خبير: توقعات بتراجع أسعار السيارات الكورية واليابانية بمصر في 2011

**amir** · 27-12-2010 05:12 PM

المشاركة الأصلية كتبت بواسطة ahmed nouh

ايه الهدف يعنى !!

اهداف كتير

اولا: اغرائك بشراء العربيات الموديل القديم هربا من ارتفاع السعر في الموديل الاجدد و ده بيتيح ليهم الخلاص من استوكات العربيات الموجوده و بأسعار زيها زي متوسط السعر العادي ليها

ثانيا: تهييئه الجو العام للمستهلكين ان في انخفاض اسعار فاللي كان مستني الاسعار تنزل علشان يشتري يبادر بالشراء مع بدايه تطبيق التخفيض الجمركي يتجه فعلا للشراء

ثالثا: خبر زي خبر تخفيض التعريفه الجمركيه بيدفع فئه من الناس انها تحجم عن شراء المستعمل و الاتجاه للزيرو و ده بيصب في مصلحه الموزع و المستورد , ده غير ان التخفيض المزعوم ده بيعمل ضغط علي اسعار المستعمل بالنسبه للبائعين, عن طريق اقناع جمهور المشترين ان البائعين سعرهم عالي لانه المفروض ينزل, و ده واقعيا مش الوضع الحقيقي الا انه بيدفع ناس كتير انها تفضل الزيرو

رابعا: اقناع الزبون ان الاسعار الجديده مطبق عليها نسب الخصم و التخفيض, و ده بيخليه يتقبل السعر المعروض للعربيه بغض النظر ان السعر ده مرتفع عن العام الماضي نتيجه سياسه رفع الاسعار طول العام و مع بدايه كل عام دون اضافه حقيقيه للعربيه ( و علي سبيل المثال فالميتسوبيشي لانسر اقوي مثال في النقطه دي), فالزبون يكون مقتنع ان السعر المعروضه بيه العربيه للبيع هو ده السعر بعد التخفيض

و اخيرا

كل ما هو متبع عامل زي صيد الاسود للتيران

الاسود بتهجم علي القطيع و تطوحه يمين و شمال

اللي بيقع في اي وقت فهو مكسب و صيد ثمين

انما في ارض الواقع تقريبا نسبه كبيره بتقع في الفخ ده و نسبه قليله بتكون فاهمه ايه اللي بيحصل

**amir** · 27-12-2010 05:36 PM

المشاركة الأصلية كتبت بواسطة ahmed nouh

طيب ما المفروض لو ده السبب وراء تصريحاتهم دى يبقوا صباح العتة

لان اعلانهم ان الاسعار هتنخفض هيحجم الناس عن الشراء املا فى التخفيض ومحدش هيجيب موديل السنة اللى كسر السنة الجديدة ولا هيستعجل على الشراء

بكدا هما بيفرقعوا تصريحات مش فى مصلحتهم بيزنيسيا ، مش كدا ولا ايه ؟

وعلشان كدا برده لازال السر مش معروف ورا التصريحات دى

متنساش ان قبل تخفيض الجمارك علي مواتير ال 1600 زمان (اللي ادي لانتشارها و اكتساحها السوق بالكامل) سبقه التأكيد علي عدم تقليل الضريبه دي و ازي ان مواتير ال 1600 وحشه و كخه

مع تصريحات الخبرا و المسؤولين صعب تعرف الحقيقه فين