مشوره هامه بخصوص شراء سياره مرسيدس

**TheBuccaneer** · 14-12-2010 08:50 AM

السلام عليكم.

لى صديق ينوى شراء سياره مرسيدس, لكن انا خبرتى بمرسيدس تكاد تكون غير موجوده, مع العلم إنى واثق من انها سياره لا مثيل لها. المقارنه بين شراء e240 موديل 2005, 192000 كم, اللون ازرق كحلى, كراسى نصف جلد ( جلد على قماش ) و e200 موديل 2008, 10000 كم فقط, اللون أسود, < السيارتين فابريكه بالكامل >, و بين شراء سياره مرسيدس c200 موديل حديث مثلا 2009. كنت محتاج إلى معرفة الأفضل بين الفئتين < طبعا فئه ال e اعلى من فئه ال c > لكن طبعا فيه فروق فى السنوات و بالنسبه لل c200 كشكل جديد و موديل حديث. سمعت عن وجود مواصفات أمريكيه و مواصفات أوروبيه, و أن الأمريكيه أفضل من الأوروبيه! هل هذا الكلام صحيح؟ و ما هى هذه الفروق؟ و إذا كانت جوهريه ما هو تأثيرها؟ أرجو منكم الأفاده الشامله. و شكرا مقدما لكل من يشارك برأى.

شىء أخير, إذا كان الأختيار هو الفئه e أيهما أفضل e200 2008 ولا e240 2005 مع العلم هناك فارق فى السعر ما يقرب من 50000 جنيه, لكن المهم لدى حاليا ليس فارق السعر و أنما أيهما أفضل, و يرجى كتابه أمكانيات كل من السيارات الثلاثه بالأعلى أو على الأقل كتابة مواصفات السياره المختاره من وجهة نظركم. أسف على الأطاله و لكنها لعدم معرفتى و احتياجى الشديد لتحديد الأختيار.

**mbx4e** · 14-12-2010 10:08 AM

بصراحة انا خبرتي بالزبط زيك مافيش خالص عن المرسيدس
بس متابع

**MBhead** · 14-12-2010 03:25 PM

حضرتك اول حاجة الفرق بين المواصفات الامريكي و الاوروبي الفرق ان الاوروبي اعلي قدرة حصانه عن الامريكي و اعلي compression ratio و الفرق حوالي 20-30 حصان علي حسب قدرة المحرك كام حصان اصلا و الامريكي العدادت بالميل مش الكيلو و في اختلافات في اوبشن الصالون مثلا شكل التكييف حاجات كده اما في العموم الاوروبي احسن
انا افضل الE200 ال 2008 لان الفئة e زي ماحضرتك قلت اعلي من C و مافيش فرق في السنين كتير هيا سنه و احدة بس
و بفضل الe200 عن الe240 لانها موديل احدث و facelift لان الe من سنه 2007 و هيا فيها شويه اختلافات في البودي الجنوط و الفوانيس و شويه حاجات كمان
و انها ترخصها مش كتير و 1800 سي سي يعني حتجيب عائد بيع احسن من الe240
بس طبعا ال240 اشد لانها 6 سلندر اما ال200 اربعة سلندر
دي صورة الW211 قبل و بعد الFacelift

دي طبعا قبل الfacelift موديل 2005

دي بقي بعد الfacelift موديل 2007 شوف حضرتك الفرق في الفوانيس و الاكصدام و فانوس الشبورة و الجنوط و كمان العربيه من النص لها بوز كده
ارجو اكون افدت حضرتك

**Batman372** · 14-12-2010 03:47 PM

- e200 facelift هى فقط مو 2007 و موتورها 163 حصان - و سعرها اليوم فى رنج 375 الف جم.
- لا يوجد e200 مو 2008 !!!!!! لانها تم تبديلها فى هذا العام ب e230.
- ثم تم عرض فقط 160 سياره e200 فى ابريل 2009 بها موتير 184 حصان ( نفس مواتير ال c200 الجديده ) + فتحه سقف + حساسات + مرايات ضم و سعرها اليوم فى رنج 455 الف جم.
- e240 مو 2005 - 6 سلندر 2600 سى سى 170 حصان - كامله - ما يميزها هو سعرها اليوم فى رنج 320 الف جم.

**mummy_47** · 15-12-2010 10:03 AM

المشاركة الأصلية كتبت بواسطة Batman372

- e200 facelift هى فقط مو 2007 و موتورها 163 حصان - و سعرها اليوم فى رنج 375 الف جم.
- لا يوجد e200 مو 2008 !!!!!! لانها تم تبديلها فى هذا العام ب e230.
- ثم تم عرض فقط 160 سياره e200 فى ابريل 2009 بها موتير 184 حصان ( نفس مواتير ال c200 الجديده ) + فتحه سقف + حساسات + مرايات ضم و سعرها اليوم فى رنج 455 الف جم.
- e240 مو 2005 - 6 سلندر 2600 سى سى 170 حصان - كامله - ما يميزها هو سعرها اليوم فى رنج 320 الف جم.

يا سلام عليك يا Batman ماشاء الله موسوعة في الب ام والمرسيدس ..لكن انا لما دخلت على كونتكت لقيت ان ال E240 2003 بتبدا من 290 الف حتى 300 الف ..فهل في مبالغة في الاسعار في الاعلانات....

تقبل تحياتي

**MASERATI** · 15-12-2010 11:53 AM

السلام عليكم و رحمة الله و بركاته

و الله موضوع الFacelift دى معلومة جديدة , أنا أول مرة أعرفها عن ال E class .

شكرا و جزاك الله كل خير

**MBhead** · 15-12-2010 05:11 PM

المشاركة الأصلية كتبت بواسطة MASERATI

السلام عليكم و رحمة الله و بركاته

و الله موضوع الFacelift دى معلومة جديدة , أنا أول مرة أعرفها عن ال E class .

شكرا و جزاك الله كل خير

معظم موديلات المرسيدس فيها Facelift و الE-class من اول الخنزيرة

**Batman372** · 15-12-2010 07:14 PM

المشاركة الأصلية كتبت بواسطة mummy_47

يا سلام عليك يا Batman ماشاء الله موسوعة في الب ام والمرسيدس ..لكن انا لما دخلت على كونتكت لقيت ان ال E240 2003 بتبدا من 290 الف حتى 300 الف ..فهل في مبالغة في الاسعار في الاعلانات....

تقبل تحياتي

شكرا لك على ذوقك يا mummy_47

- ال E240 مو 2003 - بدون فتحه و لا حساسات و جنت شكله مختلف - 300 الف جم ده كان سعرها من حوالى سنتان - سعرها الصح اليوم فى رنج 265 الف جم - اسعار الاعلانات بصفه عامه طبيعى جدا المبالغه فى السعر لكن عند الجديه و مع وجود جديه البيع تخضع لاسعار السوق الواقعيه .
- سعر ال E320 مو 2004 - فتحه / زينون/حسساسات/جلد/دخول بدون مفتاح .......كامله - وهى تعتبر احلى E تتركب - سعرها اليوم 305 الف جم.

....* طبعا هذه اسعار الى بتتعرض من التجار للشراء الكاش الجادى و هى ما غالبا تحدد السوق - يعنى ممكن لو ركيب حيشترى تزيد بالكتير من 5 الى 10 الاف فى حاله اذا كانت فعلا العربيه فابريقه و تستاهل - لكن غير كده دى اسعار اليوم للعايز يبيع و يخلص .