حمد لله علي سلامتك ويستحسن تغيري التيل زي ما الاخوه الاعضاء نصحوكي والف سلامه مره تانيه
عرض للطباعة
حمد لله علي سلامتك ويستحسن تغيري التيل زي ما الاخوه الاعضاء نصحوكي والف سلامه مره تانيه
والله معرفش بس اللى فى الحرفيين قالى انه مش لازم اغيره ومرضيش اصلا اغيره بس انا زيادة فى الامان هشترى ماستر جديد هما قالولى ب 250 جنيه مش مشكلة علشان الواحد ميكونش مقلق طول الطريق
وانا بدوس فرامل طبعا حسب الطريق بس بحكم السفر يوميا بحتاج فرامل قويه فى مواقف معينة
وبصراحة معرفش العربية عاملة كام كيلو وهل ده هيفرق فى حاجة؟؟؟
موقف مرعب فعلاااااااااااااااااااااا ااااااا
انا تخيلت نفسى الموقف ده يحصل معايا وبالذات لانى بسافر كتير
علشان كده تفكير كان صح مع ان كل صحابى كانوا بيتريقوا عليا ويقولولى انى فلوسى كتير وانى مش فاهم فى العربيات
دايما كنت بقول ان المفروض كل شهر الةاحد يكشف على العربية فحص شامل علشان يتطمن
ربنا يسترها علينا كلنا امييييييييييييين
فعلا عندك حق بس انا فعلا بشيك عالعربيه على طول ومش كل شهر لا ده كل اسبوعين او تلاتة بالكتير بس محدش ابدا شيك على الماستر ده قبل كده
الف حمدالله على سلامتك..
بجد موقف صعب اوي.. مش عارف لو مكان حضتك كنت عملت ايه...
المهم دلوقتي زي مالناس قالت تغيري الماستر في اقرت فرصة...
وياريت كمان زيت الفرامل يتغير بنوع نضيف عشان بيفقد خواصه مع الوقت...
موضوع الكشف عالفرامل للأسف مافيش حل غير التجربة.. مقاس زيت الفرامل مالوش دعوة بالماستر...
موضوع االفرامل تاخد هوا .. ده عشان الفرامل بتشتغل عن طريق مكبس هيدروليكي فلازم يكون في سائل غير قابل للانضغاط عشان يوصل الضغط لكاليبرات الفرامل...
لما يكون في هوا في دورة الفرامل بيتكون اضعف عشان بيكون وسط الزيت في هوا وده قابل للانضغاط..
فالراجل بيفتح طبة في اخر دورة الزيت ويدوس فرامل لغاية مالهوا يطلع ويكون زيت فقط...
مش عارف شرحي كويس ولا لأ يارب تكني فهمتيني...
الطريقة دي ماتنفعش خاااالص...
فايدة النقلات 3 و2 و1 في الاوتوماتيك انها بتخلي الفتيس 3 نقلات في حالة الغيار 3 ونقلتين في حالة الغيار رقم 2 وهكذا..
وده بيمنع الفتيس انو ينقل عالغيار 4..
لما تكون على الd العربية بالفعل هتكون خدت الغيار ال4 وبالتالي مش هتنزل منه الا لو احتاجت كده يعني هديت او عملت كيك داون... ساعتها هتنزل للتالت ومش هتطلع الرابع تاني..
الحل انك تعمل كيك داون واول ما العربية تسقط الغيار تقوم انت ناقل الفتيس على 3 او 2... وطبعا ده مالوش وقت في موقف زي كده...
تاخدى هواء من الفرامل يعنى تدوسة على بدال الفرامل للأخر كذا مرة و بعدين الميكانيكى بيبقى عند الماستر بتاع العجل فية مسمار أسمة مسمار الهواء لما ب تكاركى فرامل و يقولك دوسى للأخر بيفتح المسمار دة شوية بيخرج هواء و زيت من الضغط بيكرر القصة دى كذا مرة لغاية ما فقاقيع الهواء الى فى الدورة تخرج و بكدة لما تضغطى فرامل الكبس بتاع الزيت الباكم بكون فى المواسير بدون هواء مش عارف الفكرة وصلت و لا مش عارف اشرحها كويس
ميرسى ليكوا وكده فهمتها وان شاء الله هحاول اعمل الحوار ده بعد بكره بعد مااغير الماستر
ويارب بجد محدش يتعرض للموقف ده ابدا ويبعد عننا جميعا شر الطريق
حمدا لله على سلامتك
وذى ما الاخوه الافاضل قالوا غيرى الماستر الفرامل اهم جزء فى العربيه
وربنا يوفقك
ميرسى ليك
الله يسلمك
حمدالله على سلامتك وكلام الاعضاء فوق زى الفل