فقط للبيرتب في يوم الاجازة علي السيما
فيلم ابن القنصل دخلته امبارح .. كوميدي من الدرجة الاولي
فيلم رائع جدا و كعادة السقا النهاية الغير متوقعة
اعلانات الفيلم في التليفزيون مش بتوضح اي حاجه عن الفيلم
فيلم محترم و ينفع لكل الاعمار
Have a nice show
عرض للطباعة
فقط للبيرتب في يوم الاجازة علي السيما
فيلم ابن القنصل دخلته امبارح .. كوميدي من الدرجة الاولي
فيلم رائع جدا و كعادة السقا النهاية الغير متوقعة
اعلانات الفيلم في التليفزيون مش بتوضح اي حاجه عن الفيلم
فيلم محترم و ينفع لكل الاعمار
Have a nice show
فعلا فيلم محترم و احد بطلاته بتمثل دور فتاة ليل ..... للاسف معاييرنا اتغيرت بشكل جذري حتى معنى كلمة "محترم" ......
انا اللي عايز له تفسير , ليه الزنا بقى عنصر اساسي في 90% من افلامنا , و في الغالب بالاحظ انه مش اساسي ( على فرض يعني) في سير احداث الفيلم و انما بيتم اقحامه اقحاما
ماهو يا باشا ممكن تكون احدي بطلاته بتمثل شخصية فتاه ليل بس الفيلم نفسه مافيهوش تلميح بذئ أو مشهد خادش للحياء وده لا يعتبر حاجه غلط الرك علي فيلم زي بون سواريه اللي طالعه فيه مي كساب مدرسة وكله الهانس ف الدانس والشبك مليان قنص .. انا عن نفسى شايف ان اجمد فيلمين ابن القنصل وبلبل حيران و تنفع افلام عائلية
هما عايزين يخلوه زي شرب البيبسي ..... او - على احسن فرض - زي التدخين كده ..... حاجة ما تعيبش الراجل .... و مش مشكلة لو عملها ..... عادي يعني ..... الله يحرقهم
قال الله تعالى:
إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ
رأيك ده بياكيد حضرتك كده دخلت الفيلم .. انا لما شوفت الفيلم لاقيت ان الفيلم مفيهوش حاجه صارخة لدرجة ان كلمة محترم متكونش علي الفيلم ده و الا بكده يبقي حضرتك مدخلتش الفيلم
كلامك صح 100% يا بشمهندس للاسف حصل انحدار غير عادي علي الفيلم المصري لكن اهو لسة في نسبة محترمة و لينا لسة مكان داخل السينيمات
و عايز تقول لي ان مفيش واحد ممكن يفكر يزني او يفكر ياجر بنت من بنات الليل بعد ما يشوف الفيلم؟ يعني الفكرة مش هتيجي في دماغه بسبب الفيلم؟
المشكلة التانية .... التعويد ..... لو حضرتك متعود انك تشوف الناس بتشرب بيبسي (مثلا) .... شوية بشوية هتبقى مش شايف انها حاجة عيب ..... صح؟ لو حضرتك سافرت بلد شرب البيبسي فيه قلة ادب و عيب ..... هتبقى مشكلة بالنسبة لك .....
تعويد الناس على الزنا و الفجور حتى و لو في سياق فني مش حاجة كويسة خالص ......
انا ما دخلتش الفيلم و لا هادخله ....... المصيبة ان الناس بقت بتقول مفيش حاجة صارخة .... يعني هي الناس عايزة زنا و عري فعلي عشان يبقى صارخ؟؟ للاسف مجرد التلميح بالقول او بالمشاهد المفروض بالنسبة لنا يبقى صارخ و هو ده ما جبلت عليه النفس .... بس هما شوية بشوية بيعودونا ان كده "عادشي" خالص و مفيش مشاكل ......
الفيلم مافيهوش ولا حرف خارج ابداااااااااااااااا و لا حتى تلميح من بعيد مش زى هو ده
فكرتني بفيلم محمد هنيدي في جاءنا البيان التالي
انا بتباس في الفيلم بوس هادف
ههههههههههههههههههه
حضرتك كده بتفكرني ببرامج موجه كوميدي اللي بيجيبوا الناس في الشوارع و بيعطوا رأيي بدون ما يعرفوا اي حاجه عن اي حاجه
مدام حضرتك مخوضتش التجربة نفسها يبقي المفروض انك ميكونش اصلا في رأي .. و المفروض ان تأخد خبرة الناس اللي دخلوا التجربة نفسها و اذا كنت راضي برأي الناس يبقي تخوضها انما لو مش راضي يبقي مشكلتك لوحدك
مش هارد على شخصنتك و سخريتك اللي تدل على ...... و لا بلاش ..... بس عموما الناس هنا عارفاني و عارفة كويس جدا اني غير بتوع موجة كوميدي !!! هاسيبهم يردوا عليك .......
كلامي كله كان غير شخصي ........
و على فكرة انا شفت اعلان الفيلم ......
و مش انت اللي تقول لي يبقى ليا رأي و لا لأ .... انت مش هتحجر على رأيي و احنا هنا في منتدى ..... عاجبك او مش عاجبك الرأي دي تخصك .... طالما انا ما شخصنتش الحوار مع حضرتك يبقى مالكش عندي حاجة .......
+1 .... ساعات الكتاب بيبقى باين من عنوانه .....
فيه حكمة بتقول "انت لاتحتاج ان تأكل السمكة كلها لتعرف انها فاسدة"
يعني مش لازم تدخل الفيلم علشان تقول ده خارج (الجواب بيبان من عنوانه)
ومش لازم تدخل خمارة علشان تقول إن الناس اللي جواها على اقل تقدير آثمين
حجة امثال خالد يوسف دايما ان الناس بتحكم من غير ماتشوف
والناس مش محتاجة تشوف علشان تحكم زي المثل اللي فوق بالضبط
استاذ هونداوي حضرتك شايف عنوان الموضوع كويس .. احنا بنتكلم عن فيلم ابن القنصل مش فيلم تاني و كلامي كله علي الفيلم ده و لو حضرتك قرات كويس الردود السابقة هتلاقي اني بقول ان فعلا السينيما بقي فيها انحدار لكن في نسبة لسة محترمة يبقي الموضوع ميخرجش في نطاق فيلم تاني عشان منتشتتش
اهدأ يا استاذ كمال الموضوع مش شخصنة و لا بسخر منك و لا انت زي بتوع موجه ولا الكلام ده خالص
الموضوع كله اني شخصيا بتدايق جدا جدا جدا من حد يعطي رد في حاجه و هو معندوش ريفرانس او تجربة علي الاقل ..
هو ده كل الموضوع .. انما حضرتك بتدخل في موضوع تاني خالص غير الكلام عن الفيلم نفسه
هو انا يعني كنت منتج الفيلم ولا حتي مخرجه .. دا انا شوفته امبارح و بقول للناس اللي نفسها تدخل فيلم محترم .. اهو دا اللي موجود و خلاص
انما حضرتك قلبت الموضوع لطريق تاني خالص
يا أستاذ peaceman أنا بس عاوز أقول حاجة بسيطة
الأعلانات بتاعة الأفلام هدفها أيه بالنسبة للمشاهد ؟؟؟؟
مش المفروض أنها تديله فكرة عن الفيلم و قصته بأختصار و بالتالى هو يقدر يكون رأى أبتدائى عن الفيلم و يقرر هو عاوز يدخله ولا لأ ؟
هو ده اللى أحمد كمال يقصده.
عاوز بس أوضح نقطتين
1- أنا عن نفسى مشوفتش أعلان الفيلم حتى و مش بصدد تقييمه
2- بعض الأفلام كان المنتج فيها بيتعمد يظهر مشهد أو أتنين مش تمام فى الأعلانات بتاعة الفيلم علشان يدى حافز لبعض الناس أنهم يدخلوا على الأساس ده......بينما الفيلم فعلياً ليس له علاقة بالكلام ده غير مشهد أو أتنين تم حشرهم فى الفيلم زى ما زميل وضح قبل كده.
ياجماعة استهدوا بالله احنا بنتناقش مش بنتخانق وكل واحد يقول رأيه بحيادية من غير مايلبخ ف حد .. وبعدين يا أستاذ أحمد كل واحد ودماغه يعنى انت شايف ان الواحد ممكن يتأثر بالفيلم و يجيب فتاه ليل وانا شايف ان الفيلم مافيهوش مشاهد مخله ومفيش منه ضرر تمام زي السكينه ناس بتقطع بيها خيار و ناس بتقطع بيها رقاب .. و فى الاول و فى الاخر كل واحد حر فى اختياراته واللي عايز يعمل حاجه غلط هايعملها بإيعاز من شيطانه مش محتاج افلام تأثر عليه
صلو على النبى يا رجالة مش حنخسر بعض على فيلم و احنا علاقتنا ببعض اقوى بكدة بكتير و اختلاف الراى لا يفسد للود قضية
يارجاله استهدوا بالله
حاولوا تفهموا قصد احمد
الموضوع عموما مش علي فيلم ابن القنصل اصلا
الفكره كلها ان زماااااااااااااااااان خالص اما كنا بنتفرج علي افلام ماري كويني وحيسن صدقي وليلي مراد
كان نهايه الفيلم تنتهي بانه يمسكها من كتافها ويبصلها بصه ود ويتنحنح وخلاص علي كده
مشينا شويه بالزمن بقي يحط خده علي خدها
وبعد كده يبوسها ويحضن الولد ابنه
وبعد كده بقي بوس
وبعد كده قلبت جيبات قصيره وافلام دون المستوي في فتره الحرب عشان البهوات مكنوش لاقيين ياكلوا والبلد طبعا فيها حرب فمفيش فلوس
يعملوا ايه يطلعوا علي لبنان يصورهولهم كام فيلم سافل
بعد الحرب بقي دخلنا علي شويه افلام جاده شويه عشان الشعب كان خارج من الحرب بقي ومتظبط
بعدها خلاص رجعت ريما لعادتها القديمه ودخلت مصر عادات وافلام زفت الزفت ولحد دلوقتي ممنوعه من العرض
واخيرا فضل تطور السينما بقي لحد الست سميه الخشاب والست غااده عبد الرازق ما عملوا مشهد السحاق
فاكرين ساعتها حصل ايه
اوووووووووووووووووووووووو وه فيلم زباله
فيلم قذر
والناس بتخش
بعدها عماره يعقوبيان شذوذ
اوووووووووووووه
بس الاووووووووه بقت قصيره
شويه وفيلم احاسيس والست علا غانم ربنا ي........
ولا بلاش
ربنا يهديهم جميعا
والموضوع بقي عادي
وعمال يبقي عادي وعادي وعادي
من نظره
بقت لمسه
بقي مشهد كاااااااامل
بقي فيلم كله قائم علي البوس والاحضان والارف
احنا جه علي مصر يوم ومكنش بيدخل السينما غير المراهقين والفئه العامله بس
عشان يتفرجوا علي ناديه الجندي ونبيله عبيد
لحد ما جه اسماعيليه رايح جاي كوميدي بقت الاسره كلها تنزل
وسينما الشباب والسينما النظيفه اللي كلهم بيقولك مفيش سينما نظيفه
فعلا والله سبحان الله
وفخورين اوي ان مفيش حاجه اسمها السينما النظيفه
اذا الموضوع تحس انه ليه خط كده ماشييين عليه
مين اللي بيخططله الله اعلم
ليه بيعملوا كده
بردو الله اعلم
ماهم بيمثلوا مسلسلات وافلام عاديه
ليه يابنتي بتقلعي
بردو مش عارف
حتاخدي فلوس اكتر؟؟؟؟؟؟؟
مانتي معاكي اصلا ده غير اللي مع جوزك
ناقص ايه
متعرفش
فلما غاده عادل تعمل دور فتاه ليل والجمهور يتقبلها
حتقلع المره الجايه والجمهور ينتقدها
المره اللي بعدها حنقول ايه
عاااااااااااااااااااااااا ااااااااااااادي
علي رأي عادل امام
ايه موضه القلع اللي ماشيه في البلد اليومين دول
ربنا يتولانا برحمته
gradual accomodation
أنا ماسمعتش الفيلم علشان مش فاضي
وحتى لو سمعته...بس المبدأ إنك تقدم جرعات صغيرة من السم(الجرعة لوحدها غير كافية للقتل)
لكن تأثيرها تراكمي
على فكرة
خالد يوسف من الشخصيات إلي بتجيبلي تسلخات نفسية
طبعا السينما والمسلسلات من اكبر الاسباب الي زياده الرزيله والانحراف
والمعلم والاكبر لصفحات الحوادث في الجرائد من
سرقه الي اغتصاب
الي الجزء الاكبر وهو الخيانه الزوجيه
مما يؤدي في النهايه الي اعدام الزوجه وصديقها
او الي هروب البنات من اهلها ومصيرها الشارع كله مقتبس من السينما والمسلسلات ليس السينما فقط
لكن تعليق اخير
وهو ان الجيل الحالي بافلامه
وحتي الممثلين علي مستوي حياتهم الشخصيه
افضل من جيل السبعينات 100000 مره
ولو الاخوه كبار السن في المنتدي اكيد ها يعرفو افلام السبعينات
والكل اشترك فيها بلا استثناء
لددرجه ممثلين كنا نحسبهم علي خلق
وفي الاخر طلعو بزرميط
على فكره انا دخلت الفيلم و فعلا غاده عادل مش طالعه بالمنظر اللي جه في الاعلان طول الفيلم
و هي طالعه اصلا بتمثل دور فتاه ليل يعني هي بتمثل في الفيلم انها بتمثل دور فتاه ليل
و هتطلع مرات احمد السقا و احمد السقا مش هيطلع شيخ زي ماهو طالع ده بيمثل انه شيخ
و هيطلع انه هو و غاده عادل بيمثلوا على خالد صالح
و بصراحه الاعلان غير الفيلم خاااااااااااااااااااااالص
و هو فعلا فيلم كوميدي من الدرجه الاولى
صلوا على النبي بقى
استاذ احمد كمال
حضرتك فهمتني خالص
انا تعليقي كان على ان الفيلم ده مش مستاهل الكلام ده كله
انما فيلم زي بون سواريه يستحق ان احنا نتكلم عليه واكتر من كده
و صلي على النبي تاني عشان متضايقش نفسك
الى ادارة المنتدى :
هو المنتدى بقا بيعمل دعاية للافلام ولا ايه ؟
السلام عليكم
بالنسبه للفيلم انا شايف انه مش جامد كان ممكن يبقي حلو لو انتهه بمشهد خالد صالح في المقابر بعد لما اعةقد ان السقا مات لكن بقيه الفيلم حسستني انه اي كلام
النقطه التانيه بالنسبه للاخوه الاعضاء كل واحد له راي يحترم وبلاش نتصيد لبعض الاخطاء وهدوا اللعب شويه
اولا انا مشفتش الفيلم و مش ناوي اشوفه لاني مش من محبي الافلام العربي
ثانيا بسم الله ما شاء الله الموضوع فيه 27 مشاركه منهم مثلا مشاركتين او ثلاثه مع صاحب الموضوع و 24 مشاركه ضد الفيلم و ضد السينما و ضد الابتذال و السفه
طب سؤال امال مين اللي بيخش الافلام دي يعني بالنسبة اللي انا شايفها دي حوالي 88% ضد الافلام دي و مع ذلك الافلام دي بتحقق ملايين يعني هما ال 12% هما اللي بيدخلوا الملايين دي و للأسف بعض الاخوة المعارضين بشدة للفيلم بيجاهروا بحاجه تانيه حرام و هي التدخين مثلا
و البعض التاني دخل غادة عبد الرازق في الموضوع و اتهمها انها ساقطة و اغتابها و اخدت حسنات علي حسابه و البعض بيقول ان الفيلم اخراج خالد يوسف يعني مشافشي الفيلم و مش عارف مخرجه
يا اخوانا ربنا سبحانه و تعالي بيقول بسم الله الرحمن الرحيم (( ما يلفظ من قول الا لديه رقيب عتيد )) صدق الله العظيم و اعتقد و الله اعلم ان الكتابه علي الكيبورد من انواع القول
ياريت قبل ما نهاجم حد و نستهزأ بحد او نسخر من حد ياريت نحط نفسنا مكانه و ياريت كمان نقرا اللي كتبناه و نوجه لنفسنا و نشوف هنتقبله و لا لأ مراعاة لشعور بعض ياريت كل واحد يستهدي بالله و يقرأ الكلام اللي هو كتبه بتمعن شوية و يشوف لو حد قاله كدة هيزعل و لا لأ
حتي النصيحه ياريت تبقي بأسلوب تاني بدل من الهجوم و الاستهزاء و السخريه لان الاسلوب دة دايما بيجيب نتيجه عكسية دة بفرض ان اللي بينصح بينصح لوجهه الله مش بينصح علشان الناس تصقفله او تقف في صفه يعني بفرض ان النصيحه لوجه الله و ياريت كمان لو تكون نصيحه برساله خاصة علشان منجرحشي شعور حد
اتمني محدش يزعل مني و ياريت تتقبلوا كلامي بصدر رحب
أنا ماقولتش إن خالد يوسف هوا المخرج..أنا قولت مش بحب خالد يوسف والافلام الي من النوعية بتاعت أفلامهاقتباس:
و البعض التاني دخل غادة عبد الرازق في الموضوع و اتهمها انها ساقطة و اغتابها و اخدت حسنات علي حسابه و البعض بيقول ان الفيلم اخراج خالد يوسف يعني مشافشي الفيلم و مش عارف مخرجه
وحاجة تانية
تفتكر إننا لما نقول على فلانة الفلانية الممثلة ..إنها ساقطة
نكون إغتبناها؟؟؟
الفاسق المجاهر بالفسق .. لاغيبة عليه
والله أعلم..انا مش بفتي
أنا قرأت في الموضوع ده
يعني حرامنقول إن فلانة دي تييييتتتتتتتتتتت
لا
فلانة دي تييييييتتتت تييييييييتتتت وكل التيت الي في الدنيا
انا يوم الاجازه مش بحب أدخل سينما
بروح الصحرا اركب جمل .............
موضوع الجمل لسه معلق مع الناس ولا إيه!!!
ماتخافوش
بكره البنزين يغلى وقطع غيار السيارت تبقا 500%
وساعتها كلنا هنركب جمال
وإلي ماعاهوش تمن الجمل(إلي بالمناسبة حيوان أليف يرعى في الصحرا)
ممكن يجيب حمار صيني بالتقسيط
صباح الفل يادكتور
وياتري بقي ساعتها نايل موتورز حيبقي اسمه ايه
nilecamels
ومفيش جمال ياباني ؟؟؟
يعني القسم بتاعنا حيتقفل خلاص
لا عاوزين نشوف صرفه بقي
ونعمل الصيانه بتاعتنا في نزله السمان بدل الحرفييين
وندخل بقي علي مواضيع البيع والشراء تلاقي واحد عامل اعلان
فرصه للبيع
سنم عربي اصيل سعه تخزين حتي 15 لتر برسيم
يصلح لجميع الجمال
استخدام طبيب
هههههههههههههههههههه
ده الموضوع حيبقي لوز اللوز
صباح الصباح
إنت إيه الي مصحيك لحد دلوقتي
كلام في سرك..أنا بقيت خايف أصحى الصبح على خبر إسود من الأخبار إلي إنت عارفها
خايف زي ماعملوا ضريبة على السكن ,, وضريبة على الجواز,,,وضريبة على كل حاجة
خايفة يعملوا ضريبة على المشي في الشارع
يعني وإنت ماشي على رجليك
يقابلك ظابط المرور ..يقولك جددت رخصت مشيك في الشارع ودفعت الضريبة؟؟؟ولاا سحب منك الــ .......... لحد ماتجدد وتدفع الضريبة؟
ههههههههههههههههههههههههه ههه
لا متخافش الستات حتجبلنا حقنا
خد اتفرج واضحك
YouTube - ‫ظ…ظ…طھط§ط² ط§ظ„ظ‚ط· ظ…ط¹ ظ…ط¹طھط² ط§ظ„ط¯ظ…ط±ط¯ط§ط´‬‎
الله اعلم برضة و ممكن نسأل في الموضوع دة لان حرام اوي لما تكسب حسنات علي حسابنا من غير لازمه و هي متستاهلهاش
صدقني السخريه و الاستهزاء من شخص من ورا الكيبورد مفيش اسهل منها علشان كدة مش من طبعي و انا متأسف جدا ليك اني محبتش انها تكسب حسنات علي حسابك
لا غيبة لفاسق مجاهر بالفسق ...... دي واحدة بتعلن و تجهر و تصر على الفسق .... يعني مالهاش عرض اصلا عشان يبقى ليها حق عند اي حد
تسمية الاشياء باسماءها مش شتيمة و لا غيبة
يعني اما اقول على رقاصة انها رقاصة و عريانة و سافلة ...... انا ما قلتش حاجة اخد بيها ذنب و لا هي تاخد بيها حسنة مني