الموضوع: استفسار بخصوص usb stick اتصالات

المشاركة الأصلية كتبت بواسطة amir

مدام نفسك كبير كده و بالك طويل علينا يبقي اشرح لينا اخر ما توصلت ليه اتصالات بخصوص الاتنين للمره المليون بعد الالف (نصيحه خلي العروض عندك مكتوبه في ملف وورد و تبقي انسخها في المواضيع لما واحد زيي رخم كل شويه يطلب نفس الطلب)

لأني مؤخرا شكلي هاجيب مرتبه و انام جنب باب الكليه

ربنا يسهل و الماستر يعدي علي خير و يخلص قبل ما روحي نفسها تطلع

لسه النهارده كنت هناك من صباحيه ربنا و مش لاقي ركنه كالعاده و ركنت صف تاني

و اللي كان راكن صف اول خبط العربيه عندي و هو طالع (و انا واقف اتفرج و داخل علي العربيه و اللي يضحك ان اللي كان بيطلعها من الركنه دي كان واحد تاني لأن صاحبها حديث العهد بالسواقه)و علي بال ما فهمت كده كانت عربيتي الحمد لله واخده حكه كده علي ما اثم)

بصراحه لا اتنرفزت ولا اضايقت ولا حاجه اولا انا صف تاني و المرور كلبش العربيه و قفل عليه (مش ذنبو خالص و ربنا يجازي اللي كان السبب كان مالو بس الاستيكر و شكرا!!)

و طبعا رحت لفيت لغايه ما وصلت لنمره موبيل احد الساده المتواجدين علي متن الونش

و عملت التليفون المتين علي حسابي علشان ادفع الغرامه للحكومه (وطني وطني اهو)

و الحمد لله اديني بستجمع قواي علشان عندي عياده بعد شويه و بحاول افرفش شويه

ليه الرغي ده كله؟
مش فاهم بس يمكن علشان لقيت فيكم صبر من نوع خاص

صبر الجمل

و طبعا الجمل ...........................



اوعي تقول فودافون علشان عندي ليكم usb stick modem كان مصيره اني احطه تحت رجلي و اكسره في فرع فودافون الميرغني من غلبي
طبعا كان نفسي اعمل كده بس اتكسفت
(مع احترامي التام لحضرتك طبعا انا بذم في الشركه مش في شخصك خالص)

المشاركة الأصلية كتبت بواسطة ahmed ezz

ايه عروض دة و دة ؟
انا عايز حاجة خفيفة كدة لما ابقي برة البيت كدة تصفح فقط
انهي الانسب

بصوا يا رجالة

الكارت و الخط الاتنين عروضهم واحدة

الفرق انك يا اما تدفع اشتراك الباقة الشهري بكروت او بفاتورة

مفيش اي فرق تاني

الباقات تبدا من اول 19 جنيه (110 ميجابايت) مرورا ب 49 جنيه (500 ميجا بايت) انتهاءا ب 149 جنيه (6 جيجابايت)

فيه باقات كتير في النص على فكرة بس انا مش حافظهم ..... بكرة هارد عليكم بالتفصيل

مع ملاحظة هامة جدا


الباقة لما تخلص (سواء ال 110 ميجا او ال 6 جيجا) الانترنت ما بيقطعش و حضرتك ما بتدفعش مليم زيادة بس السرعة بتقل لاول الشهر التالي