ايه اكتر عربية بتعصبك بسبب طريقة قيادة سائقيها

**mnomno** · 17-12-2010 11:29 PM

المشاركة الأصلية كتبت بواسطة Rerii

غير متفقة معاكوا بالمرة وفعلا زى ما mnomno قالت ياريت كل اللى بيسوقوا ستات لان معندناش استهتار بالارواح كده وعلى فكرة انا واحده من الناش مبخافش ولا بكش من كلاكس بالعكس لو لاقيت الحد ده بيستهبل ولا بعبره انما لو لاقيت الامر يستدعى انى اوسعله الطريق بعمل كده

ولعلمكوا فكرة ان الستات مبتعرفش تسوق دى فكرة غلط تماما انا من الزقازيق وجامعتى فى القاهرة وبسافر يوميا ويوم التلات اللى فات سواق ميكروباص جاى ورايا وبيدى كلاكس جامد وانا عاليمين وجنبى عربية عالشمال واودامى عربية وهو ورايا بالظبط شاورتله يهدى بالذات ان الطريق كان هادى اصلا فضل ماسك الكلاكس ومش راضى يسكت ويلزق فى الشنطة عشان يخوفنى وانا بقى اتعصبت وموسعتلوش راح عمل حركة تريقه انى بنت يعنى
عصبنى زيادة وقولت فى نفسى طيب البنت دى بقى هتوريك هى هتعمل ايه لان مش معنى انى بنت انى مبعرفش اسوق والله العظيم مشيته ورايا من بلد اسمها بردين لمدخل العاشر من رمضان بعد بلبيس اكتر من 35 كيلو بحرق وباخد غرز ماعرف ياخد عليا غرزة ولا يجيبنى وهو هيتجنن لحد ماهو اللى دخل طريق العاشر وانا كنت مكملة عالقاهرة

مش بقول كده عشان اقول انى سواقتى جامده وكده لا فيه بنات كتير احسن منى بمراحل وليا واحده صاحبتى والله سواقين الميكروباصات قلبهم مش جامد زيها ومش شرط ان حد يكون قلبه جامد انه يكون بيحدف عالناس لا الشطارة انك تعرف امتى تاخد غرزة من غير ماتضر نفسك ولا غيرك

كل اللى عاوزة اقوله فى الاخر مش معنى انى بنت انى مبعرفش اسوق بدليل ان سبب معظم الحوادث رجالة مش بنات نص نقل وميكروباصات وتاكسيات اظن دول مش بنات

**f_i_gawish** · 18-12-2010 12:31 AM

1- أتوبيسات النقل العام وأتوبيسات الجمعية لأنها بتاخد نص الطريق أو أكتر وكمان بتقف في أي حتة وطبعا من غير اشارات
2- وسواقة معظم الستات (علشان محدش يزعل) فظيعة لدرجة اني بعرف عربيات الستات من طريقة السواقة

**ROSSO** · 18-12-2010 02:46 AM

واضح ان كل المشاركات اتفقت على الأسوء:

1- الفيرنا طبعا بلا منافس (الأسوء فى التاريخ..!!!) معظمهم فاهمينها غلط خالص
ماهو مش معقول ألاقى اصحابى وزملائى فى الشغل كلهم وكمان الناس هنا فى المنتدى بيقولو الفيرنا ويبقى العيب فينا..؟؟؟؟؟
بس فعلا هى ليه العربية دى بالتحديد بتبهت على (معظم) سواقينها كده و بتوحد طريقة سواقتهم..!!!!!!!!!!!

2- التاكسى و الميكروباص و الأوتوبيس
ودول بتوقع طريقة سواقتهم و الأبتعاد عنهم ربنا بيكفيك شرهم

3- الستات وبأيد كلام العضو اللى قال بيبان من السواقة بتاعتها
اول ما ألاقى عوق و تهييس ومفيش كنترول ومرايات وكده......بأعرف انها واحدة ست وابعد عنها وش

هى الفيرنا بس اللى مالهاش حل...!!!!!؟؟؟؟؟؟

**tamatemo** · 18-12-2010 11:55 AM

انا معايا فيرنا وبقول

اسوء عربيات في السواقة الفيرنا والقديم كلو + عربيات الشرطة بلا منازع

وسبب ان الفيرنا وحشة

قوة الموتور علي خفة الوزن فبتحس ان العربية بتغريك تجري

بس بجد العربية تخوف من جريها

**wael17** · 18-12-2010 12:19 PM

الفيرنا طبعا..مش محتاجة كلام

**factorialx** · 18-12-2010 12:34 PM

الفيرنا

و أنا ماشي على محور صفط اللبن راجع من فيصل في حتى كده مغرية أوي عشان الواحد يشد فيها أنا كان آخري أجيب 120 فيها لقيت واحد بفيرنا طاير مش أقل من 150 و بعدين في نزلتين يمين جامعة القاهرة و شمال بولاق

من كتر ما هو مسرع و مش عارف يتحكم بالعربية كان هينزل نزلة بولاق العربية بقت بتزحف معاه مش عارف يمشي يمين خالص

و ال128 و الشاهين و اللادا اللي كل شوية بيعطلوا و يقفوا الشارع وراهم

الميكروباصات الهاشم بص و الإلترامكوا سواقين زباله

**walidzakzok** · 18-12-2010 12:51 PM

المشاركة الأصلية كتبت بواسطة factorialx

الفيرنا

و أنا ماشي على محور صفط اللبن راجع من فيصل في حتى كده مغرية أوي عشان الواحد يشد فيها أنا كان آخري أجيب 120 فيها لقيت واحد بفيرنا طاير مش أقل من 150 و بعدين في نزلتين يمين جامعة القاهرة و شمال بولاق

من كتر ما هو مسرع و مش عارف يتحكم بالعربية كان هينزل نزلة بولاق العربية بقت بتزحف معاه مش عارف يمشي يمين خالص

و ال128 و الشاهين و اللادا اللي كل شوية بيعطلوا و يقفوا الشارع وراهم

الميكروباصات الهاشم بص و الإلترامكوا سواقين زباله

فعلا هما زبالة الزبالة

**newcastle** · 18-12-2010 04:19 PM

ماتريكس و شيفروليه الدبابه والترامكو وهاشم باص

**Formulator** · 19-12-2010 01:20 AM

المشاركة الأصلية كتبت بواسطة factorialx

الفيرنا
من كتر ما هو مسرع و مش عارف يتحكم بالعربية كان هينزل نزلة بولاق العربية بقت بتزحف معاه مش عارف يمشي يمين خالص

...ههههههههههههههه.. جامدة جدا على فكرة... ههههههه

العربية دى مش ممكن....

مالهاش حل

-

الموضوع: ايه اكتر عربية بتعصبك بسبب طريقة قيادة سائقيها

LinkBack

أدوات الموضوع

عرض

-

-

-

-

المواضيع المتشابهه

يدخل موسوعة جينيس بسبب طريقة ركنه للسيارة

افضل طريقة قيادة مع الفتيس الاتوماتيك

حادثة بسبب قيادة السيدات ......... تجربة شخصية

ألماني يدخل موسوعة «جينيس» بسبب طريقة ركن سيارته

طريقة لأزالة الخرابيش و بواقي الدهان المتبقي بسبب حكة من عربية اخري

الكلمات الدلالية لهذا الموضوع

المفضلات

المفضلات

ضوابط المشاركة