حمد الله علي سلامتك ,انا حصلي الموقف ده من سنتين بس كان جاز من الميكروباصات واقع في الارض بس للاسف دخلت في الرصيف بس الحمد لله طلعت انا سليم مع شويه خسائر في العربيه.
عرض للطباعة
حمد الله علي سلامتك ,انا حصلي الموقف ده من سنتين بس كان جاز من الميكروباصات واقع في الارض بس للاسف دخلت في الرصيف بس الحمد لله طلعت انا سليم مع شويه خسائر في العربيه.
أنا بقى لبست في الرصيف على سرعة 70 بنفس الوصف اللى إنت بتقوله ده بسبب بقة زيت زي اللى بتوصفها بالضبط والعربية إتبهدلت من تحت .. لأن الرصيف كان إرتفاعه تقريبا 30 أو 40 سم
قدر الله وماشاء فعل ..
اماطة الاذى عن الطريق صدقة
الطريق دا فعلا كان في حادثة انا عديت عليه الساعة 7 الصبح كان في عربيتين متبهدلين على جنب الطريق والزيت واقع من الحادثة
بس اللي عجبني وقتها كان في واحد وابنه وقف في الشارع وحط المثلث بتاعه وقعدت يحذر الناس انوا في زيت
شكرا لكل المشاركات, الحقيقة أني من الخضة ماجاش في بالي خالص أني أردمها, بس أمبارح عديت من نفس الطريق ملقتهاش الحمد لله, الظاهر حد نضفها
عملت حادثه في ميكروباص من 5 سنين بسبب بقعة زيت بس كانت كبيره الميكروباص صدم الميتسوبيشي امامه ولف حولين نفسه 5 مرات زي النحله لغاية ما صدم عمود على جنب الطريق وطلعنا منه باعجوبه والزيت كان زيت مستعمل من مخلفات محلات تغيير الزيون واحد ابن حرام بعربيه كارو سربهم على الطريق ربنا ينتقم منه ومن المسؤولين
انا حصل معايا وكان مطلع الدائري ولافف يمين وماشي عادي بتاع 40 مثلا وماسك الدركسيون وفجاءه لقيت العربيه بتحدف جامد وانا داخل في السور وفضلت يمين وشمال بتاع مرتين لحد ما العربيه اتعدلت الحمد لله واديت انتظار والناس هدت وفهمت من اللي حصلي
بس بجد تأثيره بشع على العربيه وخاصه لو مش مدي خوانه زي ماحصل معايا ومنهم لله اللي يسيبو او يرمو زيت على طريق كده
حمد لله علي سلامتك
السنه اللي فاتت والدي كان نازل من علي كوبري مرغم في الأسكندريه وكان في زيت وكان سايق عربيه نص نقل والعربيه عامت وشمال ويمين لحد مالبست في الرصيف ووالدي مكنش رابط الحزام وطار في القزاز براسه لدرجة ان القزاز اتكسر والعربيه اتبهدلت جامد من قدام ومن الشاسيه لدرجة انها متظطتش خالص وبعناها
الزيت من المواد الخطره جدا وجربت نفس اللى حصلك بالظبط كنت راكب bmw 535 موديل 90 وكنت ماشى بسرعه 40 فى ملف وفجأه دخلت فى بقعة زيت وعينك ماتشوفش اللا النور لقيت العربيه لفت حوالين نفسها مرتين وكأنى فى الملاهى بس ربنا ستر والحمد لله العربيه وقفت وبدأت اتحرك ببطء جدا الى ان خرجت من الزيت وشويه شويه بقى كله تمام
مش مصدق أن كل الناس حصلها مواقف مشابهة, ده معناه أن الواحد وهو نازل من بيتهم لاز يتشهد على روحه, لنا الله