الموضوع: ايه الفرق بين ال 55 و ال 70

لا خالص... الامبير دة بيعبر عن المخزون اللى فى البطارية... زى كدة ما تقول ان دة خزان بيشيل 5 لتر و دة بيشيل 8 لتر

MMamdouh

المشاركة الأصلية كتبت بواسطة MMamdouh

الرقم بتاع الامبير بيرمز لحجم لشحنة اللى بتخزنها البطارية يعنى شحنة البطارية ال70 المشحونة على الاخر اكبر من شحنة البطارية ال55 المشحونة على الاخر ب 27%

طيب ايه الفايدة من الموضوع دة؟؟... الاول لازم نعرف شوية حقائق مهمة قبل ما نجاوب على السؤال دة...

الحقيقة الاولى هى ان الموتور و هو داير بيبقى الدينامو هو مصدر الامداد بالكهرباء لكل المكونات الكهربائية... و دة السبب انك تقدر تفك البطارية من العربية و هى دايرة و تلاقيها فضلت دايرة

الحقيقة التانية ان من وظائف الدينامو هى شحن البطارية بالتالى كل ما البطارية استهلكت كمية اكبر من الشحنة المخزونة فيها كل ما كانت محتاجة مدة شحن اطول و بالتالى شغل اكتر من الدينامو

الحقيقة التالتة و استنتاجا من الحقيقة الاولى و التانية هى ان وظيفة البطارية ادارة الماش عند بداية التشغيل و تغذية المكونات الكهربائية للسيارة و هى مبطلة

من هنا نكتشف ان اللى اى عربية محتاجاه للتشغيل الطبيعى هو بطارية قوية بما يكفى لتشغيل المارش عدة مرات متتالية لحد ما الموتور يشتغل فقط لاغير

معنى كدة ان تركيب بطارية بامبير اكبر من اللى هى اصلا نازلة بيه حيزود عدد مرات ادارة المارش و دى مش حاجة مفيدة لو انت عربيتك سليمة و بتدور من اول سنة مارش... او اذا كنت مركب عدة صوت كبيرة و بتشغلها مدة كبيرة و العربية مبطلة حيطول المدة اللى تقدر تشغل فيها العدة قبل ما البطارية تنام خالص

يعنى فى النهاية الموضوع مش مفيد خالص و يعتبر مضيعة فلوس الا لو تحقق شرط العدة القوية اللى بتشتغل كتير و العربية مبطلة... و هنا كمان حيتحقق موضوع الشغل الزائد على الدينامو لشحن البطارية مرة تانية

MMamdouh

كلام جميل وموزون ونفسي الناس تقتنع بيه
للاسف كل واحد يقولك انا هركب بطاريه اكبر اصلي معلي النور ومركب عدة صوت
تقوله هوا انتا هتشغلهم والعربية مطفيه يقولك لا خالص
تقوله امال ايه فايدة البطاريه الاكبر
يقولك هتبقى اجمد وعمرها هيبقى اكبر

والموضوع كله زي ما حضرتك وضحت
على الله الناس تقتنع
ههههههههههههههههههههههه


تحياتي