الموضوع: نداء الي الانسه المحترمه داليا انا خلاص تعبت

المشاركة الأصلية كتبت بواسطة memos

وبعدين الاستاذ ابو جيسي كان عمل الصيانه في اسكندريه وخلوا البنزين 280في الصفيحه يعني فيه فرق عالي فيه مشكله وما بتتحلش عالله يحلوهاالمره دي سلامي لك

أخى العزيز .. memos
عندما تسلمت السيارة كان أستهلاكها من البنزين قليل لدرجة أدهشتنى .. ولكن بعد هذا أرتفع الأستهلاك ..
وبعد ذهابى للصيانة أصبح أستهلاكها من البنزين :

240 كم /20 لتر داخل المدينة
280 كم /20 لتر على طريق السفر خارج المدينة

وهذا أفضل أستهلاك حققتة السيارة ..
ولكن لمدة أسبوع واحد فقط .. بعدها أصبحت :

بين 180 : 190 كم / 20 لتر داخل المدينة

ولم أستطيع الذهاب مرة أخرى إلى صيانة أسكندرية لأعادة الضبط .
ولكن طول هذة المدة سمعت أراء كثيرة .. فهناك رأى أن السبب من البوجيهات
( تم تغيرها مرتين فى أقل من 3000 كم بدون فائدة )
ورأى أخر ان السبب فى فلتر الهواء .. أو فى البرنامج
أخر الأراء يقول أن السبب فى علبة محفز العادم ( يسمونها علبة البيئة ) وأنها مكتومة
وأخر الأراء التى سمعتها .. أن الرشاشات هى السبب
وكما ترى فأن الأراء كثيرة .. ولا أعرف أيهم السبب الحقيقى .. وقد يكون شئ مختلف عن كل هذا ..

ولكن المؤكد وبعد تجربة فأن السيارة لو مضبوطة جيدا .. يكون أستهلاكها الطبيعى لا يقل عن
240 فى المدينة
280 فى السفر

ولى رجاء خاص لك .. لو عرفت السبب ..
أخبرنى

انا بس عايز اعلق انه العربيات الصيني استهلاكها المفروض تمام وانه البروتون استهلاكها عالي.... ليه بقول كده؟ ابن خالي كان معاه برسونا وكانت بتحرق اكتر ما هو شخصياً بياكل... لدرجة انه مش عارف يتلم على مرتبه

باعها وجاب عربية صيني جاك... بيقول احسن كتييييير

المشاركة الأصلية كتبت بواسطة abojessy

أخى العزيز .. memos
عندما تسلمت السيارة كان أستهلاكها من البنزين قليل لدرجة أدهشتنى .. ولكن بعد هذا أرتفع الأستهلاك ..
وبعد ذهابى للصيانة أصبح أستهلاكها من البنزين :

240 كم /20 لتر داخل المدينة
280 كم /20 لتر على طريق السفر خارج المدينة

وهذا أفضل أستهلاك حققتة السيارة ..
ولكن لمدة أسبوع واحد فقط .. بعدها أصبحت :

بين 180 : 190 كم / 20 لتر داخل المدينة

ولم أستطيع الذهاب مرة أخرى إلى صيانة أسكندرية لأعادة الضبط .
ولكن طول هذة المدة سمعت أراء كثيرة .. فهناك رأى أن السبب من البوجيهات
( تم تغيرها مرتين فى أقل من 3000 كم بدون فائدة )
ورأى أخر ان السبب فى فلتر الهواء .. أو فى البرنامج
أخر الأراء يقول أن السبب فى علبة محفز العادم ( يسمونها علبة البيئة ) وأنها مكتومة
وأخر الأراء التى سمعتها .. أن الرشاشات هى السبب
وكما ترى فأن الأراء كثيرة .. ولا أعرف أيهم السبب الحقيقى .. وقد يكون شئ مختلف عن كل هذا ..

ولكن المؤكد وبعد تجربة فأن السيارة لو مضبوطة جيدا .. يكون أستهلاكها الطبيعى لا يقل عن
240 فى المدينة
280 فى السفر

ولى رجاء خاص لك .. لو عرفت السبب ..

أخبرنى

صدقني لو عرفت انت اول واحد هقوله عالله لو رحت المره دي مالاقيش الاستهلاك زي صاحبنا بتاع البروتون

كنت عايز اعرف راي الدكتور المناهري في استهلاك عربيته ويقولنا اد ايه

المشاركة الأصلية كتبت بواسطة أبومريم

قصدي على الزارا أو زي ما الناس بتقول الاكسارا صاحب الموضوع بيقول كانت معاه وبتعمل 280 في الصفيحة ودا بصراحة رقم جامد جدا لو معايا عربية 1600 بتعمله عمري ما هبيعها الا لو طهقتني

اخي العزيز شكرا علي مرورك ولكن ممكن تبيع العربيه رغم انها جميله و عجباك للاسباب التاليه
1 قله قطع غيارها
2 لما تلاقي ان الوكيل هو عز العرب وما ادراك ما عز العرب اعمل حسابك وانت مروح من عنده انك تكون ممون العربيه عشان مفيش فلوس هتبقي معاك اوالبديل للتوكيل امير وجوزيف ودول اسوأ من الوكيل
3 لما تروح لأي ميكانيكي يقولك معلش انا مش بشتغل في الستروين
4 لما تروح تشتري قطعه الغيار المستعمله يقولك الاكصدام الامامي ب 1000 ج
عايزني ابعها ولا اخليها لك تحياتي

المشاركة الأصلية كتبت بواسطة memos

انا م /ايمن حسن
سياره byd gli 2010 شهر 9
شاسيه796
ماتور381
رقم السياره ب ن ل 598
الحكايه اني من ساعه ما استلمت السياره وانا بروح الصيانه وبطلب في الjob انهم يكشفوا علي البنزين حوالي 5 مرات وانا بطلب الكشف ده وكل مره يقولوا اتعملك برنامج جديد وتقدر تجرب السياره وهتلاقيها كويسه ولكن للاسف لا يوجد جديد واخرها عملت صيانه ال5000 يوم 1/12 وطلبت نفس الشيء وخرجت السياره من الصيانه وتمام بس انت جربها وبعدين ؟مش عارف ايه اخرتها انهارده بمون العربيه لاقيتها بتعمل 180 في الصفيحه يعني كل 20 لتر ياريت الاقي عندك الحل لان ده خراب بيوت مفروض ان دي عربيه انجكشن ما تسحبش السحب ده كله انا كان معايا ستروين اكسارا 2001 / 1600 كانت بتعمل 280 في الصفيحه جوه البلد ياريت يكون عندك الحل تحياتي لكي وجزيل احترامي

شرحه...
نفس المشكلة من بعد أول 500 كم .. العربية ماشية زى الساعة وبعد كده غووووول بنزين... وكانت يوم ما تبقى أصيلة تعمل من 200 : 220 كم فى الصفيحة على الطرق السريعة وبدون تكييف والإزاز مقفول ..
الإستهلاك تحسن بعد صيانة إسكندرية لما نضفوا الفلتر ووصل الإستهلاك 270 : 280 كم فى الصفيحة.. هو أسبوع بالكتير وكل شئ عاد كما كان... ناوى أغير الفلتر إن شاء الله بنوعية أحسن وأتعشم أن ينصلح الحال..
بما أن مسألة إستهلاك البنزين ظهرت وبشكل واضح جدا عند العديد من العملاء فربما يكون هناك خلل ما إما فى ظبط المحرك أو أحد مكونات المحرك والشركة لم تفطن له إلى الآن.. وربما أيضا ألا يكون هناك أى خلل فى المحرك ويكون هناك سبب أخر لزيادة البنزين لأن برضه فيه واحد قال لى من فترة إن علبة البيئة فى الشكمان بتتسبب فى كتم الموتور وبالتالى زيادة الإستهلاك وإقترح عليا إنى أشيلها مؤقتا وأجرب من غيرها..
أقترح أن تستدعى الشركة أحد الخبراء من الشركة الأم فى الصين لمعاينة المشكلة على الطبيعة فى السيارات ذات التجميع المصرى.. لعل هناك خطأ بسيط جدا فى نقطة ما لم يفطن له العاملين فى مراكز الصيانة وتسبب فى هذه المشكلة.. نقطة أخيرة... هل حد فكر إن الجهاز نفسه اللى بيكشفوا بيه على السيارة ربما يكون محتاج معايرة أو ظبط أو تحديث.. يعنى الخلل مش من الموتور نفسه ولكن فى البرنامج ...

والله يا جماعة عندى نصيحة غريبة شوية بس فعالة

جرب بنزين 90 وبلاش 92 وقولنا على الفرق