الموضوع: كل شيئ عن افخم عشر انظمة صوتية موجودة فى السيارات الفارهة

المشاركة الأصلية كتبت بواسطة beetlemosh

جامد جدا الكلام ده
وللاسف احنا معندناش اصلا غير سونى و كينوود و بايونيير و سيمفونى
و باقى الانواع الصينيع الصنع ربنا يخليهالنا :)

و كله بيطلع فى الغسيل

بس فى كلام صعب اوى فى الموضوع
انا معرفتش افهمه اصلا
كلام غريب
عربى فصحى بحت يعنى
يا ريت لو الكلام يكون مبسط اكتر من كده
و يسلموااااااااااا ايدييييك يا كبيييييييير :)

السماعات دي احنا نحلم بيها بس اكتر من كدة لا
و ان شاء الله هحاول اخفف الحت بتاع العربي ده شوية
واي خدمة يا باشاز(جمع باشا)

نكمل مع حبيبة الكل
Mercedes-Benz S600 & Harman\Kardon

اكيد الكل عارف الاس 600 نيجي لتفاصيل النظام فى الاول بعد كده الصور

اولا
العربية فىها الاتى........

1 - سماعة 100 ملى سنتر موجودة فى الطبلوه فى الوسط.
2 - 5 سماعات 43 ملى ((تويترات)) موزعة فى العربية فى الطبلو + فى الابواب اللى ورا واللى قدااام
3 - سماعتين 200 ملى دبل كويل موجودين قدام فى الابواب الامامية.
4 - سماعتين 100 ملي بس دول ميدرينج بردو موجودين قدام .
5 - صبين 168 ملى موجودين ورا فى الجوانب يعنى جمب الركاب اللى ورا.
6 - 100 ملى سماعات بصوت محيطي ورا .
7 - سماعة واحدة 200ملى فى 320 ملى دبل كويل صب كبير موجود على الرف الخلفى للمرسيدس .
8 - واخيرا امبليفير من هارمان كاردون عالى الاداء 600 وات + نظام 7Logic .
وكده دلوقتى العربية فيها 15 سماعة بما فيهم الصب .
وبس .........
الصور














شعور اللى راكب فيها
اولا قوة الصوت 460 واط للسماعت العادية واللى يركب العربية هيحس انه قاعد فى قاعة افراح فى فندق الفور سيزونز هههههههههههههههههه
والله واكتر كمان
طبعا الصوت ثلاثي ابعاد وبنظام 5.1 من شركة Dolby الرائدة فى هذا المجال
مع نظام احاطة مرجعية
عربيه بابا المتواضعة فيها نظام دولبي لازالة الخروشة والوش من الصوت المتسجل مباشر
احنا طلعنا من الموضوع مال الكورولا حد يقدر يتلكم
اكيد الكلام مش زى التجربة ابدااااااااااا يا رب ارزقنا و يرزقكم ونركب اللى احلى من المرسيدس

نكمل فى الرد الجاى واسف على قلة الصور
انتو عارفين المميزين بقى