أي الانواع افضل ........ واشتريه منين؟؟؟

**aiman0173** · 19-12-2010 11:44 PM

بس حضرتك هو الووتر بروف احسن لأن غالبية الاغطية القماش بتجرح بوية العربية خاصة الميتالك

وممكن حضرتك تشترية من التوفيقية وكان احسن سعر (في شهر ابريل الماضي) عند واحد اسمه شرف بداخل المول اللي هناك وعلى فكرة دا بيستورد الحاجات باسمة من الصين المهم سعر الغطاء كان 100 جنيه والمقاس large وخلي بالك ان في نوعين خفيف وتقيل فهات التقيل احسن

**AbuHusam** · 20-12-2010 02:28 AM

[mark=#f5f3c4]كلام الزملاء مظبوط جدا.. الووتر بروف أفضل كتير.. وسعره في التوفيقية أرخص.. ومش محتاج تاخد العربية معاك لأن المقاسات ثابتة والصني بتحتاج مقاس Large وهما عارفين مقاسها..
ملاحظة أخيرة بالنسبة للاختيار بين النوعين الخفيف والثقيل.. عن تجربة: الثقيل مفيد جدا في حماية العربية لأنه بيعزلها تماماً عن التراب والهواء والمطر والحرارة كمان..ولكن الكلام ده لفترة .. بعدها بيبتدي يشقق ويبقى فيه فراغات رفيعة قوي ما تلاحظهاش بسهولة لكن بتظهر لو رفعت الغطاء في الشمس أو أي إضاءة.. وعيبها إنها بتسرب التراب.. دلوقتي بابقى مغطي العربية وبالاقي عليها تراب..
الكلام ده حصل معايا بعد 10 شهور استخدام.. مع ملاحظة إن يمكن يكون السبب هو إني باغسل الغطا كل فترة تقريباً كل شهرين أو ثلاثة.. واحتمال يكون استخدام الصابون أو مسحوق الغسيل هو السبب في التشققات.. لأن التشققات دي بدأت تظهر بعد آخر غسلتين.. وهما اللي استعملت فيهم الصابون مرة والمسحوق مرة.. كنت باخد الغطا معايا البيت وانقعه في البانيو وبعدين أفتح عليه الميه وبرضه كان بيفضل فيه بعض البقع ومناطق فيها تراب.. فاضطريت استخدم الصابون والمسحوق.. يمكن لو ينفع يتغسل في المحطة أو في الجراج وهو مفرود على العربية ما كانش يشقق.. مش عارف.. يمكن حد من الزملاء يفيدنا في هذه المسألة
أنا كنت فضلت التقيل علشان ما بيطيرش من على العربية وكمان متين جدا ومش سهل يتقطع..
الحقيقة ما جربتش الغطاء الخفيف لكن موضوع الأستك ده حل ممتاز وكنت عامله في العربية القديمة مع الغطا القماش والحقيقة ماكنتش عارف إنه ينفع يركب للغطا ده كمان.. لأن ده العيب الأساسي في الغطا الخفيف وهو إنه بيطير من على العربية حتى لو قفلت عليه الأبواب بيترفع من الجوانب ويتكوم فوق السقف.. فموضوع الأستك ده لو بيضمن إنه ما يطيرش يبقى شيء جميل..
ولو بيحمي تماما من التراب والمطر والحرارة أظن يبقى هو أفضل.. خصوصاً إن التاني التقيل وزنه وحجمه مشكلة وبياخد مساحة في الشنطة لكن الخفيف أعتقد أسهل في التعامل معاه.. لكن ما اعرفش هل بيتحمل ولا بيتقطع بسهولة علشان خامته خفيفة؟
ياريت اللي بيستخدموه يفيدونا علشان نقدر نقارن..[/mark]

**SonaSteel** · 20-12-2010 02:37 PM

المشاركة الأصلية كتبت بواسطة abuhusam

[mark=#f5f3c4]كلام الزملاء مظبوط جدا.. الووتر بروف أفضل كتير.. وسعره في التوفيقية أرخص.. ومش محتاج تاخد العربية معاك لأن المقاسات ثابتة والصني بتحتاج مقاس large وهما عارفين مقاسها..
ملاحظة أخيرة بالنسبة للاختيار بين النوعين الخفيف والثقيل.. عن تجربة: الثقيل مفيد جدا في حماية العربية لأنه بيعزلها تماماً عن التراب والهواء والمطر والحرارة كمان..ولكن الكلام ده لفترة .. بعدها بيبتدي يشقق ويبقى فيه فراغات رفيعة قوي ما تلاحظهاش بسهولة لكن بتظهر لو رفعت الغطاء في الشمس أو أي إضاءة.. وعيبها إنها بتسرب التراب.. دلوقتي بابقى مغطي العربية وبالاقي عليها تراب..
الكلام ده حصل معايا بعد 10 شهور استخدام.. مع ملاحظة إن يمكن يكون السبب هو إني باغسل الغطا كل فترة تقريباً كل شهرين أو ثلاثة.. واحتمال يكون استخدام الصابون أو مسحوق الغسيل هو السبب في التشققات.. لأن التشققات دي بدأت تظهر بعد آخر غسلتين.. وهما اللي استعملت فيهم الصابون مرة والمسحوق مرة.. كنت باخد الغطا معايا البيت وانقعه في البانيو وبعدين أفتح عليه الميه وبرضه كان بيفضل فيه بعض البقع ومناطق فيها تراب.. فاضطريت استخدم الصابون والمسحوق.. يمكن لو ينفع يتغسل في المحطة أو في الجراج وهو مفرود على العربية ما كانش يشقق.. مش عارف.. يمكن حد من الزملاء يفيدنا في هذه المسألة
أنا كنت فضلت التقيل علشان ما بيطيرش من على العربية وكمان متين جدا ومش سهل يتقطع..
الحقيقة ما جربتش الغطاء الخفيف لكن موضوع الأستك ده حل ممتاز وكنت عامله في العربية القديمة مع الغطا القماش والحقيقة ماكنتش عارف إنه ينفع يركب للغطا ده كمان.. لأن ده العيب الأساسي في الغطا الخفيف وهو إنه بيطير من على العربية حتى لو قفلت عليه الأبواب بيترفع من الجوانب ويتكوم فوق السقف.. فموضوع الأستك ده لو بيضمن إنه ما يطيرش يبقى شيء جميل..
ولو بيحمي تماما من التراب والمطر والحرارة أظن يبقى هو أفضل.. خصوصاً إن التاني التقيل وزنه وحجمه مشكلة وبياخد مساحة في الشنطة لكن الخفيف أعتقد أسهل في التعامل معاه.. لكن ما اعرفش هل بيتحمل ولا بيتقطع بسهولة علشان خامته خفيفة؟
ياريت اللي بيستخدموه يفيدونا علشان نقدر نقارن..[/mark]

الف الف الف شكر لرد حضرتك الوافي ده .......... خلاص كده ان شاء الله ها جيب الوتر برووف ... دلوقتي مستني رد الاعضاء ان شاء الله اللي جربوا الخفيف منه
انا بس مش عايز ابن حلال انزل الاقيه مخططلي العربية بمسمار ولا موس ولا حاجة
حسبي الله ونعم الوكيل

**AbuHusam** · 20-12-2010 03:45 PM

المشاركة الأصلية كتبت بواسطة sonasteel

الف الف الف شكر لرد حضرتك الوافي ده .......... خلاص كده ان شاء الله ها جيب الوتر برووف ... دلوقتي مستني رد الاعضاء ان شاء الله اللي جربوا الخفيف منه
انا بس مش عايز ابن حلال انزل الاقيه مخططلي العربية بمسمار ولا موس ولا حاجة
حسبي الله ونعم الوكيل

[mark=#fcfad3]أولاً لا شكر على واجب.. وده الطبيعي في قسم النيسان
ثانياً.. كنت بتسأل على التوفيقية.. مكانها في شارع رمسيس أمام سنترال رمسيس.. وأسهل طريق إليها هو المترو.. لأن صعب جدا بل مستحيل تلاقي مكان للعربية هناك.. وهي بين محطتي الإسعاف وأحمد عرابي على خط حلوان المرج
وربنا يسترها معاك ويحمي العربية من أصحاب المسامير والأهم من أصحاب النفوس الضعيفة.. ونصيحة أخيرة لو كنت في منطقة شعبية يبقى تركنها في جراج أفضل كتير من الشارع.. أأمن بل وأرخص أيضاً
وانا منتظر معاك ردود من لديهم الغطاء الخفيف أو اللي جربوا الاثنين ليفيدونا أكثر..
تحياتي

[/mark]

**SonaSteel** · 20-12-2010 02:35 PM

المشاركة الأصلية كتبت بواسطة aiman0173

بس حضرتك هو الووتر بروف احسن لأن غالبية الاغطية القماش بتجرح بوية العربية خاصة الميتالك

وممكن حضرتك تشترية من التوفيقية وكان احسن سعر (في شهر ابريل الماضي) عند واحد اسمه شرف بداخل المول اللي هناك وعلى فكرة دا بيستورد الحاجات باسمة من الصين المهم سعر الغطاء كان 100 جنيه والمقاس large وخلي بالك ان في نوعين خفيف وتقيل فهات التقيل احسن

شاكر لمرورك ..... هو ال100 جنيه ده كان سعر الخفيف ولا التقيل ...... والتقيل يعمله كام تقريبا دلوقتي
اسف سؤال اخير ........ هي التوفيقيه ديه فين بالظبط ؟؟؟