ما هو التاكيه وما وظيفته و شكله؟
عرض للطباعة
ما هو التاكيه وما وظيفته و شكله؟
اقولك انا يا معلم التاكيه ده هو عباره عن شاكوش صغير بيدق علي سوسته و تحت السوسته دي الصباب علشان عمليه الحريق تتم و حركة الشاكوش دي تتظبط مع طلعة البستم يعني يكون الصباب يدق عليه و البستم قريب من الصباب مع الكهرباء اللي طالعه من البوجيه في نفس التوقيت طبعاًً مع رشة البنزين كله في وقت واحد تحصل عمليه الاحتراق
ِشكلك كده مفهمتش حاجه صح لو كده اسالني و انا اجاوب
يا ريت لو في رسم توضيحي أنا فاهم كلامك بس عايز شكله
للاسف صعبه دي عليا بس حسالك لو عرفت اجيبلك الصوره دي
شوف اللينك دة يمكن يساعد :)
http://auto.howstuffworks.com/engine1.htm
التاكية هو أعلي جزء في الصورة المتحركة (لونه برتقالي).
الرجاله قايمه بالواجب و انا غايب...تمام كده و اجدع رجاله ;):d:d
الف الف شكر يا استاذ احمد .. الشرح جميل جدا و واضح
و الصوره اكثر من رائعه ن خاصة انها متحركه
و قد استفدت منها كثيرا ، و جمعت اولادى و شرحت لهم عليها كل الاجزاء
جازاك الله كل خير و دمت لنا بكل خير
تقبل احتراماتى و مودتى
اللينك جامد جدا يا احمد شكرا ليك علي التوضيح للزملاء و ليه برضه.....
Ibiiiiiiiiiiiiiiiiiiiiiiiiiiiiiiiiiiiiizzzzzzzzzzz zzzzzzzzzzzzzaaaaaaaaaaaaa For Ever
بجد انت استاذ
شكرا اوي ياباشا وفيدنا كمان وكمان :)
معلش طيب فين الكامة ...
ويعنى ايه موتور 12v K 16v
أحب ان أصحح معلومة فى تعليق الأستاذ/وليد.......التاكية هو شاكوش يقوم بالضغط على الصباب ليتم فتح الصباب (فى كل من شوطى السحب والعادم)........أما سوستة الصباب فوظيفتها ارجاع الصباب مرة أخرى الى وضعة الطبيعى لأحكام غلق اسطوانة الحريق .........................وبالنسبة لسؤال الأستاذ/تامر..........فعمود الكامات هو المسؤل عن عملية توقيت فتح وغلق الصبابات.....ويوجد علية الكامات التى تقوم بتحريك التاكيهات فى حركة تأرجحية...ليتم فتح وغلق الصبابات.........والأرقام 16v وخلافة ترمز الى عدد صبابات المحرك.........فمثلا فى النوع المذكور يخصص لكل غرفة حريق عدد/أربع صبابات(2حر+2عادم)..........شكرا!!! !!!!!!!!!!!!
كلام جميل
بس ممكن توضيح كيفية ضبط التكيهات و اعراض احتياجها للظبط
مشكور يا باشا ما قصرت
يتم ضبط التاكيهات باحدى طريقتين.................................ا ا اّليا بواسطة منظومة هيدروليكية تعمل بزيت المحرك مثل الموجود فى السيارات (نوبيرا-أوبل)....واللذين تعاملت معهما...دون تدخل العنصر البشرى..........أو بطريقة ميكانيكية بواسطة التحكم فى الثغرة الفراغية بين نهاية التاكية من أسفل (عن طريق رباط مسمار بكنترة) ونهاية عصب الصباب من أعلى....ويتم قياس الخلوص بينهما بواسطة مجس ورقى(فيللر).....مع ملاحظة أن الخلوص لصبابات العادم يكون أكبر منة لصبابات الحر(تقريبا ضعف القيمة)...بسبب تعرض صبابات العادم لحرارة أعلى من صبابات الحر(الدخول)............................ ..........وتحتاج التاكيهات ذات أسلوب الضبط الميكانيكى للضبط عند ارتفاع صوت المحرك بطريقة ملحوظة.....أو عند ارتفاع حرارة المحرك فى بعض الأحيان مع كون دائرة التبريد تعمل بصورة مرضية....أوعند انخفاض القدرة فى بعض الأحيان..........أحب أن أشير بأن النوع الاّلى(الهيدروليكى) يقوم بعملية الضبط من تلقاء نفسة........