25 ألف برضه مبلغ مش قليل ولكن لازم تدور وتصبر وما تتسرعش علشان ممكن تقع في عربية شوربة أهم حاجة تشوف حالة الموتور وماتخفش من حالة الصاج أو الشاسيه لأن العربية دي جامدة ومبتأثرش بسهولة يعني حمالة أسية ،
1- شوف ياسيدي أول حاجة تكشف على مقاس الزيت وتشوف إذا كان موجود بين العلامتين ولا ناقص ، لو ناقص يبقى الموتور خفيف والعربية بتحرق الزيت، وفي الحالة دي يبقى حتعمل عمرة شنبر ودي مش حتكلف أقل من 2000 جنيه
2- كمان تبص على الشكمان وتشوف إذا كان بيجب دخان ولا لأ، علشان لو بيجب دخان يبقى برضه المكنة خفيفة ومحتاجة عمرة
3- وتطلب أن تطلع بيها مشوار طويل وتمشي على سرعة 120 كيلو أو أكثر وتبص على مؤشر الحرارة لو عدى النص يبقى العربية دي بتسخن بلاش منها علشان متدخلش بعد كده في متاهات السخونيةعلى فكرة العربية دي مابتسخنش على السرعات الواطية
4- ما تنساش وانت على السرعة العالية تشوف اتزان العربية وإذا كانت بتعوم أو الدريكسيون بيرغبل مع السرعات
5- آخر حاجة تبص إذا كانت رشة دواخل ولا لأ طبعا لو رشة دواخل يبقى عملت حادثة ، وحيبقى بيعها تقيل أوي لما تحب تخرج منها
المفضلات