الموضوع: عربية مركونة من زمااااااااان حصلها ايه

المشاركة الأصلية كتبت بواسطة funnymickey

1- مين الواحد اللي قالك الكلام ده وعلاقته ايه بالعربيه
2- صاحب العربيه مسافر ورمي العربيه 20 سنه ينفع واحد ماشي في الشارع ياخد العربيه يقيفها ويشدها ويمشي بيها ؟؟
3- حسبت نفسك حتدفع كام عشان ترجع العربيه دي حاله نضيفه من الاول


4- عاوزك تلاحظ حاجه ان الي بياخد عربيه شقيانه وماشيه بسعر رخيص بتطلع عينه مصاريف وصيانه عشان يرجعها لحالتها ده لو رجعت من اصله
فحضرتك اتأكد الاول من ورق العربيه وسلامته
وشوف صاحبها فين
وتفاوض معاه مباشره
واكشف علي العربيه في المرور شوف الحاله الجنائيه ايه لتطلع مسروقه ولا فيها حاجه

وبعدين ابقي هات بقي سمكري يبص عليها
يشوف البارومه الي فيها تتعالج ولا ماتت كده خلاص من الركنه
شوف قطع غيارها تكلفك كام
موجوده ولا مختفيه
اصلها مش سيفيك 97 يعني
ده انتا بتقول الجيل الاول وكمان مركونه

ممكن تدوخ علي قطعه صغيره اد كده متلاقيهاش

شوفها بقي قايمه وشغاله بكام
واحسب فرق الفلوس

متفرحش بال2000 جنيه

لو كان فيه الخير مكان رماه الطير

الواحد ده مش حبيبى قوى لذلك بعدا عن النصب لو اشتريتها مش هايكون بتوكيل لا هاقوله اعمل نقل ملكية فى المرور علشان تخش فحص
2 ماعرفش العربية بقالها سنة ولا عشرين مركونة لانى لسة ماشفتهاش بس عايز اخد منكم النصايح الاول
قطع الغيار موجودة فى اسكندرية بس قليلة وبورسعيد ارخص كتير

المشاركة الأصلية كتبت بواسطة magyver

اية الجيل الاول دة يابو ادم
لو كدة لافيني في العربية دة انا ممكن اخلص فيها
ياريت صورة منها

محمد حبيبى ازيك يا باشا
انا لسة ماشفتهاش بس لو كده يوم الاحد بالمشيئة اروح اشوفها وماتغلاش عليك

المشاركة الأصلية كتبت بواسطة د.محمود صلاح

في تجار تخصص النوع ده من العربيات وبيشدوها ويبيعوها

اه بس دول فيهم كتير قلال الضمير بيطلسم العربية بحيث تبان زى الفل وكام شهر وتفتح بقها زى الضلالى اللى باعلى عربيتى السابقة