شقة للبيع في منطقة فيصل -الهرم

**wael2sh** · 14-12-2010 03:48 PM

الشقة نصف تشطيب المساحة 185 متر 2
رسبشن 3
غرف نوم 3
حمام 2
مطبخ
الدور الرابع -مدخل وسِلّم رخام
العمارة 6 ادوار حديثة البناء
العمارة كانت ملك والدي الله يرحمه ونصيبي فيها من الميراث شقتين ومش محتاج غير واحدة وهبيع التانية
العمارة مش شغل سوق والدي كان بيبنيها علشان نسكن فيها ,,اقصد من كده إن المساحة واسعة وواخدة الشكل المربع مش المستطيل وال غرف واسعة والتهوية ممتازة في كل الغرف وكان سايب مساحة حوالين العمارة حوالي 3 متر من كل جانب للعمارة السِلّم واسع ومعمول حساب تركيب اسانسير فيه

العمارة بيها غاز طبيعي وطبعا مية وكهربة بس لازم تقدم على عداد كهربا باسم الشاري

العنوان شارع محمد صلاح الدين متفرع من نبيل طه الوقاد محطة المطبعة ممكن الدخول من شارع مدرسة الملكة أو من الشارع الفيه غاز مصر
السعر 165000

المعاينة يووم الجمعة أو السبت

ملحوظة الدور على 2 شقة ومساحة الأرض الكلية على ما أفتكر 400 متر

تليفون 0100046886
وائل محمد

**dr_walid** · 14-12-2010 04:18 PM

السلام عليكم
هى الشقة بين فيصل و الهرم
والشارع الى فية الشقة مساحتة قد اية
ولو ممكن صور ليها
و شكرا

**wael2sh** · 14-12-2010 04:29 PM

المشاركة الأصلية كتبت بواسطة dr_walid

السلام عليكم
هى الشقة بين فيصل و الهرم
والشارع الى فية الشقة مساحتة قد اية
ولو ممكن صور ليها
و شكرا:oc_sun1[1]:

وعليكم السلام
الشقة يمين فيصل مش بين الهرم وفيصل يعني وإنت رايح الهرم وضهرك الجيزة هي بتكون على الناحيةاليمين
الشارع مش متأكد قوي بس ممكن يكون حوالي من 10 ل 15 متر أعذرني أنا مش حريف قوي في المواضيع دي بس بيتهيألي لو عربيتين راكنين في الجنبي بتاع الشارع ممكن عربيتين كمان يعدوا وهم ماشيين مش متأكد الصراحة أنا تقريبا مبروحش هناك
هحاول أروح واصورها طبعا بس ده هيكون أوم جمعة برده

**gebreel** · 14-12-2010 04:41 PM

ربنا يحسنلك بيعها ان شاء الله

**mxz911** · 15-12-2010 06:00 AM

الدور كام وهيه بعدها عن ميدان الجيزه حوالى اد ايه وياريت صور

وربنا يكرمك

**wael2sh** · 15-12-2010 09:23 AM

المشاركة الأصلية كتبت بواسطة gebreel

ربنا يحسنلك بيعها ان شاء الله

متشكر جدا شكرا لمرورك

**wael2sh** · 15-12-2010 09:25 AM

المشاركة الأصلية كتبت بواسطة masrtamin

ممكن تقسطها
ولو ممكن تحتاج مقدم كام
والمده قد ايه

ممكن اقساط
نصف المبلغ مقدم والباقي على سنتين بحد اقصى وطرق الدفع حسب الاتفاق مفيش مشكلة

**wael2sh** · 15-12-2010 09:36 AM

المشاركة الأصلية كتبت بواسطة mxz911

الدور كام وهيه بعدها عن ميدان الجيزه حوالى اد ايه وياريت صور

وربنا يكرمك

الدور الرابع والعمارة 6 ادوار هي تقريبا في نصف شارع فيصل وتدخل من الرئيسي حوالي 3 دقائق ل 5 دقائق بالعربية بكون هناك

الصور ححاول أروح الأسبوع الجاي واصورها إنشاء الله
المشكلة إني بخلص شغلي متأخر والاسبوع الجاي مسافر الغردقه وعلى فكرة في احتمال يطلعوا طالعة للدائري تبعد من البيت 2 دقيقة على آخر الشارع من النحية التانية من شارع المنشية بس ده مجرد احتمال ومش عارف هيتنفذ امتى

**Donzi** · 15-12-2010 10:06 AM

ربنا يسهلك بيعها ان شاء الله

بس مادام بيت عائلة رائيي تتحتفظ بيها لان العاقرات بتغلى جامد و هاتبقى استثمار مويس لقدام

و المنطقة دي كويسة اختي لسة ناقلة فيها قريب

ربنا يكرمك ان شاء الله