غطا اللوجان طلع مأزعر :)

**AIRSUPPLY13** · 19-12-2010 03:59 PM

السلام عليكم يا شباب

ربنا يسيرلي و رخصت اللوجان الحمد لله و اتظبت في المرور (طبعا اتظبت اقصد بيها اتقلبت......اية الفساد دة ...)
ما فيش حاجة ماشية من غير رشوة.......كل الناس عايزة تقلبك في اي حاجة عشان جبت عربية جديدة

انا مش معفن و لا بخيل .......بس اية اللي بيحصل دة

ابن خالتي قاللي كلمة و احدة بس : ( اهلا بيك في الكلوب )

المهم ......اتقلبت اصلي و ما عرفتش اجيب اي حاجة للعروسة.....بس صممت اجيب غطاء عشان صعبت عليا قي البرد الحر اللي احنا فيه

رحت جبت كفر ووتربرووف من كارفور متبطن من جوة تحفة.... تمنه 207 جنية ارخص و احسن من بتاع توب كفر مع احترامي للجميع
فية سوستة للشنطة و باب السواق و مكان للمرايات.......مزييييكا
خامة نضيفة جدا و اخر دلع

جيت اركبة طلع حلو من قدام بس مأزعر عليها من ورا.....بالكاد مغطى النمر
عامل زي بنت لابسة ميكروجيب

المقاس بتاعة كان Medium بس للاسف مافيش large

بصراحة صعبان عليا ....بس غالبا هارجعه

حدش (خد بالك من حدش دي) يعرف حاجة كويسة و روخيصة كدة

قريبا اقلكم مغامراتي اليومية مع اللوجي

**ahmedabotalb33** · 19-12-2010 05:37 PM

الف مبروك ربنا يباركلك فيها وتتربى فى عزك

**Dr.Karim Emam** · 19-12-2010 06:46 PM

انا ماعنديش غطاء ليها بس غطاء اللوجان نفس المقاس بتاع الشاهين
و الف مبروك و ربنا يباركلك فيها

**Super_Star_h** · 19-12-2010 06:51 PM

عندى الغطاء برضو يادوب على النمر ورا
ده بسبب ارتفاع السقف والشنطه

**أشرف العدوي** · 19-12-2010 06:52 PM

في التوفيقية بـ 110 في سوستة لباب السائق و مكان للمرايات و مافيش سوستة للشنطة
بس تحفة و مبطن من جوة

**frhateg** · 19-12-2010 07:48 PM

بس نصيحه للغالي اكتب عليها رقم العربيه بخط كبير احسن اخوك جاب للوجي غطاء محترم و مالحقتشي تتهنا بيه و هلبوه من عليها في عز البرد و سبوها تتكتك من السقعه .

**Ahmed A Rahman** · 19-12-2010 07:50 PM

يا باشا وليه التعب بس

الغطا موجود في التوكيل ب 175 جنيه ووتر بروف خفيف ومن النوع الحلو اللي وزنه كله ميعديش كيلو

ومكتوب عليه رينو ومعاه شنطة صفرا مطبوع عليها رينو

نسخة طبق الاصل من الللي جابهولنا من سنة أستاذ هاني Chato eg

**MOUSTAFA_SAAD** · 20-12-2010 07:38 AM

ياباشا رجعه خساره تدفع 200 جنيه فى حاجه مش على مقاسها
انا جبت واحد من مهمول من قماش لبس الجيش بتاع بيجو 504 وطلع صغير عليها برده ونص الباب كان عريان وب 60 جنيه
رجعته وجبت بتاع المرسيدس ب 90 جنيه بس مقاسه تمام وطويل سنه صغيره بس مظبوط من العرض ومغطى العربيه من الاكصدام للاكصدام والنمر متغطيه ( العربيه فعلا طلعت كبيره رغم انه مش باين عليها )ده غير انه بيستحمل ولو اتقطع وممكن يترقع ويتصلح
لو انت بتنزل اسكندريه زراعى وممكن تعدى على دمنهور فى سكتك تقابلنى واجيبلك واحد

-

الموضوع: غطا اللوجان طلع مأزعر :)

LinkBack

أدوات الموضوع

عرض

-

-

-

-

-

-

المواضيع المتشابهه

طلب من رجالة اللوجان اجيب جرايد شبكه سقف اللوجان منين

باركولي يا وحوش اللوجان استلمت اللوجان امبارح ودي ملاحظاتي عليها

مرايا اللوجان المغربى الكهربا تشبه اللوجان الرومانى موديل 2010

مرايا اللوجان سبب رئيسى لعدم شراء اللوجان

اللوجان مش بتعوم يا جماعة (موضوع هام لملاك و محبي اللوجان)

الكلمات الدلالية لهذا الموضوع

المفضلات

المفضلات

ضوابط المشاركة