برفانات اصليه.......

**hossam_elwani** · 26-12-2010 12:21 AM

المشاركة الأصلية كتبت بواسطة a7med_pharma

لو حد غاوي نوع معين..يجيب الــ مادة الخام بتاعها من عند بتوع العطور..ويركبها بإيده علشان يضمن الثبات
ولو عاوزين كل اي ماركة عالمية...عندي منها في الصيدلية...وبــ 12 جنيه بس
ههههههههههههههههههههههههه ههههههههههههههه
المصريين عملوا كل حاجة

قولى يا دكتور ايه حكاية التركيبات بالضبط على الرغم من انى بجيب المادة الخام بدون تخفيف وبيكون مكتوب على العبوة الرئيسية بتاعتها مكتوب صنع فى فرنسا ومع ذلك ما بتقعدش كتير ايه السبب هل كله مضروب ولا ايه ؟؟

**M.Elgergawy** · 26-12-2010 12:21 AM

أنا بستعمل دول هوجو بوص وفهرنهيت

**tifalol** · 26-12-2010 12:35 AM

black xs جامده جدا

**ecybrarian** · 26-12-2010 12:39 AM

تحيا الصناعة الوطنية :-))))

**MRBEBO** · 26-12-2010 05:54 AM

انا وبدور على موضوع البرفانات الاوريجينال لقيت موقع تحفة

اسمه الفراولة

السيت ده متخصص في العطور الاورجينال وفيه دلفري كمان .... والاهم ان كل البرفانات اللي تتخيلوها موجودة فيه والاسعار كمان بالجنيه المصري

عطور ومستحضرات للعناية بالبشرة للرجال بأسعار مخفضة - StrawberryNet

ادخلوا وعيشوا

**adel1414** · 26-12-2010 06:07 AM

الخلاصة ياسيدى الفاضل كالاتى...العطور لاتنقسم الى عطور حلوة وعطور وحشة...وانما فى مجموعات عطرية...فهناك مثلا اكواتك واروماتيك ودة صيفى منعش..وكمان الفوجير والاخشاب والجلود ودى تصبح اكثر للسهرات او مقابلات عمل وهكذا. وهناك العديد من العطوووووووووووور -كانواع تجارية-فى كل عائلة عطرية فممكن ارشحلك عطر على اساس انك بتحب كذا وكذا وكذا...وكمان اغلب عطور الرجال تنتج كماء تزيين اى ثبات من4-6ساعات وهناك القليل جدا الذى يصدر فى هيئة ماء عطر...حتسمع حضرتك عن اللى يقولك باكو ربان او رالف لورين او كريستان ديور او شانيل اوجيرلان-شركتى المفضلة والتى اعتبرها ملكة مملكة العطور-....الخ ...حضرتك لازم تحدد نوعية لبس حضرتك كاجوال اوكلاسيك-تفرق جدا صدقنى-نهارى اوليلى شتوى اوصيفى وكمان افضل عطور -اصلية اصلية اصلية-جربتها وعجبتك لاننى لا اجرب العطور التركيب نهائيا مهما حدث لانها ببساطة تزييف للعطر الاصلى عن طريق فصل مكوناته ووضع كل مكون الشفرة الكيميائية التى تقابلة على سبيل المثال الياسمين الطبيعى والياسمين الصناعى الاتنين ياسمين لكن دا من صنع الله ودة صنع بشرى مقابل ناهيك عن اضرار التركيبات العطرية وحدور لحضرتك على فايل حيفيدك اووى فى الموضوع دة......العطر الاصلى الطبيعى تشعر بانه يتنفس وتتناغم مكوناته بشكل بديع عكس التركيبات والاسبيريهات والكلام دة انا اتكلمت كتيير اوى اعزرنى بس انا عاوز تكون اجابتى محددة وانى الحمد والفضل من عند الله مجرب اكثر من 70عطر اصلى مابين قديم وحديث

**adel1414** · 26-12-2010 06:19 AM

دة عطرى الحالى وتعليقى الوحيد عليه اوووووه بيليسم ماابدعك عطر ...كان سعر ال100مل فى مزايا سان ستيفانو520جنية واخدت كارت خصم 10%

**adel1414** · 26-12-2010 07:41 AM

المشاركة الأصلية كتبت بواسطة Ralliart

cartier declaration essence

معرفش تمنها لان حبايبي كتير وبتجيلي هدية من بره

كمان polo explorer تحفه

جايالي هدية هي كمان

كارتيير عطر الرجل المتميز عطر اسطورى من وجهة نظرى وخصوصا ديكليريشن وافضل من كارتيير باشا وسعر الديكليريشن 430 جنيه..البولو اكسبلورر منعشة وجميلة جدا وتناغم المكونات حرفى..انصح حضرتك جدااااا ببولو الازرق لو كنت حبيت الاكسبلورر وكمان سيلفر رومانس من نفس بيت الازياء رالف لورين

**Angel_wolf** · 26-12-2010 09:07 AM

انا هقلكم على الحاجات اللى عندى وجربتها كويس بس الاسعار معرفش والله لانها جيالى من برة مصر

1-D&G pour homme

دة انا مسمية عطر المساء والسهرة مينفعش ستحط غير بليل واكيد ومش وانت خارج مع اصحابك على القهوة

2-Dolce&Gabbana the one.

الراجل التقيل الواثقمن نفسة اوى اوى اوى لحد السنة الجاية

3-armani code for men

دة بقى بتاع الشتا الشتا وبس دة تحس بية اوى مع الحو لما يبرد بيدى احساس هايل اوى

هكمل لما اجى من الجامعة معلش علشان عندى محاضرة

**tkamal** · 26-12-2010 09:22 AM

[mtohg=undefined]http://www.36orr.com/data/products/blak-aks-as-alrgaly_thumb.jpg[/mtohg]

بلاك اكس اس

من اجمل العطور وفواح جدا

سعرة بالرياض حوالى من 120 الى 150 ريال

ياترى سعره كام فى مصر

الموضوع: برفانات اصليه.......

LinkBack

أدوات الموضوع

عرض

-

-

-

-

-

-

-

المواضيع المتشابهه

طقم شماسات اصليه

حد يعرف أنواع برفانات حلوه؟

قطع غيار اصليه

الكلمات الدلالية لهذا الموضوع

المفضلات

المفضلات

ضوابط المشاركة