الموضوع: عاوز نصيحه من اهل النوبيرا

المشاركة الأصلية كتبت بواسطة cdkareem

ربنا يخليك يا استاذ عمر
انا معروض على واحدة 2006 فبريكة بره وجوه عادة صاحيها بيتكلم فى 50 الف ومش عايز ينزل جنيه ؟
كده كويس وغالية ؟

لو كانت حالتها كويسة وعداد الكيلوا مش عامل كتير ( متكونش ايجار يعني) وفبريكة زي مانت بتقول تبقة كويسة جدا وسعرها حلو قوي بس اكشف عليها الاول
وربنا يوفقك

المشاركة الأصلية كتبت بواسطة محمد الشامي

لو هتجيب نوبيرا 2 فـ مفيش اي فرق في الموديلات من سنه 2000 لغايه 2008 (اخر انتاج ليها)

عيوبها :
ملهاش اي عيوب تذكر بخلاف ان جلب المقصات فيها غالبا بتبوظ بسرعه (ولكنها مش قاعده عامه) في ناس بتمشي بيها سنين زي الفل
و الزملاء الافاضل هنا توصلوا لحلول جذريه للمشكله دي اهمها هو تغيير المقصات الى المقصات الاسباني

مميزاتها : (كتييييييييير ومنها)
1- عربيه شيك
2- ثابته على الارض مع السرعات العاليه
3- موتورها مناسب جدا لحجمها
4- صاجها حلو مقارنه باللانوس مثلا
5- كل الكماليات موجوده فيها

بالنسبه للسعر فهو بيتوقف على حاله العربيه وحاله السوق و و و
الافضل انك تدخل على كونتاكت كارز وتبص على الاسعار الحاليه

وبإذن الله ملاك النوبيرا يفيدوك فيها اكتر مني بمرااااحل