السلام عليكم
حبايبي في الله
انا كنت عايز اشتري غطاء للصني ...... ايهم افضل (القماش - المشمعwater proof)
وايه اقرب مكان ويكون سعرهم كويس .......... مستني ردودكم ان شاء الله
بس متتأجروش عليا علشان العربية سقعانه .......... ههههههه:Oc_sun1[1]:
عرض للطباعة
السلام عليكم
حبايبي في الله
انا كنت عايز اشتري غطاء للصني ...... ايهم افضل (القماش - المشمعwater proof)
وايه اقرب مكان ويكون سعرهم كويس .......... مستني ردودكم ان شاء الله
بس متتأجروش عليا علشان العربية سقعانه .......... ههههههه:Oc_sun1[1]:
اشتري الووتر بروف المبطن و هو ثمنه بيعمل في حدود 170 جنيه فيما اقل و ده هيبقي افضل عشان الشتاء و مطره
خد العربية معاك افضل و تقيسه عليها كمان عشان متجيبهوش قصير و يكون مشدود
الحاجه التانية بعد ما تجيبه لو مفيهوش استيك .. يبقي تشتري حبل غسيل و يكون لونه ازرق زي اللي عندي :) حوالي 15 متر و تروح عند اي سروجي يلفلك الحبل من طرف الغطاء من الداخل علشان لما تغطي العربية تقوم شادد الحبل بيمسك الغطا كويس علي العربية و ميطيرش من عليها
طيب لو ملقتش الحبل لونه ....... ازرق ؟؟ اعمل ايه دبروووووووووني .........ههههه
اجيبه اخضر وارشه من بره ههههههه
الف شكر ا/بيشوي ...... ان شاء الله هحاول اخد العربية معايا ان شاء الله
الغطاء سعرة 130 جنيه او اقل ووتر بروف
بس حضرتك هو الووتر بروف احسن لأن غالبية الاغطية القماش بتجرح بوية العربية خاصة الميتالك
وممكن حضرتك تشترية من التوفيقية وكان احسن سعر (في شهر ابريل الماضي) عند واحد اسمه شرف بداخل المول اللي هناك وعلى فكرة دا بيستورد الحاجات باسمة من الصين المهم سعر الغطاء كان 100 جنيه والمقاس large وخلي بالك ان في نوعين خفيف وتقيل فهات التقيل احسن
[mark=#f5f3c4]كلام الزملاء مظبوط جدا.. الووتر بروف أفضل كتير.. وسعره في التوفيقية أرخص.. ومش محتاج تاخد العربية معاك لأن المقاسات ثابتة والصني بتحتاج مقاس Large وهما عارفين مقاسها..
ملاحظة أخيرة بالنسبة للاختيار بين النوعين الخفيف والثقيل.. عن تجربة: الثقيل مفيد جدا في حماية العربية لأنه بيعزلها تماماً عن التراب والهواء والمطر والحرارة كمان..ولكن الكلام ده لفترة .. بعدها بيبتدي يشقق ويبقى فيه فراغات رفيعة قوي ما تلاحظهاش بسهولة لكن بتظهر لو رفعت الغطاء في الشمس أو أي إضاءة.. وعيبها إنها بتسرب التراب.. دلوقتي بابقى مغطي العربية وبالاقي عليها تراب..
الكلام ده حصل معايا بعد 10 شهور استخدام.. مع ملاحظة إن يمكن يكون السبب هو إني باغسل الغطا كل فترة تقريباً كل شهرين أو ثلاثة.. واحتمال يكون استخدام الصابون أو مسحوق الغسيل هو السبب في التشققات.. لأن التشققات دي بدأت تظهر بعد آخر غسلتين.. وهما اللي استعملت فيهم الصابون مرة والمسحوق مرة.. كنت باخد الغطا معايا البيت وانقعه في البانيو وبعدين أفتح عليه الميه وبرضه كان بيفضل فيه بعض البقع ومناطق فيها تراب.. فاضطريت استخدم الصابون والمسحوق.. يمكن لو ينفع يتغسل في المحطة أو في الجراج وهو مفرود على العربية ما كانش يشقق.. مش عارف.. يمكن حد من الزملاء يفيدنا في هذه المسألة
أنا كنت فضلت التقيل علشان ما بيطيرش من على العربية وكمان متين جدا ومش سهل يتقطع..
الحقيقة ما جربتش الغطاء الخفيف لكن موضوع الأستك ده حل ممتاز وكنت عامله في العربية القديمة مع الغطا القماش والحقيقة ماكنتش عارف إنه ينفع يركب للغطا ده كمان.. لأن ده العيب الأساسي في الغطا الخفيف وهو إنه بيطير من على العربية حتى لو قفلت عليه الأبواب بيترفع من الجوانب ويتكوم فوق السقف.. فموضوع الأستك ده لو بيضمن إنه ما يطيرش يبقى شيء جميل..
ولو بيحمي تماما من التراب والمطر والحرارة أظن يبقى هو أفضل.. خصوصاً إن التاني التقيل وزنه وحجمه مشكلة وبياخد مساحة في الشنطة لكن الخفيف أعتقد أسهل في التعامل معاه.. لكن ما اعرفش هل بيتحمل ولا بيتقطع بسهولة علشان خامته خفيفة؟
ياريت اللي بيستخدموه يفيدونا علشان نقدر نقارن..[/mark]
[mark=#fcfad3]أولاً لا شكر على واجب.. وده الطبيعي في قسم النيسان
ثانياً.. كنت بتسأل على التوفيقية.. مكانها في شارع رمسيس أمام سنترال رمسيس.. وأسهل طريق إليها هو المترو.. لأن صعب جدا بل مستحيل تلاقي مكان للعربية هناك.. وهي بين محطتي الإسعاف وأحمد عرابي على خط حلوان المرج
وربنا يسترها معاك ويحمي العربية من أصحاب المسامير والأهم من أصحاب النفوس الضعيفة.. ونصيحة أخيرة لو كنت في منطقة شعبية يبقى تركنها في جراج أفضل كتير من الشارع.. أأمن بل وأرخص أيضاً
وانا منتظر معاك ردود من لديهم الغطاء الخفيف أو اللي جربوا الاثنين ليفيدونا أكثر..
تحياتي
[/mark]
معلش انا عايز أوضح نقطة بالنسبة للخفيف
فيه خفيف قوي زي اللي بيجي هدايا مع العربيات ودا على فكرة مش بيبقى متبطن وهو دا اللي معي كنت واخده مع العربية من السبع وبصراحة هو مشكلة لو فيه هوا وانا ما برشحوش خالص وعلى فكرة انا من يوم ما جيبت العربية استخدمته حوالي 7 أو 8 مرات لأن العربية الحمد لله ليها جراج مقفول عليها وان كان دا مبيمنعش التراب
فيه بقى في النوع اللي مبطن نوعين واحد خفيف وواحد تقيل وللأسف ما بتفرقهمش الا لما تشيل الاثنين مع بعض وعموما دا كويس مش وحش ويعتبرخير الامور الوسط وهو دا اللي كان عند شرف ب 100 جنيه وكان بيتباع في شارع دمشق ب 130 جنيه والتقيل كان ب 150
بالنسبة للتوفيقية زي ما قال الزملاء وممكن تركب المترو وتنزل محظة جمال عبد الناصر هتوصلها بسهولة
[mark=#faf2be][justify]هل مشكلته بس إنه بيطير مع الهواء؟ لو كدة يبقى يتعمله أستك أو حبل يتشد منه على العربية..
ولا كونه مش متبطن فده بيخليه أقل حماية للعربية يعني مش عملي مع المطر والحرارة ؟[/justify][/mark]
لأ المشكلة الاساسية لو فيه هوا وانت جاي تغطي العربية على ما تغطي ورا يكون وقع من قدام وعلى ما تغطي قدام يكون وقع من ورا فبتحتاج واحد تاني معاك
أنا مش هكذبك عليك انا اكتفيت بيه معي لأن العربية موجودة في جراج مقفول وبستخدمه بس لما بسافر البلد علشان احمي العربية اساسا من مخلفات العصافير