ليه موتور a5 قوة 102 حصان فقط بالرغم من وجود سيارات كثيره فى فئه سعريه أقل و قوه أعلى :
corolla 142 hp
civic 140 hp
nisan tida 118 hp
megan 115 hp
هل فعلاً فى فرق ولا كلها لعب بالالفاظ فى طريقة حساب القدره الحصانيه .
عرض للطباعة
ليه موتور a5 قوة 102 حصان فقط بالرغم من وجود سيارات كثيره فى فئه سعريه أقل و قوه أعلى :
corolla 142 hp
civic 140 hp
nisan tida 118 hp
megan 115 hp
هل فعلاً فى فرق ولا كلها لعب بالالفاظ فى طريقة حساب القدره الحصانيه .
معلومة بسيطة تثبتلك ان موتور الـ a5 مش ضعيف
الموتور ده نفسة موجود فى
جولف 5
جيتا
سيات ليون
وأكيد كل الناس تعرف ان العربيات دى مش أى عربيات
موضوع عدد الاحصنة مرتبط يتكنولجى الموتور وعلى حسب كل شركة هى عايزة اية من المحرك بتاعها
A5 عربية اداءها جيد داخل المدينة ..و اداء اكثر من رائع فى السفر
والاداء بشكل اجمالى اداء راقى جداً مثل رقى باقى العناصر فيها .
الأوكتافيا موتورها صعيف و سحبها صعيف و خاصة فى الطلعة الأولى لإن الموتور Mpi الـ 102 حصان صعيف على البودى بتاعها لكن فى السرعات العالية كويس و دا عن تجربة ليها
و بره الاوكتافيا بينزل منها الموتور الجديد Fsi إللى هو 1600 سى سى 116 حصان و دا زى إللى بينزل فى الباسات
الطلعة مش "ضعيفة" اسمحلى الكلمة جامدة قوي .
هيا مش طلعة رياضية و لكنها لا توصف بالضعيفة اطلاقا
العربية دي كان في ست راكباها و طالعه من الباركينج بتاع النادي و هيا لسة طالعة كان السايس بيرجع عربية قدامها عشان يطلع واحد تاني
الأوكتافيا زقت العربية (بالعرض) بتاع 60 سم او اكتر على ما الحاجة اللي بتسوق اكتشفت انها مفروض تشيل رجلها من على البنزين و بعدين تفرمل (لأنها شكلها عملت حاجة تانية).
الموتور شدييييد جدا بس مش باع اولاني تاني تكسب
أحمد باشا دا أنا شفته من تجربتى لسواقة الأوكتافيا من واحد صاحبى و يمكن علشان بقارنه بطلعة الميجان إللى هى أقوى منها علشان كده حاسس إنها ضعيفة
الأوكتافيا ماتورها مش ضعيف
هي يمكن تكون بطيئة في الطعلة الاولانية بس بس بعد كده ادئها ممتاز
هي مش عربية شباب ولا شد وحركات بس الصراحة هي لو نزلت بماتور 116
بتاع البسات ال Fsi هتكون حلوة جداً لانها ممصمة اصلاً على ماتور 1800
مش 1600
من الأخر محركها مش رياضى و لكنة معقول
مش بيعجبني سحبها نهائي .. انا سقت الاليجانس
بس اطلع على طريق سريع - 80 - 100 - 120 - 150
صوت الموتور مخفي ! و ناعم جدا
انما داخل المدينة طبعا تقيلة جدا و حركتها مش رياضية طبعا خالص - ده كلام من تجربة و كلام من صاحب السيارة الي كان معاه لانسر 1600 و بنفسه كان بيقولي ان الانسر ادائها احسن بكتير .
"ليه موتور a5 قوة 102 حصان فقط بالرغم من وجود سيارات كثيره فى فئه سعريه أقل و قوه أعلى :
corolla 142 hp
civic 140 hp
nisan tida 118 hp
megan 115 hp
هل فعلاً فى فرق ولا كلها لعب بالالفاظ فى طريقة حساب القدره الحصانيه ."
مش الفكرة فى عدد الأحصنة, بالنسبة للمحركات هنفترض انو محرك السبيرانزا من المحركات الطبيعية و انو مفيهوش أى نوع من الغش (رغم اننى لا أؤيد هذا).
عدد الأحصنة هو القوة الحصانية القصوى و العزم هو العزم الأقصى, لكن المحرك له منحنى عزم, و منحنى للقوة الحصانية, يعنى هذه القوة مش ثابتة, لا يمكن بأى حال من الأحوال زيادة قوة المحرك بشكل ملحوظ الا بواسطة التربو لأن قوة المحرك هى حاصل ضرب : الضغط * مساحة المكبس * سرعة المحرك.
لكى ترفع قوة المحرك لا سبيل الى ذلك سوى زيادة مساحة المكبس(تكبير المحرك) أو زيادة الضغط, و لا سبيل لزيادة الضغط بطريقة ملحوظة الا بواسطة شاحن هواء تربو و الذى يأتى على حساب عمر المحرك.
التطور الأهم فى الفترة الأخيرة هو الحقن , سواء كان اليكترونى أو ميكانيكى(هناك أنواع من نظم الحقن تعمل بطريقة ميكانيكية بالضغط), و أهمية الحقن هو دقته فى تحديد الخليط (الهواء/ الوقود) و الذى استطاع الارتفاع بكفاءة المحرك بعض الشىء, و الأن لا يمكننا أن نقول أن هناك محرك أفضل من محرك الا من ناحية الاعتمادية و العمر فقط, أما بالنسبة للقوة الفعلية فلا يوجد فرق بين محرك و أخر بنسبة ملحوظة. و جميع نظم الحقن تعمل بشكل متطابق.
بالنسبة للقوة الحصانية, فالسبيل الوحيد لتزويدها هو التلاعب فى منحنى العزم بحيث تأخذ السيارة عزمها عند سرعة مرتفعة 4800 أربىام مثلا أو ما شابه, و هو الأسلوب اليابانى المعهود, و لكن ياتى هذا على حساب العمر الافتراضى للمحرك و على حساب مرونته و هو حل غير محبذ و هو يعطى بعض السرعة الاضافية لأنه كما قلنا ان قوة المحرك هى الضغط*مساحة * سرعة يعنى لو زودنا السرعة ناخد باور أعلى و هى تقنية سهلة و لكن أضرارها كثيرة.
أعتقد أن مشكلة الاسبيرانزا تكمن فى وزنها المرتفع و الذى يتعدى ال1200 كيلو على ما أذكر.
شكراً على الاهتمام و الردود المنطقيه و خلاصة الكلام انها موتور غير رياضى سحب ضعيف و لكن عمر افتراضى طويل .
سؤال تانى هل كل a5 الاتوماتيك فيها مثبت سرعه
انا محتار بين رينو ميجان استيشن فرنساوى أو جيتا أو a5 مع العلم ان عامل الصيانه مهم جداً بالنسبه ليا خصوصاً ان العربيه ممكن تستمر معايا بالعشره خمستاشر سنه .
بص الميجان الستيشن عربية فوق الوصف بجد انا ركبتها فى معرض و محدش حيعرف العربية دية جميلة اد اية غير لما يركبها عربية عائلية من الدرجة الأولى و واسعة و محترمة جدا
بس اقولك الصراحة الاوكتافيا حتعمر و تستحمل اكتر من الميجان
الاوكتافيا احسن من الميجان مفيش كلام
موتور الاوكتافيا صدقني مش ضعيف
و سحبها مش وحش
العربية دي يا جماعة مش لشاب
دي عربية عائلية لواحد عنده 40 سنة و انتا طالع
يعني مش حيشد مش حيفرق الحاجات دي
الموتور يستحمل اه يستحمل و يستحمل جامد
يستحمل وزن العربية و بكامل حملها و تقدر كمان تسحب عربية وراها
على فكرة انا حاسس ان موضوع الاحصنة ده مش مقياس
لان الليون 105 حصان هل معنى الكام ده ان اللانسر 107 حصان تسبقها
اشك .................
بكل تا كيد مش تسبقها بس تدى تعلم عليها زى ما علمت على باقى السيارات
اللانسر الخليجى 122 حصان 107 دا المصرى والتسارع من صفر الى 100 فى 10.5 ثانيه اوتوماتيك
لأ طبعا
بصوا اللي عنده اوكتافيا بجد و بيسوقها حيعرف ان موتورها مش ضعيف
و الموضوع مجرد افترائات زي موضوع العفشة بالظبط
معلش يا لامبادا .. دي طلعت OUT
ان سقت الانسر الخليجي و الاوكتافيا ,, و اقدر اقلك ام موتور الانسر اقوى الف مرة علي السيارة من الاوكتافيا ..
الاوكتافيا و الجيتا .. ميتين مش ريضايين نهائي .. و ده بتجربة .. و الاتنين ( الانسر و الوكتافيا ) كانو اوتوماتيك .
انا بتكلم على نقطة محدش واخد باله منها
هل موتور الاوكتافيا ضعيف و لا لأ
ماشي تسارع اللانسر اعلى من الاوكتافيا
مش معنى ان موتور ليبرتي احسن من موتور اللانسر ان موتور اللانسر ضعيف
الموضوع نسبة و تناسب
هل موتور الاوكتافيا مناسب للسيارة و انا بقول ايوه لان الموتور عمره ما قصر معايا قبل كده
اكيد حضرتك فهمت النقطة اللي اقصدها
على فكرة انا مش بدافع عن العربية بس بقول كلمة حق
و على فكرة انا قبل كده اظهرت اخطاء بالاوكتافيا يعني مش بدافع بطريقة عمياء
انا فاهمك يا لامبادا .. انا شايف شخصيا انه ضعيف و يقارن بلانسر لان السيارتين من نفس الفئة الحجمية وبالتالي انا قارنتهم - السيارة عامة زي منت قلت مش مناسبة نهائي لشـــــــاب خـــــــــــــالص . و بالتالي نقلتها و سرعتها و موتورها ينطبق عليها نفس الكلام .
فعلا طلعتها الاولى مش مقنهة نهائي .
أنا رأيه أنه موتور معقول بالنسبه للعربيه
يا جماعة لانسر عربية شبابي
اما الاوكتافيا عربية عائلية
يعني ادي لشاب 160 الف جنيه و قوله هات عربية الليانتا عاوزها
هيجيب جولف او لانسر 1500
ولا هيجيب الجيتا او الاوكتافيا
لكن العكس هات راجل عنده 50 سنة اختياراته حتبقى مختلفة تماما
زي ما قولت قبل كده العربية مش هدفها انها تشد
هدفها مش عائلي
ولاا كانت تطلع في فيلم اندير جروند
يا جماعة موتور اللانسر 1500 سى سى مش شبابى خالص و acceleration فيها وحش جدا واعتقد انها زى الاوكتافيا ويمكن اقل كمان .......بجد صدمه
It is simple power to weight ratio lighter car will go faster so lancer will be faster for the same power
على فكرة اللي بيقول ان الموتور بتاع الاوكتافيا ضعيف و انه مش مناسب للعربية
عاوز اقوله انه في نسخة منها بتنزل 1400 سي سي
الموتور مناسب للسيارة
الإخوة الأعزاء
تحية طيبة
انا امتلك اوكتافيا اليجانس a5 2008 اسأل حضراتكم هل جرب أحد منكم الطلعة الأولي علي ال s و ليس علي ال d السؤال الثاني هل جرب أحدكم الطلعة الأولي علي المانيوال و ليس الأوتوماتيك أعتقد أن من سيجرب ذلك سوف يعرف القدرة الفعلية للموتور أعترف ان صوت الموتور لن يكون بنعومة الياباني و لكن أعتقد أنكم سوف تشعرون بقوة الموتور و لكن الشيء الأهم هل جرب أحدكم مدي ثبات السيارة علي السرعات العاليه هل هي أفضل أو الياباني أفضل يكفيني ثبات السيارة علي السرعات العاليه و التي لا تقارن بأي سيارة ياباني الشيء الأخير هل جرب أحد من سيادتكم المناورة بالسيارة لقد كان لي تجربه علي الزراعي في عمل مناورة بين سيارتين نقل و لم اصدق ما فعلته السيارة برغم كبر حجمها و تمكنها من عمل كرس بين السيارتان في مسافة أقل من 2 متر و لم تهتز او تترنح بمجرد رد الدركسيون
و أخيرا اقول لسيادتكم أن غالبيه من يمتلكون هذه السيارة لم يكتشفوا مزاياها ووسائل الأمان الموجودة بالسيارة و اشكر كل من ادلي بدلوه في الموضوع و لكن هي مسألة أذواق و لولا إختلاف الأذواق لبارت السلع و شكرا لكم و أسف للإطالة
انا حاسس انه في اصرار ان العربية موتورها ضعيف
و كأنها حملة موجهة
اومال النسخة ال1400 سي سي دي ايه كارو بقى
فيها ستيب ترونيك
و فيها S
هو ال ستب ترونيك نزل عشان يلغي ال S و L و D1 والكلام ده
لو كده يبقى دي تقريبا العربية الوحيدة الي فيها ستب ترونك و S مع بعض
انا عندي الميجان مافيهاش S وال 307 مافيهاش و المازدا3 وال بي ام مافيش S
ازاي بقي....المرسيدس الي جانب الستيب ترونيك في S
عندنا لمل الفتيس يجي علي الوضع S روح النقلة بتتطول...و مبيجبش الغيار السادس نهائيا
الحقيقة دي معلومات جديدة بالنسبالي فعلا
يا جماعه مين اللى قال الاوكتافيا بطيئه احنا بنقول مش رياضيه ولكن مش بطيئه ولكن المقارنه دى مع اللانسر والسيفيك والكورولا والالنترا
انما لو بنقارن مع الباسات والجيتا تبقى هيا مش وحشه خالص
يا نهار ملوش الوان موتور ال a5 او بمعني اصح الجولف ضعيف الموتور مناسيب جدا جدا جدا لحجم و وزن العربية موتور ممتاز و عربية ممتازة
IBIIIIIIIIIIIIIIIIIIIIIIIIIIIIIIIIIIIIZZZZZZZZZZZZ ZZZZZZZZZZAAAAAAAAAAAAAAAAA FOR EVER
يا جماعه ازاى موتور الجيتا نفس موتور الاوكتافيا زى ما كل الناس بتقول ومع ذلك موتور الجيتا اقوى بكتير