العربيه فيها مشكله أرجو النصيحه

**gabry832003** · 23-12-2010 07:41 AM

معلش اتأخرت عليكوا ...اسف
العربيه جابت جوان وش سلندر...فى تنفيس بسيط أوى عند البوجيه 3و4 بيخلى دايماً البوجيهات معرقه ميه وده السبب اللى بيخلى العربيه تخرف لأن ان لما حرقت البوجيهات كويس ونشفت مكانها كل اللمبات طفت والعربيه بئت زى الفل وبعد شويه لما بدأت تعرق تانى خرفت..وكمان حساس o2 عاوز يتغير أو ينضف علشان لما كشفت كومبيوتر كان مسجل عطل والراجل حاول معاه بس قل معايا فى الطريق و عمل كنمه بسيطه مع السحب

واسف مره تانيه على التأخير

**islambana** · 23-12-2010 05:46 PM

المشاركة الأصلية كتبت بواسطة megabatata

هو انت ماقولتش موتور عربيتك ايه يا ترى هى واحد كامة ولا اتنين كامة ... لو هى اتين كامة فالاعراض دى بتبقى حساس كامة بيخلى لمبة الاعطال تنور و الار بى ام اخره 4 الاف لفة زائد السحب مخنوق, مالهاش غير حساس كامة.... الحساس دة بيلعب بديله سعات تدور يشتغل و سعات مايشتغلش, عموما هو حساس جدا للمية لو غسلت الموتور (عشان كدة سموه حساس لول) و اول ما ينشف من المية يرجع يشتغل زى الفل , سعره من غالى بس انا مغيره 3 مرات فى 4 سنين

غيرته بكام ياباشا ومنين

**tananybasha** · 23-12-2010 11:28 PM

المشاركة الأصلية كتبت بواسطة gabry832003

معلش اتأخرت عليكما ...اسف
العربيه جابت جوان وش سلندر...فى تنفيس بسيط أوى عند البوجيه 3و4 بيخلى دايماً البوجيهات معرقه ميه وده السبب اللى بيخلى العربيه تخرف لأن ان لما حرقت البوجيهات كويس ونشفت مكانها كل اللمبات طفت والعربيه بئت زى الفل وبعد شويه لما بدأت تعرق تانى خرفت..وكمان حساس o2 عاوز يتغير أو ينضف علشان لما كشفت كومبيوتر كان مسجل عطل والراجل حاول معاه بس قل معايا فى الطريق و عمل كنمه بسيطه مع السحب

واسف مره تانيه على التأخير

طيب انت عملت ابه فى الجوان
غيرته
و نضفت الوش قبل ما تركب

**harphosh** · 26-12-2010 05:46 PM

المشاركة الأصلية كتبت بواسطة gabry832003

لسه انا معاملتش الجوان انا هاجرب الاول احط مانع تسرب مع مياه التبريد بيقولوا فى نوع امريكى موجود فى السوق وشغال كويس لانى بصراحه مش فاضى لموضوع الوش ده دلوقتى ومحتاج العربيه جامد ...وشكراً ليكم اخوانى على اهتمامكم انتم فعلاً رجالة الاوبل بجد

أخى العزيز أنا انصحك تفك الوش وتعمل الجوان سيبك من الحاجات الجاهزة دى معظمها كلام فارغ ومسكنات مؤقته اخلص من الجوان بدل ما الموضوع يكبر اكثر وسيبك من المواد الغريبة لمنع التسرب وتحسين كفاءة الموتور والكلام الاعلامى ده وعن تجربه ما فيش غير الحل الجذرى وكل دى مسكنات والله المستعان

**gabry832003** · 27-12-2010 09:38 PM

المشاركة الأصلية كتبت بواسطة harphosh

أخى العزيز أنا انصحك تفك الوش وتعمل الجوان سيبك من الحاجات الجاهزة دى معظمها كلام فارغ ومسكنات مؤقته اخلص من الجوان بدل ما الموضوع يكبر اكثر وسيبك من المواد الغريبة لمنع التسرب وتحسين كفاءة الموتور والكلام الاعلامى ده وعن تجربه ما فيش غير الحل الجذرى وكل دى مسكنات والله المستعان

شكراً يا أخى لنصيحتك الغاليه بس أنا هاجرب لسبب ان العربيه أصلاً موتورها خفيف يعنى فى بخار زيت جامد من عند خرطوم النفس أو الفايظ بتاع الموتور وفى صوت تخبيط عند التقسيمه يعنى غالباً طقم الكتينه ولو فرضنا ان أنا هعمل الجوان وأظبط الكتينه احب معايا :
200 جنيه جوان وش سلندر
180 ,, جوان وش تقسيمه
طقم كاتينه (كتينه + شداد+بلف) ودول حوالى 300+150+250
يعنى من الاخر أجيب مكنه أحسن
علشان كده باحاول اسكن على اد مأقدر لحد مافضى واشوف هاعمل ايه
وبرضو فى انتظار اراء اخوانا وحوش الاوبل وانا واثق انهم هايدلونى اعمل ايه بالظبط وشكراً لمروركم جميعاً