الموضوع: الحل الرائع لقتل البكتيريا والروائح الكريهة من السيارة

المشاركة الأصلية كتبت بواسطة snakeson2

السلام عليكم ورحمة الله

طبعا موضوع الروائح الكريهة الي بتبقي جوة العربية ليها عدة اسباب وممكن تضايق الواحد وتخلية يغير فلتر التكييف كتير او انة يجيب معطرات اعتقد ان ضررها اكتر من نفعها لان الرائحة النفاذة للمعطر ساعات بتضر ناس كتير. طبعا فية حلول مسكنة كتير بس بعد تجارب عديدة وطبعا مصاريف معطرات وخلافة وجدت الحل الامثل في منتج كلنا عارفينة بس ممكن ميكونش خطر علي بالنا نستخدمة في العربية وهو: ديتول.
طبعا ديتول مطهر ومنظف واحنا عارفين شكلة التقليدي.
بس فية منتج ديتول نزلتة من فترة وهو عبارة عن اسبراي بيترش علي الاسطح لتعقيمها وقتل الجراثيم .
المهم بيستخدم بطريقة سهلة وهو انك تشغل التكييف علي اعلي درجة سخن وبعدين تشغل الزرار الي بيدور الهوا جوة العربية يعني مياخدش هوا من برة وترش الديتول في العربية ويستحسن عند المكان الي بيشفط الهوا عشان يرجعه تاني لمدة 10 دقايق.
وبعد كدة شكرا اولا كل الروائح هتختفي وهتشعر ان العربية رجعت رريحتها زي زمان
علاوه علي ان البكتيريا والجراثيم الي بتدخل من فتحات التهويه هتقتل وطبعا دة مفيد جدا لان البكتيريا دي بتسبب حساسية وضرر علي الدي البعيد.
طبعا الموضوع دة انا شفتة جوة الطيارة طبعا الطيارة مغلقة علي طوول وبيستخدمو مادة بخاخة بس دي غالية جدا 50 جنية تقريبا وبتستخدم مرة واحدة. كان فية زيها عندسوناكس .
ارجو ان تعم الفائدة وبانتظار اراء الاعضاء الكرام.

جزاك الله خير على المعلومه واخويا كان جربها من فتره ونفعت فعلا !
بس في مشكله وهي ان الديتول السبراي ده واضح ان فيه مواد بتسبب التأكل وبتطلع اللون. اخويا جربها على الكونسول بتاع اللانسر حولين الجير وطلع اللون الفضي الاصلي بتاع العربيه. لذلك لو هتستخدمه داخل العربيه حاول ماترشهوش على اي جزء من العربيه حتى الفايبر عشان بيعمل عليه بقعه ودي حصلت معايا.
انما غير كده هوا اكتر من رائع.

المشاركة الأصلية كتبت بواسطة n.a.j.d

بس ريحة بتاعت الديتول مش بحبها
مش حلوه اوى

على فكره ريحته غير ريحة الديتول السائل المطهر الي بنستخدمه !
ده ريحته جميله وفي منه اخضر و أزرق والاتنين حلوين