ما هى أفضل سيارة هاتشباك من حيث الإمكانيات الكماليات توافر عناصر الأمان الثبات التسارع السعر سمعة الوكيل أسعار وتوافر قطع الغيار حجم الشنطة سعر إعادة البيع
ما هى أفضل سيارة هاتشباك من حيث الإمكانيات الكماليات توافر عناصر الأمان الثبات التسارع السعر سمعة الوكيل أسعار وتوافر قطع الغيار حجم الشنطة سعر إعادة البيع
بيتهيألي ان سعاتك بتتكلم و بتسأل عن الاسترا تحديدا..
بس.. عموما.. بيتهيألي في عربيات كتير ممكن تدخل تحت الباند ده..
ومنها فيات: جراند بونتو
سيات: ابيزا و موديلات تانية مش عارفها بصراحة.. اخونا عاشق السيات اكيد هيفيدك..
اللي فوق الجميع اكيد هتكون الاودي ايه 3 اكيد مالهاش حل..
وكمان في السوبارو امبريزا... ودي كمان مش قليلة.. عربية تحفة..
والجامدة الجولف 5
في ايه تاني؟؟ دول اللي في بالي دلوقتي..
انا مش عارف سعر الاودي بصراحة بس كتوافر قطع غيار ووكيل اكيد الاسترا تكسب..
السوبارو ممكن تنافس بقوة.. بيتهيألي غير كده يعتبر مش منافس قوي في مصر..
يعني الوكيل و اسعار قطع الغيار تصب في مصلحة الاسترا..
الشهرة والقوة في مصلحة الاودي و الجولف (الكماليات انا مش عارف بصراحة)
رأيي الشخصي.. اكيد هتكون الاسترا نمرة 1 عشان انا بافضل الاوبل وكمان عشان هي تتفوق علي الجولف و الاودي بالسعر الاقل و التوكيل الافضل وتوافر قطع الغيار..
بصراحة محدش يزعل مني من محبي الفيات و السيات.. بس ده عشان انا مش عارف تفاصيل عن الموديلات والامكانيات..
شكرا على سرعة الرد
الحقيقة أنا لم أكن أقصد الأسترا تحديدا وإن كنت من أشد المعجبين بها بس أنا عايز أشترى سيارة هاتشباك لأنى بشوف أنها الأفضل فى شوارع مصر من حيث ضيق الشوارع والركن بس طبعا الفلوس هى إللى بتحكم
فكر فى السوبارو الأمبريزااقتباس:
المشاركة الأصلية كتبت بواسطة todolist
هو فعلا الاسعار هتحدد..
يعني الامبريزا تمنها حوالي 135 كاملة ..
الاسترا 150 كاملة
و الجولف تقريبا 180 كاملة..
والاودي مش عارف بالظبط..
ونسيت كمان اقولك علي البي ام الفئة الاولي.. تمنها اكتر من 200 الف الكاملة..
كل دا كلام جميل...وكلها عربيات جميله
بس بالنسبه ل
-سعر اعادة البيع
-قطع الغيار
-STABILITY
...
بيجو307..207....يكسبو
صح.. انا كنت ناسي البيجو خالص..
ولو انك تزعلي مني يا Flyingpeugeot بس معلش.. فاتتني دي..
بس بيتهيألي بنتكلم علي 307 مش 207 خالص..
وبعدين قطع غيارها بيتهيألي اغلي من الامبريزا وغالبا الاوبل كمان.. والله اعلم..
الموضوع محتاج سؤال
اما بالنسبة لأعادة البيع فدي حاجة انا ماعرفهاش خالص..
انت ادري..
انا صراحة راي ان افضل هاتشباك هيا الجولف.....
سيارة محترمة و ثبات عالي و تسارع تقريبا زي الاوبل .....و غير كدة واسعة و مريحة من جوة
لأ يا delmero
كلامك مش دقيق قوي..
مش زي الاوبل اكيد دي فشة اعلي والدليل ان في فرق سعر يمكن اكتر من ال20 الف جنيه واكيد هي عربية افضل من الاوبل شوية..
والدليل ان في 2007 احسن مبيعات في اوروبا المركز الاول للجولف والتاني للاسترا..
بس بالنسبة لمصر.. الاوبل ليها ميزة عن الجولف.. و الميزة دي مش اداء ولا اي حاجة..
بل التوكيل..منصور و مقار بدل التوكيل 2 و 3 و ليهم اكتر من فرع مش فرعين بس في مصر كلها..
وقطع غيارها ارخص سنة من الفولكس..
سيريون بلا منازع
سوبارو امبريزا 2008 ده لو انت بتشتري عربية عشانك انت مش عشان اللي هتعهاله بعد كده
أكيد الجولف
شكرا على كل الردود دى وكلهم فعلا عربيات جامدة بس في تفاوت شديد فى الأسعار ما بين السريون مثلا و الأسترا أو الجولف وأكيد فى فرق فى الإمكانيات السؤال هل الفروق تستاهل وياريت ناس تكون جربت سواقة أكثر من سيارة من القائمة دى تفيدنا فى الموضوع
إنت عايز zero ولا مستعمل ؟؟، أوتوماتيك ولا منوال ؟؟ معك كم ؟؟اقتباس:
المشاركة الأصلية كتبت بواسطة todolist
أنا بحب el-serion وastra و و megane كلو هاتشباك .
ياباشا ما العربيات الهاتشباك كتير...من50000 الى 300000
زى ما مصطفى قالك.....انت معاك كام ؟؟؟
و الا انت عامل ايه يا مصطفى باشا ;)
حبيبي وإبن حبيبي، أنا الحمد لله، إنت عامل إيه؟؟اقتباس:
المشاركة الأصلية كتبت بواسطة FLYINGPEUGEOT
أنا شايف أن 100000 كفاية على عربية هاتشباك مع أهمية توافر عناصر الأمان والماركة العالمية
لو مش فارق معاك السعر و زيرو يبقى أودي A3 أو مرسيدس B class أو بي إم 1series
لو فارق يبقى سيريون
في النص عندك الاسترا و الميجان
لو مستعمل يبقى جولف بشرط الحالة
بالتوفيق إن شاء الله :)
ماينفعش نقول احسن عربيه هاتشباك لأن الهاتشباك ده مش class في العربيات! يعني مثلا ممكن نقول احسن عربيه هاتشباك في class ال city cars او ال subcompact cars.
لو سبنا الموضوع كده يبقي بنتكلم في price range كبير اوي، من 36 الف (ماروتي!) لحد 260 الف (اودي A3 و BMW 116)
أنا هحللك كل عربية فيهم و أنت تختار بنفسك :
1- هيونداي ماتريكس التنوع في الإستخدام بمبلغ قليل
2- بروتون GEN 2 المرونة الشديدة
3- دايهاتسو سيريون للإستخدامات الفردية
4- ميتسوبشي كولت الهدؤ
5- سوزوكي سويفت سهولة في تربية الرغبات في القيادة
6- سيات إبيزا للإستخدامات الخفيفة
7- دايهاتسو ماتيريا الخروج عن المألوف - التصميم -
8- يتروين C3 التصميم الجميل و أداء معقول
9- فيات جراند بونتو العملية في الأداء
10- سوزوكي SX4 الحجم الكتوسط
11- هيونداي i30 أداء عالي مقابل سعر قليل
12- بيجو207 الحجم الصغير مقابل الأداء العالي
13- فيلت برافو التجديد
14- نيسان تيدا التصميم التقليدب
15- رينو ميجان أداء و امان
16- سوبارو امبريزا الأمان على السرعات
17- بيجو 307 التكامل في الشكل و الأداء
18- سيتروين C4 العائلية المتوسطة
19- فورد فوكاس الإتساع الداخلي
20- أوبل أسترا العائلية
21- أوبل أسترا GTC الرياضية البحتة
22- مرسيدس A150 العائلية الصغيرة الفارهة ذات أدء متوسط
23- فولكس فاجن جولف السوبر شبابية
24- أودي A3 التميز و الرقي
25- مرسيدس B150 السوبر عائلية
26- BMW 116i الإختلاف عن الغير
27- ميني كوبر السوبر رياضية
مش عارف إذا كان الإخوة موافقني و لا لأ عموماَ دة تحليلي الشخصي و عليك انت الإختيار و ربنا يوفقك و تختار الأنسب لك و الأصلح .
:):):):)
متهيقلي افضل سياره هاتشباك في مصر هي الجولف لأن امكانياتها كاموتور وصاج وعفشة وماركة عالميه والماني الصنع يبقى تستاهل حوالي 20 الف على تمنها ومعمرة جدا جدا وسعر اعادة البيع جميل جدا لكن معرفش توكيلها ظروفه ايه .
على فكرة هي اخدت مركز اول في اختبار الثبات والراحة للركاب على البي ام الفئة الاولى وهي طبعا اعلى سعرا باكثر من 40 الف وكمان على الاسترا .
مع التوفيق
proton Gen 2
ألبيجو 207 بدوم اى كلام آخر وبعدها الجولف
مش هتلاقى كل اللى بتطلبه ده فى عربيه واحده يعنى لازم حاجه على حساب حاجه فى الاخر ده هيعتمد على انت عايز ايه من العربيه الانت راكبها يعنى لو اقتصاديه مش هتلاقى السرعه و معدلات الرفاهيه و الامان قوى و لو قويه و فخمه مش هتلاقى السعر فى المعقول و الصيانه هتبقى معقده و غاليه و لو متفرده و تجنن مش هتلاقى الresale بتاعها كويس و كده يعنى فى الاخر اشترى العجباك و داخله قلبك وده راى
انا مثلا بعشق الاسترا و ياسلام على الاودىA3 بس لما اجى اشترى لا دى ولا دى لانى مقدرش عليهم لا فى السعر ولا الصيانه
و شكراااااااااا
اوبل استرا جى فى سى
اسمها جى تى سىاقتباس:
المشاركة الأصلية كتبت بواسطة tamertamer
ا فضل سيارة من حيث الكماليات و الثبات الرهيب و التسارع الجيد جدا مع توافر كافة عوامل الامان مع سعر مناسب جدا جدا جدا
و لكن يعيبها اسعار و توافر قطع الغيار و حجم الشنطة و سعر اعادة البيع
بعض عيوب التقفيل و لكن اختفت بنسبة 90% من موديل 2009
توكيل محترم عز العرب و كيل جيب و كرايسلير في مصر
يا جماعه الميجان الهاتش بالك هي الافضل من كل النواحي ... واتحدي .... لو عربية بنفس سعرها في المزايا والامان والثبات والتسارع ..وشكل فضائي...من الاخر كل اللي انت عايزة....
بيجو 207 بلا منازع
يا ريت يا جماعه الى يقول على عربيه يوضح لنا هى الافضل ليه علشان كلنا نستفيد ..........
ليه ...؟؟:U_thin1[1]:اقتباس:
المشاركة الأصلية كتبت بواسطة ahmedshawki