الو مساء الخير مع حضرتك اشرف بررم من شركه فودافون

**د.أحمد السعيد** · 14-12-2010 08:05 PM

خط المحمول لاى شركة عبارة عن فرخة بتبيض ذهب للشركة وخاصة العملاء اللى تاريخهم قديم و مكالماتهم كتير و بالتالى بيحاولوا يعملوا اغراء للعميل علشان ميسيبهمش !!!

**abo_anas** · 14-12-2010 09:18 PM

المشاركة الأصلية كتبت بواسطة ziabassem

أنا كمان زهقان من فودافون .. علشان عروضهم كلها تعبانة وبحس أن الرصيد مفيهوش بركة .

نظام الرسالة التفصيلية بعد كل مكالمة يحيتطبق من يناير 2012 .. ولا حضرتك تقصد يناير 2011

اه اسف جدا هو فعلا هيتطبق من يناير 2011

الظاهر ان حتى الايام معاهم مفيهاش بركه وشكرا لتركيزك

**abo_anas** · 14-12-2010 09:21 PM

المشاركة الأصلية كتبت بواسطة ziabassem

أول مرة أسمع الكلام ده من حد معاه فودافون !!!:ka_che1[1]:

ده فعلا موجود بس بيتجرب على مليون عميل الكمبيوتر مختارهم عشوائى ده على حسب كلام مندوب فودافون قالهولى امس

**mailo** · 14-12-2010 09:30 PM

أنا معاية فودافون وبتحاسب بالثانية وبعد المكالمة بيقولي التكلفة والرصيد فضله اد إيه

**marsguy** · 14-12-2010 11:38 PM

المشاركة الأصلية كتبت بواسطة salmay

طيب هو حضرتك كان ايه سبب التحويل؟؟

وايه المميزات اللى لاقتها فى اتصالات وماكنتش موجوده فى فودافون

حولت عشان طلبت من فودافون بدل المره 10 إنهم ما يبعتوليش رسائل إعلانيه، كنت كل شويه يجيلي رساله وألاقيها بتتكلم عن ألبوم تامر حسني وعروض جديده وحاجات أنا مش مهتم بيها.

وكنت كل ما أطلب منهم يبطلوا يبعتولي الرسائل دية ينفضولي.

إستفدت من إتصالات إنهم مش بيبعتوا رسائل إعلانيه خالص وكمان ساعة أما حولت ما كانش في شركه غير إتصالات عندها نظام الثانيه، وطبعاً موضوع الرساله اللي بتطلع بعد كل مكالمه تبين الرصيد دية مالهاش حل وبتخليني عمري ما أنسى أشحن.

ده بإختصار شديد

**bassem.naguib** · 15-12-2010 12:52 AM

المشاركة الأصلية كتبت بواسطة salmay

اه اسف جدا هو فعلا هيتطبق من يناير 2011

الظاهر ان حتى الايام معاهم مفيهاش بركه وشكرا لتركيزك

قروا بقى على الحاجة الفاضلة للواحد ... ههههههههههههههههه

المشاركة الأصلية كتبت بواسطة salmay

ده فعلا موجود بس بيتجرب على مليون عميل الكمبيوتر مختارهم عشوائى ده على حسب كلام مندوب فودافون قالهولى امس

ده الكلام ده بجد بقى ..

المشاركة الأصلية كتبت بواسطة mailo

أنا معاية فودافون وبتحاسب بالثانية وبعد المكالمة بيقولي التكلفة والرصيد فضله اد إيه

طيب وأيه نظام بالثانية ده بالظبط معلش ممكن تشرحهولي .. أنا كل شوية تجيلي رسايل مش عارف اتصل بكام وحول لنظام أيه .. وأنا بصراحة منفض لأني معنديش استعداد أخش في أنظمة مضروبة (وخاصة بتاعة فودافون) .. وأخر ما زهقوا مني لاقيتهم باعتين رسالة أن الأن على نظام حكاوي وبعديها حاجة كدة (شفت بقى القر ضيع التركيز أهو) .. وأيه أحسن نظام لواحد زي حالاتي مكالماته متوسطة لا هي كتير ولا هي قليلة .

الميزة الوحيدة فعلاً في فودافون أني بحس أنها شبكة قوية بالإضافة إلى نقاء الصوت فيها .

**youssefmustang** · 15-12-2010 03:17 AM

موبينيل او فودافون الاتنين ازبل من بعض بصراحة انا على اتصالات من ساعة ما نزلت مصر شبكة زى الفل ومافيش سرقة

**bassem.naguib** · 15-12-2010 08:24 AM

المشاركة الأصلية كتبت بواسطة salmay

الله الله مركز مركز انت

شوف يا باشا نظام بالثانيه حلو لو مكلماتك قصيره يعن من 15 الى 35 ثانيه مثلا وبيحسبوك من الساعه 12 منتصف الليل الى الساعه 6 صباحا < يعنى تقدر تقول الفتره اللى انت نايم فيها> ايوه انت نايم وهما بيحسبوك عادى طبيعه عمل هههههههههه بيحسبوك الثانيه ب 3 مليم

ومن الساعه 6 صباحا الى 12 منتصف الليل سعر الثانيه 4 مليم ومش عاوزك تستقل بالمليم دا للثانيه

للتحويل لنظام بالثانيه فودافون اطلب 880 وحول .

واى خدمه

بس كدة الدقيقة حتبقى واقفة بـ 24 قرش .. النظام ده ينفع للي بيتكلم ويقول صباح الخير ويقوم قافل على طول هههههه ... أو اللي كل مكالماته بيبقى فيها كسر دقيقة .

وشكراً يا معلم على الخدمات (Thank U for Calling) . ... وأبعد عني أحسنلك في موضوع التركيز ده ههههههههههه