشنطة والمثلث
قالتله بصراحة مجبتهمش
قال خلاص مش مشكلة
و عمل ورق العربية من غير مثلث و شنطة اسعافات :Oc_sun1[1]:
بس واضح من كلام الإخوة إنك لازم يبقى معاك المثلث و الشنطة
بص يا صديقى من الاخر
انسى ان ادارة المرور تديك هديه ( الشنطة + المثلث ) انسى تماما تماما انت ناسى اللى اجنا فى مصر ولا ايه فى اوربا و الدول المتقدمه (هههههههههههههه) بيديهم الشنطة و المثلث و و كمان و جبه طعام فى كل ترخيص
انا جربت فى ادارتين مرور ظبت تظبت و تبقى الدنيا فول من غير لا شنطة و ولا مثلث
لكن الطفايه امر مفروغ منه تماما سواء ظبت او لا اجبارى اجبارى اجبارى
ا
هههههههههههههههههه
انا كنت وخدها برده منهم لما جيت اجدد طلبو شنطه ومثلث جديده لان الى معايه كانت هديه من عندهم ومعيش ليها وصل فشكيت فكلام الموظف
فقلى خش لرئيس الوحده دخلتلو قالى الى الى احنا ادنهلكم كانت هديه انما دلوقتى لازم تشتريهم من داخل المرور وارفاف وصل الشراء فى ملف العربيه
ورحت اشترتهم ب72 جنيه متفرحش اوى هيه الحدايه بتحدف شنط ومثلاثات
:I_angr1[1]::I_angr1[1]::I_angr1[1]:
بكره هيطلعو شنطه اجبارى يكون فيها فرش وامشاط
مهو لازم يخترعو اى قانون علشان يحفظو عى شعرنه من الهوا
علشان الى شعره متنعقش او عامل قصه مخالفه للمواصفات يدفع 1500 جنيه
هوا انا مستغرب هيا الحاجات دي اساسا ينفع نمشي من غيرها؟؟؟
ولا محدش بيعمل حساب الطوارئ؟؟؟
انا عن نفسي لسا مجددتش بس جايبهم في العربية كده كده للاحتياط...
تحياتي
مع احترامى لحضرتك احنا معندناش معرفه با لاسعافات الاواليه وطرق التعامل مع اى مصاب
واذا كانت الدوله تهتم بلاسعافات الاوليه كانت الافضل هوه تغير الثقافه للاسعافات بدخولها عن طريق
دورات لطلبه المدارس كذالك دورات اخلاء
لان ممكن فى حدثه يصاب 100 شخص
لاكن ممكن فى التدافع اصابه اكتر من 1000
فنحن محتاجين تغيير فى ثقافتنا الامنيه وطرق التعامل مع الازمات بشكل عام
غير ان شنطه الاسعافات عباره عن مقص شاش رباط ضغط وقطن حتى مفيش كتيب ارشادى كيفيه التعامل مع الحروق او الجروح او الكسور لقدر الله علينه جميعا
هيه سبوبه 72 *كام مليون كل تجديد
:8954[1]::8954[1]:
انا مرخص من شهر فى دمنهور وقالوا انها مش للملاكى
للتقل والاجره فقط