يا سلااااااام
و هو هيسكت؟
يا عم حرام عليك .......
عرض للطباعة
والله موضوع زي ده كويس بس انا ماعرفش اتفق مع بلطجية ولا اعرف بيتجابوا منين (اكيد مش بيتباعوا ف كومبيو مى) ده غير ان الواحد هايعالج مشكلة بمصيبة و هايكبر الموضوع و هايشيل علي راسه ذنوب لحد يوم الدين .. كفاية انى صيدلى والناس فاكرانى تاجر مخدرات مع ان صيدليتى مادخلهاش قرص مخدر ولا حتى مهدئ هابقا كمان بلطجى؟
ده هزار ولا نصيحة بجد ؟؟؟؟؟
طيب ماهو المحامي يقدر برضه يرد بنفس الطريقة .... بل وأكتر من كدة لأنه اكيد يعرف بلطجية اكتر مننا كلنا بحكم مهنتة
وممكن برضه يعمل بلطجة قانونية بطرق قانونية قذرة وبتكون اشد ايذاء من البلطجة العادية
....
انا بأنصح انك اول حاجة تعملها انك تلغي التوكيل فورا .... من نفس المكتب اللي انت عملته فيه .... وتاخد معاك صورة التوكيل وهما بيبعتوله على عنوانه بريد سريع على حسابك انت يفيد ان توكيلع تم الغاءه
وبرضه تحاول تحل الموضوع ودي ...... شوف مين اللي عرفك عليه وخليه يتدخل والموضوع يتحل ودي
ربنا معاك
هو مش المحامي ده وظيفته يجيب حق الناس
طيب بص بما ان الحل الاولاني حل فاشل
خد الحل الثاني
هو مش قاللك عايز 2000 جنية اديهوملو
وبعد ماتديلو الفلوس قولو كلمة واحدة
حسبي الله ونعم الوكيل
وسيبو وامشي وانا عارف هايتصرفو ازاي
صديقى العزيز هاجبلك الخلاصة لانى عندى خبرة مهولة فى الاحتكاك بالزبالة دول ( المحامين ) نسبة 90% منهم زبالة
احب بس اقلك الاول كام ملحوظة كده
- المحامى سيد الشعب لانه فى ايده السلاح الوحيد الى يسيطر على الشعب
- مدام عمل معاك الحركات دى يبقى معناه انه ماسكك من حاجة ومنغيره انت هاتضطر جامد سواء الحاجة دى انت تعرفها او ماتعرفهاش
- لايفل الحديد الا الحديد يعنى الوحيد الى يقدر على المحامى ده هو محامى زية لابلطجية ولا ضرب ولا ودى ولا نيلة
- هو الاتفاق بنكم كان مكتوب ولا شفهى فى اى ورقة تثبت كلامك او كلامه ؟
- نوع التوكيل الى انت عامله ايه عام ولا قضايا ولا ايه بالظبط ؟( لان واضح ان فى ايده حاجة ماسكها عليك
- سيبك من الانذار الى عملهولك لان ده اى عيل صغير يقدر يبعت انذار لاى حد
الخطوات الى تعملها بالترتيب
1- تشوف حد وسيط تزوقه عليه بغرض الحل الودى ويعرض التسوية ويدخله ناعم اوى ويعرض مبلغ وسط ( هو عاوز الف زيادة اديله 500 ) هايخدوهم
2- حاول باى طريقة انك تشوف ايه الى ماسكه عليك من ورق وتاخده منك ( طبعا بحسن نيه وذكاء وتطمنه من نحيتك )
3- تلغى التوكيل الى عاملهوله بعد التسوية
ماتحولش تعمل اى خطوة غلط مدام انت مش قدها
إنت عامل له توكيل عام ولا إيه؟؟؟
وبعدين أصل المشكلة,,صاحب البيت عاوز يزود الإيجار ليه؟؟ وعقد الايجار قديم ولا جديد؟؟ولمدة كام سنة؟
والله يا دكتور أحمد هى قصة طويله ومعقده .. الصيدلية دي كانت ايجار قديم خدها والدي من صيدلي هاجر امريكا بس اسمه لسه ف عقد الايجار و جبنالها مدير لأنى كنت لسه ف كلية صيدله .. وبقينا بندفع مرتب للصاحب ومرتب للمدير ده غير ايجار صاحب العماره وكان الاتفاق أول ما أتخرج ادفع لصاحب العماره وادفع للصاحب عشان يتنازل عن الرخصة و نغير عقد الايجار بإسمى .. جه صاحب العمارة حب يزود الايجار رفضنا راح رفع قضية طرد علي الصيدلي الصاحب انه هاجر واتنازل عن الصيدليه لينا وقعدنا ف دوشة المحاكم 3 سنين و اتحكم برفض الدعوي بتاعت صاحب الملك واستمرار سريان عقد الايجار .. المحامي ده بأه كان واحد من اتنين شغالين ف القضية الاول خد اتعابه حسب الاتفاق وهو اتملعن بس التوكيل كان توكيل قضايا مش اكتر وادينى هاحاول احلها ودى