أنا معاك تماما
وده معناه إن السيستم في إتصالات محكم عنه في فودافون
ولو نفتكر كلنا إن الحركات دي زمان كانت بتحصل من موبينيل كتير وقليل أما كانت بتحصل في فودافون ... حتى شبكة فودافون أيامها كانت قوية ومحترمة فعلا .. وكانت فعلا في وقتها أقوى حتى من شبكة إتصالات دلوقتي وبالذات في نقاء الصوت أثناء المكالمة
لكن من ساعة ما فودافون قررت تحويل الشبكة للعمل بنظام الجيل الثالث ومن بعده الجيل 3.5 وهية جودتها قمة في السوء وأجهزتها الرئيسية (mainframes) يادوب شايلة العبء اللى عليها بالعافية ... أنا شايف إن حتى موبينيل دلوقتي بقت محصلة فودافون في الجودة ومكالماتها على طول بتقطع
وحاليا إتصالات فعلا من أقوى الشبكات برغم إنها برضه مش بنقاء فودافون أيام زمان .. ولكن يكفي سرعة الإنترنت الرهيبة اللى عاملاها ويكفي إن النت لم ينقطع خلال القطع البحري اليومين اللى فاتوا نهائيا ... والسيستم بتاعها فعلا محكم الى حد ما وصعب يحصل فيه لخبطة زي الشبكات التانية اللى خلاص بيصرخوا من عدم التطوير المناسب في البنية التحتية بتاعتهم وهما أساسا بيكسبوا مليارات
المفضلات