-
غطا اللوجان طلع مأزعر :)
السلام عليكم يا شباب
ربنا يسيرلي و رخصت اللوجان الحمد لله و اتظبت في المرور (طبعا اتظبت اقصد بيها اتقلبت......اية الفساد دة ...)
ما فيش حاجة ماشية من غير رشوة.......كل الناس عايزة تقلبك في اي حاجة عشان جبت عربية جديدة
انا مش معفن و لا بخيل .......بس اية اللي بيحصل دة
ابن خالتي قاللي كلمة و احدة بس : ( اهلا بيك في الكلوب ):120105~352:
المهم ......اتقلبت اصلي و ما عرفتش اجيب اي حاجة للعروسة.....بس صممت اجيب غطاء عشان صعبت عليا قي البرد الحر اللي احنا فيه
رحت جبت كفر ووتربرووف من كارفور متبطن من جوة تحفة.... تمنه 207 جنية ارخص و احسن من بتاع توب كفر مع احترامي للجميع
فية سوستة للشنطة و باب السواق و مكان للمرايات.......مزييييكا
خامة نضيفة جدا و اخر دلع :36_1_58[1]:
جيت اركبة طلع حلو من قدام بس مأزعر عليها من ورا:hlopaet_prv:.....بالكاد مغطى النمر
عامل زي بنت لابسة ميكروجيب:1aa:
المقاس بتاعة كان Medium بس للاسف مافيش large
بصراحة صعبان عليا ....بس غالبا هارجعه
حدش (خد بالك من حدش دي) يعرف حاجة كويسة و روخيصة كدة
قريبا اقلكم مغامراتي اليومية مع اللوجي
-
الف مبروك ربنا يباركلك فيها وتتربى فى عزك
-
انا ماعنديش غطاء ليها بس غطاء اللوجان نفس المقاس بتاع الشاهين
و الف مبروك و ربنا يباركلك فيها
-
عندى الغطاء برضو يادوب على النمر ورا
ده بسبب ارتفاع السقف والشنطه
-
في التوفيقية بـ 110 في سوستة لباب السائق و مكان للمرايات و مافيش سوستة للشنطة
بس تحفة و مبطن من جوة
-
مبروك يا باشا ربنا يديك خيرها ويكفيك شرها
اهلا بيك فى الكلوب
-
بس نصيحه للغالي اكتب عليها رقم العربيه بخط كبير احسن اخوك جاب للوجي غطاء محترم و مالحقتشي تتهنا بيه و هلبوه من عليها في عز البرد و سبوها تتكتك من السقعه .
-
يا باشا وليه التعب بس
الغطا موجود في التوكيل ب 175 جنيه ووتر بروف خفيف ومن النوع الحلو اللي وزنه كله ميعديش كيلو
ومكتوب عليه رينو ومعاه شنطة صفرا مطبوع عليها رينو
نسخة طبق الاصل من الللي جابهولنا من سنة أستاذ هاني Chato eg
-
انا جبت بتاع السيراتو من الوكالة ب 140 جنية بس مش وتر بروف هوة قماش خيم تقيل بس حلو قوى و مغطي العربية كلها و مبروووووووووووووووووووووو وووك ياسيدي
-
ياباشا رجعه خساره تدفع 200 جنيه فى حاجه مش على مقاسها
انا جبت واحد من مهمول من قماش لبس الجيش بتاع بيجو 504 وطلع صغير عليها برده ونص الباب كان عريان وب 60 جنيه
رجعته وجبت بتاع المرسيدس ب 90 جنيه بس مقاسه تمام وطويل سنه صغيره بس مظبوط من العرض ومغطى العربيه من الاكصدام للاكصدام والنمر متغطيه ( العربيه فعلا طلعت كبيره رغم انه مش باين عليها )ده غير انه بيستحمل ولو اتقطع وممكن يترقع ويتصلح
لو انت بتنزل اسكندريه زراعى وممكن تعدى على دمنهور فى سكتك تقابلنى واجيبلك واحد
Content Relevant URLs by
vBSEO 3.6.0 PL2