أفضل سيارة هاتشباك من حيث الإمكانيات والكماليات و الثبات والسعر

**todolist** · 25-03-2008 11:33 AM

ما هى أفضل سيارة هاتشباك من حيث الإمكانيات الكماليات توافر عناصر الأمان الثبات التسارع السعر سمعة الوكيل أسعار وتوافر قطع الغيار حجم الشنطة سعر إعادة البيع

**Ahmad Allawy** · 25-03-2008 11:50 AM

بيتهيألي ان سعاتك بتتكلم و بتسأل عن الاسترا تحديدا..
بس.. عموما.. بيتهيألي في عربيات كتير ممكن تدخل تحت الباند ده..
ومنها فيات: جراند بونتو
سيات: ابيزا و موديلات تانية مش عارفها بصراحة.. اخونا عاشق السيات اكيد هيفيدك..
اللي فوق الجميع اكيد هتكون الاودي ايه 3 اكيد مالهاش حل..
وكمان في السوبارو امبريزا... ودي كمان مش قليلة.. عربية تحفة..
والجامدة الجولف 5
في ايه تاني؟؟ دول اللي في بالي دلوقتي..
انا مش عارف سعر الاودي بصراحة بس كتوافر قطع غيار ووكيل اكيد الاسترا تكسب..
السوبارو ممكن تنافس بقوة.. بيتهيألي غير كده يعتبر مش منافس قوي في مصر..
يعني الوكيل و اسعار قطع الغيار تصب في مصلحة الاسترا..
الشهرة والقوة في مصلحة الاودي و الجولف (الكماليات انا مش عارف بصراحة)
رأيي الشخصي.. اكيد هتكون الاسترا نمرة 1 عشان انا بافضل الاوبل وكمان عشان هي تتفوق علي الجولف و الاودي بالسعر الاقل و التوكيل الافضل وتوافر قطع الغيار..
بصراحة محدش يزعل مني من محبي الفيات و السيات.. بس ده عشان انا مش عارف تفاصيل عن الموديلات والامكانيات..

**todolist** · 25-03-2008 01:22 PM

شكرا على سرعة الرد
الحقيقة أنا لم أكن أقصد الأسترا تحديدا وإن كنت من أشد المعجبين بها بس أنا عايز أشترى سيارة هاتشباك لأنى بشوف أنها الأفضل فى شوارع مصر من حيث ضيق الشوارع والركن بس طبعا الفلوس هى إللى بتحكم

**HNaga** · 25-03-2008 02:30 PM

المشاركة الأصلية كتبت بواسطة todolist

شكرا على سرعة الرد
الحقيقة أنا لم أكن أقصد الأسترا تحديدا وإن كنت من أشد المعجبين بها بس أنا عايز أشترى سيارة هاتشباك لأنى بشوف أنها الأفضل فى شوارع مصر من حيث ضيق الشوارع والركن بس طبعا الفلوس هى إللى بتحكم

فكر فى السوبارو الأمبريزا

**Ahmad Allawy** · 25-03-2008 03:17 PM

هو فعلا الاسعار هتحدد..
يعني الامبريزا تمنها حوالي 135 كاملة ..
الاسترا 150 كاملة
و الجولف تقريبا 180 كاملة..
والاودي مش عارف بالظبط..
ونسيت كمان اقولك علي البي ام الفئة الاولي.. تمنها اكتر من 200 الف الكاملة..

25-03-2008 03:27 PM

كل دا كلام جميل...وكلها عربيات جميله
بس بالنسبه ل
-سعر اعادة البيع
-قطع الغيار
-STABILITY
...
بيجو307..207....يكسبو

**Ahmad Allawy** · 25-03-2008 03:49 PM

صح.. انا كنت ناسي البيجو خالص..
ولو انك تزعلي مني يا Flyingpeugeot بس معلش.. فاتتني دي..
بس بيتهيألي بنتكلم علي 307 مش 207 خالص..
وبعدين قطع غيارها بيتهيألي اغلي من الامبريزا وغالبا الاوبل كمان.. والله اعلم..
الموضوع محتاج سؤال
اما بالنسبة لأعادة البيع فدي حاجة انا ماعرفهاش خالص..
انت ادري..

**delmero** · 25-03-2008 08:30 PM

انا صراحة راي ان افضل هاتشباك هيا الجولف.....
سيارة محترمة و ثبات عالي و تسارع تقريبا زي الاوبل .....و غير كدة واسعة و مريحة من جوة

**Ahmad Allawy** · 25-03-2008 08:39 PM

لأ يا delmero
كلامك مش دقيق قوي..
مش زي الاوبل اكيد دي فشة اعلي والدليل ان في فرق سعر يمكن اكتر من ال20 الف جنيه واكيد هي عربية افضل من الاوبل شوية..
والدليل ان في 2007 احسن مبيعات في اوروبا المركز الاول للجولف والتاني للاسترا..
بس بالنسبة لمصر.. الاوبل ليها ميزة عن الجولف.. و الميزة دي مش اداء ولا اي حاجة..
بل التوكيل..منصور و مقار بدل التوكيل 2 و 3 و ليهم اكتر من فرع مش فرعين بس في مصر كلها..
وقطع غيارها ارخص سنة من الفولكس..