الله يسلمكم :)
لا لا
انا أتغيرت وانت عارف
بس كنت بجرب كدة :)
عرض للطباعة
حمد الله على السلامه
اهم حاجه ان الحمد لله انت بخير وربنا يستر علينا ويكفينا شر الطريق
الله يسلمكوا
الحمد لله علي كل حاجة
طيب و الله أنا كنت النهارده على الدائري و شفت عربية محمله مواسير بطريقه فعلا متخلفه و كنت وراه و قلت لازم أبعد عنه عشان لو حصل حاجه
و الحمد لله إنك محصلكش حاجه
حمد لله على سلامتك وصح انك كنت عامل حسابك على حاجة زي كدة طبعا لانعدام الضمير ومحدش بيشوف شغله كويس سواء اللي بيحمل العربية او سواق النقل او اي ظابط او امين شرطة شايف عربية زي دي ماشية ومش بيحاول يشوف محمل صح ولا لأ
انا شفت كنبة طارت من نص نقل شايل طقم صالون مثلا او حاجة زي كدة وطارت منه كنبة في وش نيسان صني والصني كانت عاملة زي ماتكون دخلت في عربية بوشها
وتاكسي طارت منه كرتونة كانت على السقف في صلاح سالم
ومرة موقف كوميدي اوي : عالصحراوي لاسكندرية عربيبة 128 وحاطط شبكة وعليها طبعا شنط وطارت الشبكة كلها بالشنط اللي عليها ونزلت عالأرض وقعدت تزحف مسافة طويلة اوي لحد ماوقفت
ربنا يستر علينا الواحد فعلا زي مايكون بيسوق في need for speed :))))
ده ستر ربنا
النهاردة كنت علي الدائري برضه ... كل يوم :(
6 عربيات نقل محملين بيغرزوا علي بعض
وانا في وسطيهم
قولت كلاكس كدة عشان يحسوا ان في عربيات معاهم
بس :)
مسمعتش حاجة بعد كدة :dzey:
عادي ... كلاكس نقل كدة من اللي بتسمع أوله وبتنطرش في نصه :)
انا طرت الحقيقة :)
طاب nfs فيها esc أو حتي alt+f4
انما ده فيها alt+f4 من الدنيا :)
امبارح بس بالليل شوية وعلي الدائري برضه
ماشي 120 علي الشمال
ببص في المراية .... لقيت نور كدة فوق الشنطة بتاعتي
وبعدها كلاكس
دققت شوية لقيت حاجة كدة زي ما تقول عمارق ورايا
وصلت ل 150 وهو برضه فوق الشنطة
طاب أعملك أيييييه
طاب سيبلي فرصة أعديك من شمالي ... طاب عدي من اليمين
قعدت أفكر كدة تمن الشنطة والرفرف اليمين ممكن يبقوا كام :)
لقيت الحكاية مش كويسة
أديته أشارة يمين وزنقته في نقل تانية
وفتحت لقيت ميكروباص أستخبيت جنبه :)
حمدا لله على سلامتك
الحمد لله ربنا ستر
انا بخاف من كل العربيات المحمله بإهمال
حتى لو كانت محمله (زباله)
كتير نبقى مسافرين وحاجات تطير او تقع من العربيات المحمله
وكل واحد ونصيبه
ابسطها حاجه تيجي على الزجاج الأمامي تحجب الرؤيه للحظات
الحمد لله انك عديت و ربنا يحفظنا
حمدالله على سلامتك