الموضوع: هام بخصوص مقابلة اميجو السخنة 4-ابريل 2008

كان نفسي بجد اكون معاكم بس المشوار ده هيكون صعب عليه و الوقت مش مناسب خالص ان شاء الله يكون يوم حلو ليكم و تروحوا و ترجعو بالسلامه
(يا ريتني كنت معاهمم)

المشاركة الأصلية كتبت بواسطة إسلام شاهين

الطرييييييييييييييييييق حد يوصفلي الطرييييييييييييييييق اطلع دائري ولا إيه بالضبط والتجمع هناك فين والساعه كام ؟ والمصاريف المطلوبة وهل فيه فطار وغدا وعشا وما بينهم من نقنقه وهل فيه نزول بحر وهل فيه راحه وقيلوله أم لا ؟

وبعدين هما دول بس اللي رايحين ؟؟؟؟؟؟؟؟؟؟؟؟؟؟؟؟؟؟؟؟

بسم الله الرحمن الرحيم
الصبر جميل يا اسلام :) أنا لسه باعتلك على الخاص كل التفاصيل أنا نفسى أتقطع من الجرى فى المنتدى النهارده :) تعالى أنت بس و مالكش دعوة ;)

المشاركة الأصلية كتبت بواسطة karim_monir

يا باشا في طريقين
طريق العين السخنة الجديد وده هاتلاقي وصفتة في مشاركة فوق عشان معرفوش وده حلو والسرعة فيه 120 بس مليان رادات ولجان زي ما اسلام المصري قال
التاني طريق السويس وده انا هامشي فيه عشان انا مفيم
ووصفتة سهلة
وانت جاي من على الدائري بعد الربوة هاتلاقي ماريوت على يمينك اول منزل بعد الماريوت ده منزل طريق السويس
يعني انت هاتنزل المنزل هاتلاقي نفسك متجة للسويس مباشرة
على طول لغاية البوابة بعد ما تعيها بكام كيلو هاتلاقي دخلة يمين اسمها دخلة العين السخنة
تمشي فيها حوالي 30 كم هاتلاقي القرية على شمالك وقدامها ابو على بتاع السمك
اه في نزول مية وبلبطة وفي بسين كمان
والاكل ياما وجبة في المطعم بتاع الفندق ب 50 او تاخدها في علبة ب 35 او تاكل معانا سمك عند ابو على
بس الفطار هات فطارك معاك بقي
ودخول الفندق ب 40 جنيه

بسم الله الرحمن الرحيم
الله ينور عليك يا كريم :) أنت أيه بتكتب كام حرف فى الثانية :) أهه يا عم اسلام كريم جاوب برده على كل أسئلتك ماتقلقش :) و الفطار نهجم على أى محل فول و طعمية , خمسين فول خمسين طعمية و خمسين باذنجان :D
لو ماكنش يوم جمعة كنت خدتك عند عم جلال فى عابدين :) طبق فول مفعوله 12 ساعة وأزيد كمان :)