الموضوع: مطلوب 127 ( 4 باب )

بص حضرتك أنا عندى سوبر فيورا موديل 1987 العربية معايا من سنة 90 و كنت شاريها عاملة 13000 كيلو لو حضرتك عاوز العربية حا أقول لحضرتك كل ما هو فى العربية من الالف الى الياء يعنى حا أقولك العربية أتخبطت فى أى مكان و أتصلحت أزاى
السيارة أنا مغير لها موتور و الموتور الجديد مثبوت على الرخصة طبعا و حالة الموتور الى راكب جيدة
من 10 أيام تم تغير علبة الدريكسيون و مقصين كلة جديد طبعا ماركة أوكاب الايطالى و تم تغير كاوتش العفشة الامامية و تم تغير الماستر العمومى و سيرفو كلة جديد فى جديد و تم شراء جلب مقصات خلفية و تم ارجاعهم لان الجلب الخلفية طلعت سليمة العربية راشة جوة و برة و كل الذى تم تغيرة فى السيارة هو الرفرف الامامة ناحية اليمين لانة وقت ما العربية كانت بتترش كان مش كويس مع انى كان ممكن أسيبة بس غيرتة علشان الدوكو يبقى نظيف العربية لونها أزرق ميتالك نفس لون الهيونداى الماتريكس الجديدة و يوجد بها شبكة اسبور 4 فوايس و أسبويلر على السقف راكب من سنة 90 على السيارة و جهاز أنذار ماركة ولف و سنتر لوك المطلوب نهائى 15000 جنية لو حضرتك مهتم بتفاصيل اكثر ممكن نتواصل سويا و زى ما حضرتك شوفت أنا قولت لك كل ما هو فى السيارة و علبة الشكمان الخلفية بها هى العلبة الاصلية محفور عليها كلمة seat

المشاركة الأصلية كتبت بواسطة adelmof40

بصراحة يا

هشام باشا منك تساوي وزنها دهب

والعربية رائعه ربنا يبارك لك فيها

الله يخليك يا باشا و تحت أمرك فى أى أستفسار على قدر معرفتى بغض النظر عن موضوع بيع السيارة الخاصة بى لا تردد و أسأل حتى لو عربية غير عربيتى أسأل دون أدنى حرج أنا راكب 127 من سنة 83 بس كانت بتاعت أخى الاكبر