بونتو كلاسيك ولا جيتز؟

**fiatmomo** · 26-03-2008 05:30 PM

عاوز توفير شديد فى استهلاك البنزين ..+ تقفيل ممتاز = بونتو

عاوز موتور كبير وقوه حصانية كبيره بالمقارنة مع حجم ووزن السياره + استهلاك بنزين فوق المتوسط = جيتز

عاوز رأى الاتنين جامدين جدا جدا وعاجبنى اوى اوىىىى .. بس جمله Made in italy و بادج فيات اعتقد حيحسمو اختيارى .

و بردة شوف وقارن بنفسك

لو الجيتز فيها كماليات اكتر فا البونتو فيها امان اكتر ... وكل الكماليات الى فى الجيتز ممكن تتركب فى البونتو و بخامات احسن كمان ..

المقارنة انا شايفها تنحصر فى نقتطين

1 موتور اقتصادى ولا موتور رياضى .
2 صناعة ايطالى ولا صناعة كورى .

اعتقد انتا ممكن تشوف احتياجاتك اية وتقرر فى الاخر ايه المناسب ليك اكتر .

**M.Nasr** · 26-03-2008 06:21 PM

بجد متشكر جدا على اهتمامكم وردودكم على الموضوع
انا فعلا بحس فى المنتدى اننا كلنا اسرة واحدة جزاكم الله كل خير
انا صليت صلاة استخارة وسيبتها على الله فى الموضوع ده
بس بصراحة لما عرفت ان فى اشاعة عن ارتفاع سعر البنزين قريبا يبقى فعلا البونتو احسن اللى هيدفع فيها هيقابله توفير فى المستقبل ان شاء الله

**bassam nagy** · 26-03-2008 06:21 PM

الفيات بونتو عربية حلوة والفيات كلوا جامد وانا ركبت فيات بترا وكانت عربية تحفة الفيات كلوا عربياتوا صاجها جامد وتقيلة على الطريق وامان بس عيبها ان قطع غيارها نار نار نار وتقريبا تقفيل تركى او صينى مش ايطالى
الجيتز موتورها قوى قطع غيار اسعارها معقولة

**M.Nasr** · 26-03-2008 06:32 PM

المشاركة الأصلية كتبت بواسطة achrafhendawy71

انا كمان محتار بس بين البونتو و اللانوس
هي فعلا البونتو نازله من غير كاسيت او ريموت ؟
و اكيد فيها ايرباج ؟

ايوة اكيد ان البوتنو فيها 2 ايرباج ومن غير كاسيت ولا ريموت هى بس تكيف وباور وسنتر وازاز كهربا 2 اللى قدام بس

انا عايز حد ركب البونتو وساقها على طريق سريع يقولى اخبار ثباتها ايه وفى السفر كويسة وتستحمل ولا؟؟

**fahd_628** · 26-03-2008 07:28 PM

اسأل الأخ توت عنخ امون معاة بونتو 2003 و دية تختلف عن الجديدة ان محركها 12 صباب مش 8 المحرك اقوى قليلا و فية اختلاف بسيط فى الفوانيس الأمامية

**M.Nasr** · 27-03-2008 04:05 PM

انا مش عارف اوصل للاخ توت عنخ امون ازاى بصراحة ياريت لو تقولى ازاى اوصل له
وعندى سؤال تانى بالنسبة للكاوتش بتاع البونتو هو مقاس 165/70 R14
ينفع يتركب علي نفس الجنط بتاعها مقاس 185/60 ولا هحتاج اركب جنوط 14 اعرض؟

**fahd_628** · 27-03-2008 05:09 PM

ممكن توصل لة عن طريق اللينك دة

http://www.nilemotors.net/Nile/membe...poster&t=19191

**Ahmed Taha** · 28-03-2008 05:02 PM

أنا كنت في نفس الحيرة و رسيت على البونتو ان شاء الله.

بس ده لأني حطيت أولويات:
1. أنا معظم تنقلاتي داخل البلد.
2. البنزين غلي و لسة حيولع و أنا راجل متجوز و وراية عيال.
3. سيارة أوروبي.

ده مايمنعش أن الجتز تحفة من جوة لأن من برة هما اخوات.

حط أولوياتك و توكل على الله.

هام للسادة أصاب الردود:

أ. حكاية التوكيل: أصحوا يا بشر احنا في مصر يعني كل التوكيلات زفت.
ب. الهاتش باك و عدم نفعها للعائلة: أنا بعشق الهاتش باك و حكاية الشنطة دي مش أزمة تخليني ماجبش عربية. و في عائلات كتير مرتاحة أوي و بتصيف بالجولف و البونتو و البيجو 206 و أمثالهم

**bassam nagy** · 28-03-2008 05:05 PM

كاتبين فى جرنان النهاردة انها ايطالى 100%

**Ahmed Taha** · 28-03-2008 05:37 PM

أه العربية ايطالي 100% أرخص عربية أوروبية من الاخر.

الموضوع: بونتو كلاسيك ولا جيتز؟

LinkBack

أدوات الموضوع

عرض

-

-

-

-

المواضيع المتشابهه

بونتو كلاسيك و أم كي تو

هيونداي جيتز و لا فيات بونتو

بونتو كلاسيك؟؟؟؟؟؟؟؟؟؟؟؟؟؟؟؟؟؟؟؟؟؟؟

استطلاع: سيريون 1.0 أم بونتو كلاسيك أم جيتز

ايهما افضل فيات بونتو كلاسيك و لا رينو كليو كلاسيك

الكلمات الدلالية لهذا الموضوع

المفضلات

المفضلات

ضوابط المشاركة