الموضوع: ايه اكتر عربية بتعصبك بسبب طريقة قيادة سائقيها

السيدات برضه حظهم ممتاز معايا خصوصا لو معاها ماتريكس او 128

اي عربية بتسوقها ست ببعد عنها ....

- السيدات - ودول اقلل ضرر من اللي فوق لاننا عارفين تصرفاتهم ومتوقعنها - وكمان كلاكس جامد شوية يخليهم يكشوا - ( هههههههه )

فعلا أي عربية واحدة سايقاها بتبقى مشكلة
وكمان el-405

غير متفقة معاكوا بالمرة وفعلا زى ما mnomno قالت ياريت كل اللى بيسوقوا ستات لان معندناش استهتار بالارواح كده وعلى فكرة انا واحده من الناش مبخافش ولا بكش من كلاكس بالعكس لو لاقيت الحد ده بيستهبل ولا بعبره انما لو لاقيت الامر يستدعى انى اوسعله الطريق بعمل كده

ولعلمكوا فكرة ان الستات مبتعرفش تسوق دى فكرة غلط تماما انا من الزقازيق وجامعتى فى القاهرة وبسافر يوميا ويوم التلات اللى فات سواق ميكروباص جاى ورايا وبيدى كلاكس جامد وانا عاليمين وجنبى عربية عالشمال واودامى عربية وهو ورايا بالظبط شاورتله يهدى بالذات ان الطريق كان هادى اصلا فضل ماسك الكلاكس ومش راضى يسكت ويلزق فى الشنطة عشان يخوفنى وانا بقى اتعصبت وموسعتلوش راح عمل حركة تريقه انى بنت يعنى
عصبنى زيادة وقولت فى نفسى طيب البنت دى بقى هتوريك هى هتعمل ايه لان مش معنى انى بنت انى مبعرفش اسوق والله العظيم مشيته ورايا من بلد اسمها بردين لمدخل العاشر من رمضان بعد بلبيس اكتر من 35 كيلو بحرق وباخد غرز ماعرف ياخد عليا غرزة ولا يجيبنى وهو هيتجنن لحد ماهو اللى دخل طريق العاشر وانا كنت مكملة عالقاهرة

مش بقول كده عشان اقول انى سواقتى جامده وكده لا فيه بنات كتير احسن منى بمراحل وليا واحده صاحبتى والله سواقين الميكروباصات قلبهم مش جامد زيها ومش شرط ان حد يكون قلبه جامد انه يكون بيحدف عالناس لا الشطارة انك تعرف امتى تاخد غرزة من غير ماتضر نفسك ولا غيرك

كل اللى عاوزة اقوله فى الاخر مش معنى انى بنت انى مبعرفش اسوق بدليل ان سبب معظم الحوادث رجالة مش بنات نص نقل وميكروباصات وتاكسيات اظن دول مش بنات