بتزود زيت اوتوماتيك نوعه ايه ؟ وزيت فرامل ايه ؟

**Dr_Smart** · 25-03-2008 05:57 PM

انا بزود زيت الفتيس الاوتوماتيك نفس زيت الباور .. بتاع ESSO

وزيت الفرامل ( الباكم ) زيت موبيل وفيه زيت امريكي بجيبه من بره اسمه Wagner كويس اوي برضو

**Xpert** · 27-03-2008 12:38 PM

باور : esso
فرامل : benedix

**maka** · 27-03-2008 03:07 PM

باور مفيش
فتيس اسو 90

**مدحت منيب** · 28-03-2008 11:20 AM

لا حظ سيادتك ان زيت الفتيس الاوتاماتيكى

يختلف عن زيت الفتيس المانوال
لذا و جب التنويه
و عليه تعتبر كل الاجابات السابقه ناقصه لعدم تحديد نوع ناقل الحركة فى كل منها

**nancy** · 30-03-2008 05:29 PM

هو ايه زيت الفيتيس ده ....... و بيتحط فين ؟؟
و امتى احتاج احطو..... و لو عربيتي اتوماتيك احط ايه

**Dr_Smart** · 30-03-2008 10:52 PM

لو عربيتك اوتوماتيك فيه ناس كتير بتفضل انها تزود زيت الفتيس لو ناقص لكن مابيتغيرش زي زيت الماتور ... يعني ممكن كل مرة بتغيري فيها زيت الماتور خلي العامل يفحص مستوى زيت الفتيس لو ناقص يزوده

**Xpert** · 02-04-2008 02:36 PM

المشاركة الأصلية كتبت بواسطة nancy

هو ايه زيت الفيتيس ده ....... و بيتحط فين ؟؟
و امتى احتاج احطو..... و لو عربيتي اتوماتيك احط ايه

زيت الفتيس ده بيتحط للفتيس :D:D اه بجد ..
زيت الفتيس هوه المسؤول عن تزييت الفتيس من جوه .. و ده بيبقي حسب نوع الفتيس ...
لو الفتيس مانوال .. ده قليل لما يتحطلوا زيت .. و ده اسهل حاجه انك تخللي عامل البنزينه يكشف عليه و يزوده ...
طبعاُ بما ان حضرتك سألتي علي الاوتوماتيك .. فاكيد عربيه حضرتك اوتوماتيك ..
زيت الفتيس الاوتوماتيك ده بيبقي ليه مقاس زيت .. و مقاس الزيت ده عامل زي مقاس الزيت بتاع الموتور .. بس بتاع الفتيس بيبقي ناحيه الفتيس .. (للعلم برضه .. مقاس زيت الموتور او الفتيس بيبقي عباره عن سيخ حديد او بلاستيك طالع من ماسوره كده طالعه من جسم الفتيس او الموتور .. و بيبقي في النهايه من فوق حلق او يد يتسحب منه ) ...
حضرتك بتسحبي المقاس .. و تكشفي علي الزيت .. (و دي بقي .. شد المقاس مره و بعدين يتمسح و يتحط تاني .. تدخلي تدوري العربيه و تشدي الهاندبريك و تدي الريفيرس جير ..و ترجعي تشدي المقاس و العربيه دايره و واخده الريفيرس .. ايه السر في كده لسه ماكتشفتش بس ماعتقدش انها مهمق قوي يعني .. بس لما اعرف هابقي اقول ;);)) و تشوفي الزيت ناقص ولا لاء .. لو ناقص .. من نفس الماسوره اللي طالعه من الفتيس دي حضرتك بتحطي عليها قمع و تصبي الزيت جواها ..
الاسهل من ده كله : عامل البنزينه او الميكانيكي برضه يكشف عليه و يغيره .. مع العلم :
الفتيس الاوتوماتيك فيه من جواه مصفي (فلتر) لازم يتغير او يتنضف علي الاقل كل فتره محدده .. (اوعي تنسيه حضرتك .. ده سبب بوظان معظم الفتايس الاوتوماتيك) ..
و شكراًُ
كان معكم :
بيشوي ...