السلام عليكم
أولا أنا معرفتش أكتب الموضوع فين فا قولت أكيد قسم الورش هو الي هيعرفوا يساعدوني
الفكرة إني عايز طقم مفكات الانكيه نجمة ويكون المحل قريب يعني مصر الجديدة أو مدينة نصر أو جسر السويس
ويا ريت سعرة هيكون في حدود كام
عرض للطباعة
السلام عليكم
أولا أنا معرفتش أكتب الموضوع فين فا قولت أكيد قسم الورش هو الي هيعرفوا يساعدوني
الفكرة إني عايز طقم مفكات الانكيه نجمة ويكون المحل قريب يعني مصر الجديدة أو مدينة نصر أو جسر السويس
ويا ريت سعرة هيكون في حدود كام
معرفش فين في الحتت دي
بس لو عايز تجيب عدة أيا كان نوعها او مواصفاتها
افضل مكان وسط البلد شارع عماد الدين
و لو عايز تجيب حاجات خاصة بالكهربا يبقى و را المطافي بتاعة العتبة في الشارع بتاع سرية الكلاب و ده أرخص مكان في مصر تجيب منه
و ممكن تشوف محلات الكهربا اللي في ميدان الجامع انا كنت شفت عندهم كام حتة عدة كويسين بس مش فاكر أسعار لأن ده كان من مدة
اعتقد اى حد بتاع ادوات و مستلزمات بناء هايبقى عنده
ممكن تنزل شارع دمشق بعد محطه التعاون
فى واحد اسمه محمد ابراهيم محل بتاع المستلزمات دى
ان شاء الله تلاقى عنده
يوكو أزيك لو عاوزة أستنى و بكرة أنا أجيبهولك من وسط البلد من باب اللوق ز فية طقم تانى نجمة كل الاحجام بس مش فى شكل مفك لا زى حرف l دول عندى كانو ب 17 جنية تقريبا ((( شكل حرف أل )) أو رقم 2 أو 6 فهمت قصدى
ميدان الجامع (شارع هارون) فيه اكثر من واحد وافضلهم بعد مسجد الأفغاني على ايدك اليمين محل ادوات وعدد اعتقد اسمه ابناء سليمان
بالتوفيق
و لو عاوزهم من التوفيقية برضو سهل و خدهم منى بعد ما أجيبهم
يا باشا العدة واحد مفيش فرق للعربية أو للشغل
الفرق بيكنون لو عايز عدة ميكانيكي و دي بتكون حاجات ضخمة أو كهربائي و دي بتكون سمباتيك و صغيرة لكن الاتنين واحد الحجم بس اللي بيفرق ...
الطقم ده لو ب 17 و لا 20 هيكون مضروب أي كلام
الألماني بتاعه مش هيقل عن 50 جنيه تقريبا ( مش فاكر قوي ) و فيه منه مفك و فيه زي الألانكيه العادي
و بلاش المضروب بتاعه عشان السن بتاع النجمة لو حملت عليه هيتمسح منك
أنا لسة مشتري طقم من كام يوم ب 15 جنية (اللى كان موجود ) وانا بفك بية المسمار رأس المفتاح أتمسحت بشكل غريب جدا جدا (كأنة بلاستك والله) ، وبعد ما فكيت العمة والبوابة رجعت ركبتهم تاني لأني معرفتش أفك المسمار راس نجمةاقتباس:
الطقم ده لو ب 17 و لا 20 هيكون مضروب أي كلام
الألماني بتاعه مش هيقل عن 50 جنيه تقريبا ( مش فاكر قوي ) و فيه منه مفك و فيه زي الألانكيه العادي
و بلاش المضروب بتاعه عشان السن بتاع النجمة لو حملت عليه هيتمسح منك
فنصيحة ممكن تستنى براحتك لحد ما تنزل الرويعي أو شارع الجمهورية وتشتري حاجه نضيفة وغالية علشان متبوظشي راس المسمار أو تتعب نفسك على الفاضي
وفعلا هتلاقي النضيف منه فى حدود 50 جنية
وياريت لو لقيت منهم نظام مُفك (مش حرف l ) تسأل علية بكام
لو عاوز يايوكو اسألك هنا في شارع الجمهوريه واجبهملك وانا مروح اقابلك في مدينه نصر اديهوملك
الشارع هنا كله عدد
والاطقم مفيش اكتر منها وفيه الصيني والالماني وكل الانواع
شوف وانا تحت امرك
أولا الله يخليكم كلكم وللأسف منزلتش النهارده عشان كتبت الموضوع من هنا وسخنت ونيمت ولسه صاحي
تمام بس أنهي عملي أكتر وكنت عاوز حاجة محترمة لإني بتغاشم على المفكات اوقات لو متقرطة
تمام ممكن أعدي عليه بس لما أخف
أنا المهم عندي تكون حاجة محترمة مش مهم منين ولا بكام
تمام أنا عايزهم للعربيه بس لفك التابلوه وكده فمقاسات صغيرة مش كبيره
تمام وإن شاء الله لو نزلت أسأل لحضرتك وأنا بالنسبيلي الl أسهل
طب لو في طريقك ممكن تسألي بكام (بس تكون حاجة تستحمل)
من عينيا ياباشا
5 دقايق ويكون عندك الاسعار
اتفضل يارياسه
طقم الماني
السعر 55 جنيه
http://i51.tinypic.com/x5cj1e.jpg
http://i51.tinypic.com/jj44r7.jpg
وده الصيني
45 جنيه
http://i55.tinypic.com/29curli.jpg
ولو استنيت يوم الاتنين
اشوفلك انواع تانيه عشان انا سألت ساعه قفل
فمحل واحد هوا اللي فاتح
تمام وعلى العموم جبلي الألماني ولو فيه حاجة أحسن من ده هتهولي معاك لحد 100 جنيه
اوكي
حظبط ويوم الاتنين حقولك الدنيا فيها ايه
مش عارف يادرش انا سألت الساعه 8 الشارع كله كان بيقفل
فملحقتش الف اللفه المتينه
اكيد فيه حاجات احسن من كده كمان
يوم الاتنين وانا رايح الشغل بعدي علي 500 محل
حخش عندهم
واشوف
وبعد كده ببعت المخبر بتاعي الخصوصي عشان يجيبلي من محل نضيف ويقوله بامانه الله ده مضروب ولا الماني بجد
لان الشارع ملياااااااااااااااااااااا ااااااااااااااااااااااااا ان مضروب
ويحلفلك بالطلاق انه الماني
وهوا يقصد التعويره اللي في ايده انها وجعاه يعني
هههههههههههههه
احلي حاجه الراجل وانا نازل مروح يقولي يعني خدت الحاجه ورجعتها
قلتله ياعم هوا ليا مقولتلك لواحد صاحبي صورتهومله وحيختار
قاللي لا يبقوا حتستوردوها وتضربولنا السوق
قلتله مش بعيد لو غليت عليا :)
قاللي خلاص وانا حجيب عجل واحطه قدام المحل
قلتله وريني وانا افسيهولك :)
كانت وصله ردح امبارح
كل مره اعمل فيه كده
اصور الحاجه واجيبها من بره ارخص
ده لو عضو في المنتدي هنا
حيمسكني ي تيييييييييييييييييييت
معلش تاعبك معايا
ولا يهمك يايوكو
تعبك راحه ياباشا
وبراحتنا اصلا
حد ليه عندنا حاجه
ان كان عاجبهم
:)
عشان غيري ده اما ببقي محتاجله شوف بيعمل عشاني ايه
روح بص علي موضوع الرينجات وشوف بسبب الناس اللي في المنتدي انا عملت حاجات مكنتش اتخيل اني ممكن اعملها اصلا
الناس هنا جدعان لاقصي درجه
ورجاله بجد
ربنا يجعله في ميزان حسناتنا يوم القيامه
ويظلنا في ظله يوم لا ظل الا ظله
يوكو
تقرير يوم الاتنين
لفيت السوق والموجود كالتالي
ماركه hazet
ودي ماركه الماني اللي كنت جبتلك منها الصوره يوم السبت
الماركه دي ليها توكيل هنا في شارع الجمهوريه دخلت سألته
عنده بتاع عامل زي السويس نايف كده
بس مسامير نجمه
ده الوحيد اللي عنده
بكام
285 باين
المهم 200 وحاجه يعني
وريته الصوره وقلتله ب55 جنيه
الراجل تنح وقاللي مش ممكن
ده واحد
رحت لواحد تاني قاللي عندي ياباني
دي صورته
http://i52.tinypic.com/2q8ajxj.jpg
بكام 85 جنيه
الله اعلم ياباني ولا لا
رحت لتاجر بقي اعرفه كويس قلتله عاوز الماني قاللي مفيش
واداني اقتراح تاني
http://i55.tinypic.com/2zz41mh.jpg
الطقم ده رؤوس بس
ومعاه الدراع بتاعه ده
تيواني بس جايبينه من انجلترا
وقاللي اضمنه برقبتي
ولو عاوز اجبهولك تبص عليه ولو معجبكش نرجعه عادي جدا
الطقم ب65
والدراع ب25
شوف وقوللي ايه النظام
والاسعار انا لسه مخدتش خصم من حد
كله سؤال بس
رقمي اهو يايوكو شوف حتعوز ايه وانا معاك
0109779970
-----------------------------------------------------------------------------------
مصطفي
السوق كله مليان صاروخ التلميع
وصواريخ التلميع غير صواريخ التقطيع
الموجود ماركتين
abt crown
ودي 7 بوصه ب270 جنيه ولسه مجبتش خصم
وماركه ingeco
ودي 5 بوصه وبعد الخصم عامل 250
الكراون معرفتش اصوره
بس الانجيكو صورته اهي
http://i54.tinypic.com/2vsq4au.jpg
ولو عاوز تبص عالكراون ممكن يجيلي كتالوجه كمان شويه
شوف حتعمل ايه ومعاك رقمي :)
انا رقمي 0118969873
وبتصل ومحدش بيرد
صبحى باشا معلش كان لى سؤال او طلب صغير
في اداه كده صغيره وممكن تحطها فى الجيب وبيكون فيها سكينه واصافه وشوية حاجات كده متجمعه مع بعض وبتطلع كل واحده منهم وتستخدمها وبعد كده تتنيها تانى فى المجرى بتاعها مش عارف انت فهمت اصدى ولا لا عموما لو عارفها ياريت تشوفلى سعرها كام وانا اخر يوم ليا فى القاهره ان شاء الله يوم الاربع فلو سعرها حنين ممكن اشتريها لانى دورت عليها فى كارفور وملقتهاش اما لو غاليه فمش حينفع اجيبها دلؤتى لان العربيه والسفر كل يوم القاهره فلس اخوك تماما
فياريت ياباشا تسالى عليها وتعرفنى فى الموضوع ده انهارده لو امكنك ولو كده اعدى عليك بكره ان شاء الله اخدها
انا لاقيت صوره لقيها على النت
حاجه مشابهه لدية
http://www.aceros-de-hispania.com/im...inox-knife.jpg
عرفت خناقة كل يوم منين :star1:اقتباس:
تلك هي الدنيا ... زى حنفية الدش
كل ماتظبط الميه الساقعه مع السخنه
أمك تفتح حنفية المطبخ
يييييييح .....ساقعه ساقعه
:star1::star1::star1:
بحب أشكر صبحي باشا عشان تعبتة معايا والمفكات وصلت كمان وفوقيها تخفيض
اعتقد يا فندم ان البلاك اند ديكر دة مش صاروخ دة للتلميع بس يعنى الصاروخ اللى جايبه صبحى ممكن تركب عليه طاقية تلميع او حتى تحطله صنفرة او سلاح تقطيع و غيرها كتير لكن البلاك اند ديكر للتلمع بس
و اعتقد ان حضرتك تقصد دة
http://ecx.images-amazon.com/images/I/411MGF60AXL.jpg
لو انت عاوزة للتلميع بس خليك فى البلاك اند ديكر لو ممكن تفكر تركب عليه حاجة تانيه خليك فى apt هى ماركة صينى بس انا مجربها فى شنيور و بلاور و هوت جن و فعلا انضف الصينى الموجود
بص ياباشا
انا اللي جايبه كله صواريخ تلميع
مش صواريخ تقطيع
اما سألت عالفرق قالوا صاروخ التقطيع قوي اوي
ممكن لا قدر الله وانتا بتلمع بيه ييجي عالعربيه يجرحها
غير صاروخ التلميع
التلميع اهدي شويه وابطأ
بس كده
فانا رأيي لو فعلا في كارفور بلاك اند ديكر واصلي مش مضروب
توكل علي الله طبعا
بس اللي مقلقني شويه ان البلاك اند ديكر ده محدش قاللي عليه في الشارع انهارده خالص ؟؟
كله بيقولي عالكراون
والكراون حلو علي فكره مش وحش
وان شاء الله ممكن نوصل فيه لخصم كويس
فشوف وانا تحت امرك
يايوكو انا اللي اتشرفت بمعرفتك والله انهارده
وزي ما اتفقنا
اي حاجه في الطقم مش عجباك
قوللي
ياباشا مفيش تعب ولا حاجه
اديني نص ساعه وانا اجبلك فيه السعر النهائي
ولو عاوز تيجي تشوفه يامرحب الشارع ينور
لو عاوز زي يوكو كده اجبهولك ونتقابل في حته اللي تحبه
انا تحت امرك
انا مبمشيش في شارع الجمهوريه
انا في وسط شارع الجمهوريه
يعني يدوب بسأل وانا في الشباك :b4_033:
متقلقش
مستني ردك
السلام عليكم
انا حصل معى حكاية علشان المفكات ديه
انا عندىالكرسى بتاع العربية بايظ فقلتافكه واصلحه المهم وجت ان المجرى بتاعالكرسةمش بتتحرك فطيعا لازم افك الكريى فقط من غير المجرى بتاعته المهم ادور على المسمار اجده النكية عادى
المهم والدى العزيز قال يا تشترى طقم علشان مسمار قلت له احتمال ينفع فى حاجه تانى
المهم جابلى طقم تعابان ب5 جنية فكتمسمار واتبرى بعد ذلك
قلت اشوف العتبة
جبت طقم 15 جنية فك مسمارين واتبرىبعد ذلك
زهقت المهم رحت اجبي مفك واحد فقط الذى انا بشتغلبة المهم ادور وجدته 10 جنية
والحمد لله اشتغل معى بس لم اجربه لسه فى حاجه كبيرة اوجامده شويه
منحوالى يوم السبت العربية حصل فيها مشكله
المهم احتجت طقم النجمه وكان يوم الاحد ادور علية وجدته الحمد لله فى الاجر حوالى 16 جنيه و طبعاكنتخايف يتبرى بس الحمد لله قدى الغرض
المهم ا/ صبحى
هل الطقم ده فى منه عادى مش نجمه ولو جبنه هل الدراع بتاعه ممكنمع القرص عليه شويه يتبرى ولا وجزاك الله خيرا
على انت بتاخذ حسناتكتير قوى جدا جدا
ربنا يبارك فى حضرتك
انا عاوز افهمك حاجه بس
عشان متدوخش نفسك وتقعد تشتري اطقم ملهاش فايده
انا ملاحظ انك بتشتري اطقم وبعد كده السن بيتبري
سن المسمار ولا سن الالانكيه
اعتقد ان الالانكيه لو صلب صعب اوي السن يتاكل
ده يبقي تهريج
عالعموم انتا ممكن تريح نفسك بقي خالص
وتعمل زي يوكو
تجيب نفس الطقم سنون نجمه
وطقم تاني سنون الالانكيه عادي
ودراع واحد ينفع في ده او ده
الميزه في الطقم ده انه كبير ومقاساته كتير
وفي نفس الوقت دراعه كبير مش رفيع زي الالانكيه العادي
فحيفك معاك بسرعه لان عزمه اكبر
وانتا مالك المسمار اوي
النهارده كنت قاعد بفك في التابلوه وبدعيلك