فليشيا و لا مازدا 323

**ahmedmido_egypt** · 05-01-2011 01:48 AM

السلام عليكم ورحمة الله وبركاته
أنا ركبت الاتنين
كان معايا مازدا 323 موديل 1982 1300
وفي واحد صاحبي معاه فليشيا 1995

* من ناحية السحب
المازدا طيارة - وصلت بيها لغاية 160
سكودا طلعتها فى الاول أبطأ نسبيا

* من ناحية الثبات
المازدا ثابتة جيد ولو العافشة مظبوطة يبقا ثبات رائع
سكودا جيد جدا

* بالنسبة للعفشة
المازدا أنعم من الفليشيا
لكن الفليشيا أعلى عن الأرض أكتر من المازدا

*بالنسبة لقطع الغيار
المازدا تكسب بمراحل ( قطع غيار متوفرة - رخيصة جداااااااااااااااااا - جديد واستيراد - معمرة ) أغلى حاجه بسيطة جدا من 128
فليشيا قطع غيارها أغلى لكن متوفرة ومعمرة جديد واستيراد

* بالنسبة للميكانيكا
المازدا اي حد بيشتغل فيها وصيانة الماكنة سهل وبسيط وغير معقد - قليلة الأعطال -
الفليشيا عايز ناس متخصصة ( متعبة حبتين في الصيانة ) - بها مشكلة السخونة
* من ناحية الصاج
المازدا صاجها قريب من العربيات الجديدة
الفليشيا صاجها جامد جدااااااااااا

* المازدا فيها نعومة في القيادة جميلة جدااااااا أكتر من الفليشيا
* المازدا أوسع من الفليشيا نسبيا
* التقفيل الداخلى للفليشيا أجمل بكثير من المازدا
* ماتور المازدا أنعم من الفليشيا بكثير ( الاتنين كاتينة جنزير )

**No Comment** · 05-01-2011 01:11 PM

المشاركة الأصلية كتبت بواسطة ahmedmido_egypt

السلام عليكم ورحمة الله وبركاته
أنا ركبت الاتنين
كان معايا مازدا 323 موديل 1982 1300
وفي واحد صاحبي معاه فليشيا 1995

* من ناحية السحب
المازدا طيارة - وصلت بيها لغاية 160 تمام آوى
سكودا طلعتها فى الاول أبطأ نسبيا

* من ناحية الثبات
المازدا ثابتة جيد ولو العافشة مظبوطة يبقا ثبات رائع تمام آوى
سكودا جيد جدا

* بالنسبة للعفشة
المازدا أنعم من الفليشيا تمام آوى لو الحالة كويسة
لكن الفليشيا أعلى عن الأرض أكتر من المازدا

*بالنسبة لقطع الغيار
المازدا تكسب بمراحل ( قطع غيار متوفرة - رخيصة جداااااااااااااااااا - جديد واستيراد - معمرة ) أغلى حاجه بسيطة جدا من 128 تمام آوى بس مش لدرجة الـ 128
فليشيا قطع غيارها أغلى لكن متوفرة ومعمرة جديد واستيراد

* بالنسبة للميكانيكا
المازدا اي حد بيشتغل فيها وصيانة الماكنة سهل وبسيط وغير معقد - قليلة الأعطال - تمام آوى
الفليشيا عايز ناس متخصصة ( متعبة حبتين في الصيانة ) - بها مشكلة السخونة
* من ناحية الصاج
المازدا صاجها قريب من العربيات الجديدة
الفليشيا صاجها جامد جدااااااااااا

* المازدا فيها نعومة في القيادة جميلة جدااااااا أكتر من الفليشيا
* المازدا أوسع من الفليشيا نسبيا تمام آوى
* التقفيل الداخلى للفليشيا أجمل بكثير من المازدا تمام آوى
* ماتور المازدا أنعم من الفليشيا بكثير ( الاتنين كاتينة جنزير ) تمام آوى

متفق معاك جداً فى اللى بتقوله ده ... بس بختلف معاك فى صاجها مش زى الجديد خالص ده أجمد منه كتير عن تجربة ... وبرضوا من عيوب المازدا دركسيونها تقيل شويتين مقارنتاً بالفليشيا .
لاكن فى النهاية تقييمك جميل تشكر عليه .

**Piowood** · 05-01-2011 12:41 PM

الفليشيا تكسب في الشكل ( خارجي و داخلي )
موديلها حديث
الماني تقفيل تشيكي ( عل حد قول بعض الناس )
قطع غيار معمره

ال 323 تكسب في توافر قطع الغيار و رخصها أيضا
منتشره أكتر
موتور وعفشه ناعمه ...

ورأيي ( الفليشيا تكسب )

**ahmed_mazda323** · 07-01-2011 12:02 PM

يا جدعان يعني محدش بيتكلم عن ان الاسكودا هاااتش باك يعني ملهاش شنطة ....اما المازدا ليها شنطة وكمان واسعة
وانا عن تجربة لاني مقدرش استغني عن شنطة عربية

**amr_elrashidy** · 08-01-2011 01:23 PM

انا كان معايا وش اوكتافيا 98 من غير تكييف ولا انجيكشن..لو قدرت تستحمل نشوفية العفشة الشديدة يبقى توكل على الله..ثبات ممتاز لحد 150 (وزنها تقيل طبعا و قاعدة العجلات عريضة و هاتش باك و عفشتها مفيش اتقل و اخشن منها)..جرى كويس مع استهلاك بنزين اعلى..قطع غيار متوفرة بشكل كبير و سعرها متوسط..موتورها خشن(اخشن من المازدا عن تجربة)
اكبر مشكلة فيها عفشتها التقيلة الخشنة و السخونية طبعا..المازدا مشكلتها الموديل القديم اوى..صعب تلاقى حالة ..ولو ان فى فرق فى السواقة الناعمة لصالحها..مفكرتش ليه فى الشاريد السيدان..عربية احسن من الاتنين و تكييفها اصلى و قزازها الكهرباء موجود و السنتر موجود ..مشكلتها الوحيدة قطع غيارها مش متوفرة زى الاتنين لكن عن تجربة حالية انا لم اعانى خالص فيها و مش عاوز اقولك ان الفانوس الخلفى كمثال بسيط التايوانى النضيف اوى ب 75ج بالكامل...عموما ربنا يوفقك للخير

**keko** · 14-01-2011 10:25 AM

معلش يا جماعة انا مش فاهم ليه المقارنة دى كلها بين حاجتين مالهمش علاقة ببعض !!!
الماذدا سعرها من 12 ل 20 الف حسب الحالة وظروف البيعة
الفيليشيا سعرها من 25 ل 35 حسب برضه الحالة والبيعة يعنى فرق السعر بين الاثنين اكتر من 12 الف يبقى ازاى نقارن بينهم !!

**ahmed_mazda323** · 22-01-2011 02:06 PM

وهو صاحب الموضوع الاساسي فين؟
ويا ترى اشتري اية؟

**cyborg_ift** · 22-01-2011 02:28 PM

الفليشيا عربيه كويسه

**ahmed_mazda323** · 24-01-2011 08:42 PM

راح فين اصلا صاحب الموضوع شلة كره العربيتين ؟

-

الموضوع: فليشيا و لا مازدا 323

LinkBack

أدوات الموضوع

عرض

العرض المتطور

- انشر الموضوع فى :

-

-

-

المواضيع المتشابهه

مازدا تكشف رسمياً عن كامل تفاصيل وصور مازدا 6 لعام 2013

مازدا تكشف عن مازدا 2 تيربو ، و mx-5 سبايدر

عروض مازدا من جبى اوتو مازدا شهرنوفمبر

عروض مازدا من جبى اوتو مازدا شهر اكتوبر

شباب مازدا الجدعان - مطلوب تقييم هذه العربية مازدا 323

الكلمات الدلالية لهذا الموضوع

المفضلات

المفضلات

ضوابط المشاركة