بخصوص البترول

**bebo_abdeldayem** · 13-12-2010 05:41 PM

نظرا للي شفته في المنتدي ده من تعاون غير عادي بين الاعضاء .. و كمان لاني لاحظت في مواضيع التعارف ان في ناس كتير شغالة في مجال البترول .. ف قررت اكتب الموضوع ده.. انا خريج هندسة استكشاف و انتاج بترول 2010 .. بتقدير جيد.. و بعد 5 سنين متواصلة من الفحت و الردم في الكلية بروح اقدم في الشركات بقوليلي صراحة لازم تكون عارف حد جوا .. و الي شغالين في المجال اكيد حيفهموا انا قصدي ايه .. عموما انا بطلب لو حد يقدر يدخلي السي في لمكتب التوظيف في الشركة عشان اقدر اكتب استمارة Application في اي شركة بترول .. لو حد عنده خلفية عن الشركات الي بتطلب ... لو اي اقترح او نصيحه برضوا مايضرش :) لو حد يعرف حد يقدر يدخلي السي في للشركة .. فعلا حكون شايل الجميل ده طول عمري .. و عسي ان ربنا يجعل الخير علي أيد حد هنا . و شكرا

**yassin_samir** · 14-12-2010 01:17 AM

انسى الموضوع دة انا خريج اداب من 2002 و قرايبى كلهم فى مناصب سيادية وعندهم ممكن اشتغل فى ثانية
فى اى وزارة و هما رافضين الموضع اساسا انة يتناقش والله العظيم اقارب من الدرجة الاولى و دلوقتى انا بشتغل دليفرلى اد الدنيا مش عارف اعيط و لا اعمل اية الحمد لله على كل شئ انا حلم عمرى اشتغل فى شركة يترول كل يومين تلاتة بروح اودى اوردر فى شركة بترول محترمة بمشى و انا متحسر لما بشوف الموظفين الجداد اللى متعينين بالو اسطة نفسى اشتغل معاهم و ابقى محترم

**mrwho1982** · 14-12-2010 08:11 AM

لا ماتدايقش لان انت احسن منهم

ده متعين بواسطة يعني كوسة

انت شغال بمجهودك ومشغل نفسك وماحدش ليه فضل عليك غير ربنا

قول الحمد لله وربنا يوفقك

**ramy_fiat_2000** · 14-12-2010 08:41 AM

هوه ده حال البلد كله ماشى بالكوسه والقرع
بس فعلا كفايا انك شغال شغل حلال

**elmkaneeki** · 14-12-2010 10:27 AM

المشاركة الأصلية كتبت بواسطة bebo_abdeldayem

نظرا للي شفته في المنتدي ده من تعاون غير عادي بين الاعضاء .. و كمان لاني لاحظت في مواضيع التعارف ان في ناس كتير شغالة في مجال البترول .. ف قررت اكتب الموضوع ده.. انا خريج هندسة استكشاف و انتاج بترول 2010 .. بتقدير جيد.. و بعد 5 سنين متواصلة من الفحت و الردم في الكلية بروح اقدم في الشركات بقوليلي صراحة لازم تكون عارف حد جوا .. و الي شغالين في المجال اكيد حيفهموا انا قصدي ايه .. عموما انا بطلب لو حد يقدر يدخلي السي في لمكتب التوظيف في الشركة عشان اقدر اكتب استمارة application في اي شركة بترول .. لو حد عنده خلفية عن الشركات الي بتطلب ... لو اي اقترح او نصيحه برضوا مايضرش :) لو حد يعرف حد يقدر يدخلي السي في للشركة .. فعلا حكون شايل الجميل ده طول عمري .. و عسي ان ربنا يجعل الخير علي أيد حد هنا . و شكرا

بص كله نصيب والله
اعمل الى عليك وقدم ومتتعبش ولا تستسلم
وبعدين انت لسا 2010
متقلقش

**bebo_abdeldayem** · 19-12-2010 01:06 AM

أستاذ ياسين ... انا عايز اسألك سؤال.. هو حضرتك ليه حلم عمرك تشتغل في شركة بترول و انت خريج اداب؟؟ انا شايف ان المدرس الشاطر ممكن يبقي ماديا احسن من المهندس.. و لو في مدرسة كويسه حتبقي وضع اجتماعي كويس .. انا قصدي اني مثلا كمهندس بترول ميصحش اني اقول حلم عمري اشتغل في مدرسه .. ولا انا غلطان؟؟

**bebo_abdeldayem** · 19-12-2010 01:09 AM

المشاركة الأصلية كتبت بواسطة elmkaneeki

بص كله نصيب والله
اعمل الى عليك وقدم ومتتعبش ولا تستسلم
وبعدين انت لسا 2010
متقلقش

بيني و بينك هو مافيش في ايدي غير اني اعمل الي عليا ... و بعدين بالنسبة لموضوع 2010 انا نفسي يبقي شغلي في نفس سنة تخرجي .. عشان كل لما اتأخر سنه فرصتي بتقل .. مهو بيبقي في ناس جديده .. و هكذا

**elmkaneeki** · 19-12-2010 10:04 AM

المشاركة الأصلية كتبت بواسطة bebo_abdeldayem

بيني و بينك هو مافيش في ايدي غير اني اعمل الي عليا ... و بعدين بالنسبة لموضوع 2010 انا نفسي يبقي شغلي في نفس سنة تخرجي .. عشان كل لما اتأخر سنه فرصتي بتقل .. مهو بيبقي في ناس جديده .. و هكذا

الكلام دة مش صح نهائى
الرزق ده من ربنا فى اى وقت
متقلقش
قال صلى الله عليه و سلم ..' لا حيلة في الرزق و لا شفاعة في الموت

**eng:ahmed** · 19-12-2010 10:35 AM

المشاركة الأصلية كتبت بواسطة bebo_abdeldayem

نظرا للي شفته في المنتدي ده من تعاون غير عادي بين الاعضاء .. و كمان لاني لاحظت في مواضيع التعارف ان في ناس كتير شغالة في مجال البترول .. ف قررت اكتب الموضوع ده.. انا خريج هندسة استكشاف و انتاج بترول 2010 .. بتقدير جيد.. و بعد 5 سنين متواصلة من الفحت و الردم في الكلية بروح اقدم في الشركات بقوليلي صراحة لازم تكون عارف حد جوا .. و الي شغالين في المجال اكيد حيفهموا انا قصدي ايه .. عموما انا بطلب لو حد يقدر يدخلي السي في لمكتب التوظيف في الشركة عشان اقدر اكتب استمارة application في اي شركة بترول .. لو حد عنده خلفية عن الشركات الي بتطلب ... لو اي اقترح او نصيحه برضوا مايضرش :) لو حد يعرف حد يقدر يدخلي السي في للشركة .. فعلا حكون شايل الجميل ده طول عمري .. و عسي ان ربنا يجعل الخير علي أيد حد هنا . و شكرا

السلام عليكم و رحمة الله و بركاته
مين اللي قالك إنك لازم تكون عارف حد أو حداية جو الشركة. ممكن أسألك سؤال: انت رحت تقدم في أي حتة و قالولك كدة؟ عموما الكلمة دي ممكن يقولوهالك في شركة لا داعي لذكرها أما باقي الشركات مش شرط الكل يبقى بالكوسة (بيني و بينك بتبقى نسب).
عموما ابعت لي السي في بتاعتك و أنا إن شاء الله هادخلهالك في كذا شركة و انت قاعد مكانك (هادخلها بس) بس انت موقفك إية من التجنيد و انت جامعة إية (أصل هندسة استكشاف و انتاج أول مرة أسمعها).
ثم يا صديقي المجال بتاعنا دا مش عايز اليأس حاول مرة و 2 و 3 ثم انت ما سمعتش عن المظاهرات بتاعة حديثي التخرج عموما ما تقلقشي انت لسه فريش و أن شاء الله ربنا هيكرمك.