شكرا علي المعلومات دي
رقم العضوية : 51999
تاريخ التسجيل : 03Nov2009
المشاركات : 506
النوع : ذكر
الاقامة : مصر
السيارة: نفسي في هامر
السيارة[2]: هيونداي فيرنا 2012
دراجة بخارية: لا
الحالة :
تجربه مريرة ومكلفه لغاية لما قدرت اعلى ال ax بدون مشاكل حبيت انقلهلكم عشان محدش يتكلف الفلوس اللي انا دفعتها
اول حاجه كنت عاوز اعليها من وره عشان كانت بتحك في المطبات لما يركب ناس ورا في الكنبه الخلفيه وكمان لما كنت بركن جنب رصيف عالي مكنش الباب يفتح واضطر اركن بعيد عن الرصيف عشان اعرف انزل
المهم رحت لعفشجي جنب البيت كان غيرلي شوية حاجات في العفشه اول ما شتريت العربيه المهم فك العجل وقالي العربيه دي على حاجه اسمها مسمار عزم قلت ده فاهم فك العجل وجه يفك المسامير عشان يعلي لقى المسامير الانكيه نجمه وحاول يفكها اربع ساعات معرفش
عرفت انه مش صنايعي (مش عارف يفك مسمار) يبقى هيعرف يعليها
المهم وانا عند الحاج فرج في جسرالسويس قلتله عليهالي قالي هتدب معاك ومرديش يعليها
قعدت اطقس على عفشجي يكون فاهم جنبي في امبابه لغاية لما واحد صديق من المنتدى دلني على راجل كويس اسمه عم صلاح
روحت لعم صلاح عم صلاح طلع اسطى صنايعي وعرف يفك المسامير وعلى العربيه وخليته بالمره عملي شوية شغل في علبة الدركسيون بدل ما اغيرها
المهم العربيه بقت عاليه قوي من ورا وواطيه من قدام شكلها مكانش ظريف
وكمان بقت ترزع جامد في المطبات من ورا قلت ده يبقى الحاج فرج عنده حق
رجعت لعم صلاح قلتله بتخبط جامد من ورا قالي ما اتا نسيت اقولكان المساعدين دول مش بتوعها دول ناشفين وانت عاوز مساعدين طريه عشان متدبش من هنا بدات افقد الثقه في عم صلاح لاني متاكد ان المساعدين دول فرنساوي اصلي وجداد كمان مش استيراد حتى
المهم قلتله اعمل الصح على راي الفيلم
وسيبت العربيه عشان كان عندي شغل ورجعتله بالليل لقيته خلص وخت العربيه بعد ما غير المساعدين اللي ورا وعلاها من قدام عشان تمشي مع الاعلو الوراني وكانت زي الفل
ونسيت اقولكم اني اخذت المساعدين القدام احتياطي والحمد لله اني عملت كده
يومين بالضبط ولقيت العربيه بتشخلل بكل ما في الكلمه من معاني من ورا
قلت لا مش هرجعله تاني
وقلت خلاص هرجع العربيه تاني زي الاول واطيه عند اي حد واركب المساعدين القدام ما دام موضوع التعليه ده هيقرفني
المهم لفيت على عفشجيه امبابه واحد واحد كله يقولي روح للي علاهالك
لغايه لما وصلت للاسطى محمود
الاسطى محمود قالي وانت عاوز توطيها ليه العلو ده حلو قوي المهم حكيتله الحكايه قالي طيب خلاص نعالج الموضوع من غير ما نوطي
قلتله اذا كان كده ماشي
المهم نزل تحتت العربيه وقالي المساعدين دول سايبين خالص قلتله ازاي دول راكبين من اسبوع
قالي دول مش بتوعها قلت في عقل بالي الله يحرق الصنايعيه كل واحد هيقولي دول مش بتوعها
المهم قالي طيب هات المساعدين القدام ووراني الفرق
الحلقات اللي في اول المساعد الجديد اوسع بكتير من القديم والمسمار بيلق فيها وطبعا كان مقرط عليه جامد ولما مشيت بيها ابتدى يبوش ويشخلل جامد قلتله والحل ما المساعدين القدام كانوا بيرزعوا جامد
قالي خلاص احنا نطولهم
قلتا في عقل بالي دخلنا في الفتي من جديد والاختراعات بقى
قلتله لا يا عم رجع كل حاجه زي ما كانت وخلاص المهم قعد يقنع فيا لغاية لما وافقت على مضض
اشترينا مساعد قديم بايظ ب 10 جنيه
وقطعنا الحلقتين اللي في طرفه عند الحداد ونطرنا الجلب اللي في المساعد الاصلي وركبناهم في الحلقتين المقطعوين ولحمناهم في طرف المساعدين الاصليين وكده يبقى المساعد طول بمقدار طول الحلقه الملحومه
المهم العمليه دي خدت نص ساعه عند الخراط واخد 25 جنيه ورجعنا الورشه بتاعة الاسطى محمود وركبنا المساعدين بعد عملية الاطاله والحمد لله العربيه لسه عاليه ومبقاش في اي تخبيط ولا شخلله خالص ورا
حكايايه طويله بس قلت اعرضها عليكم للاستفاده
نسيت اقولكم الاسطى محمود اخد 30 جنيه مصنعيه
رقم العضوية : 2439
تاريخ التسجيل : 03Oct2007
المشاركات : 196
النوع : ذكر
الاقامة : الهرم
السيارة: اكسارا 1 2002
السيارة[2]: Gen2 2010 A/T
دراجة بخارية: no
الحالة :
شكرا علي المعلومات دي
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
بس انا عربيتى شايف ان علوها من ورا كويس جدا(الا لو انت كان عندك حاجه مش طبيعيه)
وكان الافضل دنجل كامل ورا استعمال وتفض دماغك عامل 600 جنيه فى اسكندريه
رقم العضوية : 72063
تاريخ التسجيل : 01Jun2010
المشاركات : 148
النوع : انثى
الاقامة : cairo
السيارة: no
السيارة[2]: اكسارا2
دراجة بخارية: no
الحالة :
انادايخه في تعليه الاكسارا و محدش عارف حاجه و كل واحد بيفتي و غيرت الدنجل كامل زي ما قال لي احد الصنايعيه و مفرئتش في حاجه و لسه بدور لأن العربيه على طول بتحك و اول ما حد يركب ورا بتبئى لاصقه في الكاوتش و اديني بدور و اول ما اوصل لحل هئولكم على طول
رقم العضوية : 69930
تاريخ التسجيل : 07May2010
المشاركات : 250
النوع : ذكر
الاقامة : cairo
السيارة: citroen C8
السيارة[2]: citroen AX
دراجة بخارية: honda
الحالة :
عليكى وعلى الحاج فرج
الراجل ده بصراحة بيعمل الصح
وده رقم ابنه محمود شاب فى منتهى الاحترام
0112397478 ممكن تتصلى الاول وتعرفى ايه اللى ممكن يتعمل---وده رقم الحاج فرج 0105639260
ولاد الحلال دلونى عليه وعملت عنده شغل م الاخر وعنده برضه كهربائى وعلى فكرة الراجل ده بيشتغل فى الستروين بس
عنوانه ش جسر السويس-محطة العرب-شارع مصطفى حافظ او(شارع العرب) اللى على اوله التوحيد والنور ناصية حلوانى قصر الشوق على اليمين
وربنا يوفقك
التعديل الأخير تم بواسطة aymangalal510 ; 19-12-2010 الساعة 01:12 PM سبب آخر: خطأ املائى
رقم العضوية : 27619
تاريخ التسجيل : 13Dec2008
المشاركات : 262
النوع : ذكر
الاقامة : مصر
السيارة: أوبترا
السيارة[2]: سيتروين
دراجة بخارية: لا
الحالة :
دنجل كامل ورا استيراد 600 ج خلف المحكمه الدستورية العليا بالمعادي عند احمد موكه
رقم العضوية : 72063
تاريخ التسجيل : 01Jun2010
المشاركات : 148
النوع : انثى
الاقامة : cairo
السيارة: no
السيارة[2]: اكسارا2
دراجة بخارية: no
الحالة :
600 ج كتير اسئل في الحرفين او الوكاله حتجيبه ارخص
للعلم انا بعد ما دوخت عشان اعلي الاكسارا2 و برده غيرت الدونجل الخلفي و بدون اي نتائج بعض الاصدقاء عرفوني على واحد بتاع عفشه ممتاز في 6 اكتوبر اسمه بوجي هو شاب صغير لكن صناعي ممتاز اول ما شاف العربيه عرف المطلوب و بعد حوالي ساعتين او تلاته استلمت العربيه و متعليه تمام التمام و راجعلي على كل العفشه و اخد 150ج
رقم العضوية : 28707
تاريخ التسجيل : 29Dec2008
المشاركات : 1,202
النوع : ذكر
الاقامة : 10th of ramadan city
السيارة: citroen c4 2013
السيارة[2]: citroen xsara 1
دراجة بخارية: لا يوجد
الحالة :
المفضلات