الموضوع: عايز شيروكى 6 سلندر أوتوماتيك أقل من جنيه 50000

السلام عليكم ورحمة الله وبركاته

اليومين دول ناوى أشترى عربية شيروكى وعايزها أوتوماتيك ولا حظت إن مفيش أوتوماتيك غير 6 سلندر مش مشكلة

المهم دلوقتى هل فى شيروكى أتوماتيك حالتها نضيفة بأقل من 50000 جنيه

دا غير إنى شفت شيروكى موديل 91 أتوماتيك ستة سلندر رخصة سنة ب 45000 ألف جنيه بس الشنطة فيها رش غير كدا هى عجبانى فهل السعر دا كويس ولا زيادة

أنا مكنتش متخيل إن فى شيروكى موديل 91 أساسا

ياباشا اولا الشيروكى 6 سلندر بتاكل بنزين كتير شوية مقارنة بال4 سلندر ولكن فى مقابل انها بتاكل بنزين تلاقى عزم شديد وقوة جبارة بالاضافة الى ان قطع غيار ال6 سلندر ارخص من ال4 سلندر ومتوفرة عنها

ثانيا انا كنت شايف فى كونتاك كار شيروكى 1996 3700 سى سى 6سلندر اوتوماتيك معروضة للبيع على58000

وكان فية واحدة تانية 1994 ب52500 6 سلندر اوتوماتيك

ادخل على كونتاكت كار وشوف حضرتك الاسعار عاملة اية وسيبك من المبلغ المكتوب لان ساعة الكاش الغالى يبقى ببلاش

و ياباشا لو حضرتك قدرت تكبر المبلغ شوية يبقى احسن توقعلك واحدة 95 ولا 94

وبالنسبة للعربية اللى حضرتك بتتكلم عليها كسعر حلو بس لو قدرت تنزل عن كدة يبقى احلى بس اكشف عليها كويس اوى اوى

وشوف الرش اللى فى الشنطة سببة اية واكشف عليها فى اى مركز خدمة وخلى بالك من الكوارين والفتيسين والشاسية لان فى ناس بتبقى مبهدلة العربيةومطلعة عينيها واوعى تاخد شيروكى فتيس فى حاجة او الكرونة فيها ونة اوعى لان الحاجات دية هتكلفك ثروة طائلة وهتندم انك ركبت شيروكى

وزى مقلت لحضرتك العربية سعرها معقول ولو فى امكانية نزل الفين تلاتة يبقى احسن وربنا يوفقك


وعلى فكرة فى شيروكى بيبقى موديل 1988 و1989 و1990

واى استفسار انا تحت امرك

جزاك الله خيرًا

حقيقى بجد أفدتنى

إن شاء الله أشترى ال 91 مع إنى قولتله إنى الحمد لله فلوسى جاهزة وهاخلص بس هو ماسك فى 45 وأنا عايزها ب 42

ياريت ساعة الجد الكلام يتغير

مش عارف ليه الناس اللى باكون هاشترى منهم أقولهم على السعر وإنى جاهز ويرفضوا وأبص ألاقيهم باعوها بنفس السعر طيب مانا قلتلهم من الأول

طيب حضرتك مفكرتش فموضوع استهلاك البنزين

اعتقد ان ال6 سلند هيكون اقل حاجة 20 لتر لكل 100 كم ده للسواقة الهادية كمان

ولو مش مصمم عالجيب

عندك اختيارات تانية

فيرنا 2007

لانوس 2006

لانسر99

طيب حضرتك مفكرتش فموضوع استهلاك البنزين

اعتقد ان ال6 سلند هيكون اقل حاجة 20 لتر لكل 100 كم ده للسواقة الهادية كمان

شكرا لمشاركتك بس اللى بيدور على جيب من غير مايكون محتاجها فعلا فدى حاجة تانية

أنا لو مش محتاجها للشغل ماكنتش فكرت أشتريها

جيب 6 سلندر 145 كيلو كل 20 لتر سواقه هادئه علي السرعات مش عارف الصراحه هي مع واحد صاحبي لسه جايبها

جيب 6 سلندر 145 كيلو في 20 لتر

السلام عليكم
اسمحوا لي بالمداخلة معكم واني معكم ولكن مختلف في الرأي
بالنسبة للشيروكي 6 سلندر اللي ركباها عمره مايفكر في ال 4 سلندر بس انا مش بقول ان ال4 وحشة لا بس ال6 جبارة
واللي يفكر اساسا يركب جيب يبقي اكيد اخر همة البنزين
لانه بيركب لمزاجة زي ركوب الخيل هو متعة ومكلف جدا مع العلم ركوب الخيل مش مريح .... صح
كفاية ركوبك حاجة عالية وبرضه الجيب ليه برستيج وكفاية يااخي لسولقين الميكروباص ودي اهم حاجة
وبالسبة بقي للبنزين مع اني مش بحب اتكلم فيها
في السفر ممتازة حيث يشير الكمبيوتر بان الاستهلاك من180 _ 200 علي سرعة 130-140 ك
وداخل البلد فعلا عالية ممكن 100-120 في الصفيحة
وده مش من سؤال صاحبي
ده من تجربتي الشخصية لاني املك سيارة ملحق 2001 lx 4100 س س فول ابشن
وفي الاخر لو انت مركبتش السته لسة يبقي اكيد حاترضي بال4 سلندر
اخوك الخبير المصري

انا متفق معالك ياباشا فى كل كلمة حضرتك قلتها
وجامد اوى التشبية بركوب الخيل لانة فعلا واقعى
وعلى فكرة الشيروكى كاستهلاك للبنزين مش عالى اوى زى مالناس فكرة مقارنة بنفس فئتها من الماركات الاخرى
وياجماعة الشيروكى عربية جامدة جدا مهما عدى عليها سنين تعالى بوص لشيروكى موديل 91 لو صاحبها واخد بالة منها ومن صيانتها هتلاقيها ماسكة نفسها الى الان وتكمل معاة كمان سنين كتيرة قدام

السلام عليكم
يرجالة الجيب دي لاصحاب الدماغ العالية وكل اللي بينقدها اما خايف منها ياما مش قد ركوبتها
ده بره في مواقع مخصوص لركيبه الجيبوية واتفرج علي مقترحاتهم واللي هما بيعملوا شخصيا والصيانة الشخصية مع العلم بسعر عربيتا المستعملة هنا في مصر يجيبوا احدث عربية
ولكن دمغاهم جيب وبس
وعذرا لاخي اللي عاوز يجيب فيرنا وهيونداي دي عربيات كلام فارغ وعذرا لهم
اخوكم الخبير المصري