بالأول احب اقول ان ممكن معلوماتي تكون مش دقيقة أوي لأنها معلومات نظري من خلال القراءة والاطلاع
لكن في الحقيقة ماقابلتش الحجات دي وجهاً لوجه قبل كده ولا عشت القصص والحوارات دي
فلو حد شاف حاجة غلط في كلامي يصلحهالي واهو كلنا بنستفيد
stroker kit
دي مجموعة تعديل للموتور بهدف زيادة السعة الليترية للموتور
يعني لو عربيتك موتورها ستوك 1500 سي سي ممكن نخليها 1600 أو 1700 مثلا
طبعا الكلام ده هايفرق كتير في التورك والهورس باور على نفس موتورك القديم بدون استبداله
فيه نوعين شائعين من الاستروكر كيت
النوع الأول هو خراطة السيلندرات وتوسيعها شوية واستبدال المكابس بأخرى ذات قطر أوسع عشان تناسب السعة الجديدة
النوع التاني بيخلي السيلندر زي ما هو بنفس حجمه بس بيزود مشوار المكبس عشان يدي مساحة أكبر للبنزين وبالتالي برضه بيزود السعة الليترية للموتور
النوع الأول هو الأكثر شيوعا واستخداما أولا لأنه أسهل وثانيا لأن النوع التاني مش مناسب لكل المواتير لأن زيادة مشوار المكبس في بعض المواتير ممكن ينتج عنه تخبيط في وش السيلندر
كمثال..
سيارة لانوس 1500 سي سي
يتم خراطة السيلندرات وتوسيعها لتكون 1600
يتم تركيب مكابس النوبيرا 1600
وبالطبع تغيير الرشاشات ببتوع الـ1600
تعمل آيدل ليرن
وتعيش الانطلاق بعيد عن جو تسقيط المواتير وقرف المرور وغير كده هايفضل مثبوت في الرخصة 1500 لأن مهندس الفحص مش هايدخل يقيس السلندرات ههههههههههه
وأخيرا لازم تكون عارف ان الشغل ده مش أي حد يعمله
لازم ناس خبرة ومتخصصة وفاهمة كويس أوي هي بتعمل إيه لأن الغلطة بموتور جديد وش
المفضلات