ايه رأيكم في البوجيهات البلاتينيوم

**mony10** · 22-12-2010 05:34 AM

عربيتي صني موديل 2004 كل فتره لما احس ان استهلاك البنزين بدأ يزيد اغير البوجيهات بس بره التوكيل لأن عربيتي خليجي ملهاش ضمان المهم رمضان اللي فات روحت للميكانيكي أغير البوجيهات قال في بوجيهات بلاتينيوم احسن من النوع العادي لو تحب تجيبهم هيكون افضل المهم وانا بشتري اتفرجت عليهم هما بوش اشتريتهم بـ 110 جنيه وركبتهم بدون ظبط بالفيلر لأن البيجوهات الجديده بتيجي مظبوطه من المصنع ممكن مجرد انك تحط الفيلر يبوظ البوجيه المهم اداء العربيه ماختلفش كتير عن البوجيهات العاديه يكاد يكون مفيش فرق في سحب العربيه والجري اما بالنسبه لاستهلاك البنزين فيه توفير حوالي 50 كم زياده في التنك اما بالنسبه لعمرهم انا بقالي 4 شهور لحد دلوقتي وشغالين كويس لسه هيبان معايا موضوع عمرهم اطول ولا لأ بعد فتره

**mhm_80** · 19-08-2014 10:42 AM

بسم الله الرحمن الرحيم

انا اشتركت مخصوص فى المنتدى علشان اقول ايه الى حصل معايا فى البوجيهات البلاتنيوم انا كنت ديما ادخل اقراء بس فى المنتدى ومكنتش مشترك

انا قراءت كتير عن البوجيهات دى وقولت اجرب مفيش مشكله مش هخصر حاجه انا عربيتى هوندا سيفك 92 ومهتم بيها جدا روحت دبيت مشوار للسيده زينب وجبت البوجيهات ngk بلااتنيم ورحت لمكانيكى الهوندا بتاعى فى الحرفييين متخصص فى هوندا فقط وركبتها كنت ديما بحط بوجيهات NGk 3 شمعه وشغاله معايات كويس اوى وحسب العربيه ممتاز وبيعيشوا كتير المهم ..... ركبت البوجيهات دى من هنا وسحب العربه بقى اى كلاام قولت يمكن علشان دى واحد شمعه قولت خلاص انا همشى بيهم شويه وجرب يمكن والله ما كملت يوم نفس اليوم الى ركبتهم فيها بالليل وانا ماشى بوبينه العربيه اتحرقت موقف زباله اول مره فى حياتى العربيه تعمل معايا كده تقريبا والله اعلم ان البوجيهات دى بتدى شراره متواصله على حسب ما قراءت وده السبب فى حرق البوبينه ؟؟؟

رحت جبت بوبينه تانيه وركبتها وشلت البوجيهات رمتها بلا قرف وحطيت الى كنت بستخدمه قبل كده والعربيه الحمد لله اتظبطط تانى

دى الى حصل معايا والله اعلم بقى

**ahmed1981** · 19-08-2014 04:51 PM

أنا تجربتي للبوجيهات البلاتينيوم في شاهين 2008
أعطوا نفس أداء البوجيهات العادية
وباظوا بعد 10000 كيلومتر وهو نفس معدل البوجيهات العادية
يعني فلوس زيادة على الفاضي

بخصوص الموبينة اللي إتحرقت
أظن إنها مصادفة
مش البوجيهات هي السبب

ـ