الموضوع: تويوتا كورولا & بروتون برسونا اليجانس

يا جماعة مع احترامي لكل الاراء

الزيرو لا يقارن بأي مستعمل خصوصا انكم بتتكلمو في موديل اربع سنين فاتو!!!!!!!!!!!!

انا معايا كورولا 2005 والحمد لله ممتازة

لكن لما باركب اي عربية زيرو مهما كانت ماركتها بقول الجديد جديد برضه

خصوصا لما يكون الجديد في نفس الفئة وكمان ارخص يبقى لا توجد مقارنة

نصيحتي اشتري الجديد وعليه ضمان 3 سنين مش هاتفكر في قطع غيار ولا كلام من دة بس ربنا يكفيك شر الطريق

السلام عليكم

ايه الحلاوه ده يا جماعه

خليكو معايا في النقط دي

1- توافر قطع الغيار لاني من الشرقيه

2-اسعار قطع الغيار

3-استهلاك البنزين

المشاركة الأصلية كتبت بواسطة ahmedsadek82

ممكن أفهم سبب علمي و فني يخلي الواحد يدفع 90000 في عربية منوال ادائها ضعيف جداً من ناحية stability و handling و طبعاً شكل قديم و مفيش فيها أي ميزة غير سعر إعادة البيع !! يا جماعة ياريت يكون حد جرب البروتون عامةً عشان يعرف ادائها عمل ازاي !!! ، دة غير انك بتاخد مع الاداء options حلوة و زيرو ، بلاش تحيز يا جماعة عوزين نفكر بطريقة عملية و علمية .....

المشاركة الأصلية كتبت بواسطة ahmedsadek82

يا رجل يا طيب ،،إنت محسسني إن الكرولا دي مرسيدس وحنا مش وخدين بالنا ،، ياريت تركب أي عربية بروتون و تطلع على طريق و تجيب 160 مثلاً و تديهة غرز و بعدن تنزل تركب أي كرولا و تحاول تعمل نفس الكلام و تقلي رأيك بأمانة ، ميزة الكورولا الوحيدة هي سعر إعادة البيع ،و أراهن إن مفيش ميزة تانية ! ، إذا كان الواحد مش فرق معه الموضوع دة يبقى يركب عربية مملة و غير امنة ليه !

احمد بيه

و الله انت اللى محسسنى ان البروتون هيا اللى بى ام....

بص ياباشا اولا انا عارف ان الكورولا فيها عيب فى الثبات لانى معظم مشاويرى سفر و مش بمشى اقل من 160 سرعة لكن خلينى اقولك مميزاتها بعد استخدام سنتين (سيارة الشغل) و عملت بيها اكتر من 150 الف كيلو فى المدة دى (كانت 1300 مانيوال موديل 2007) و بعدين بدلتها بلانسر بومة 1600 و بجد حاسس انى نزلت من عربية ركبت عجلة (مع كامل احترامى لملاك اللانسر) و التغيير ده تم بناء على طلب الشركة و كنت زعلان جدا (cost reduction)

1. موتور 1300 بجد احسن من اللانسر 1600
2. تكييف من افضل التكييفات فى مصر
3. عالية و مش بتحك فى اى مطب مع اى حمولة
4. هارد ووركر مووووووت و الله كنت بحملها بهاردوير تقيل جدا و بدخل مدقات فى الجبل النصف نقل لا تتحملها و ساعات كنت بعدى الالف كيلو فى اليوم لمدة اسبوع متصل و همرها ما زعلتنى.
5. تمنها فيها عند البيع (طبعا لو كانت بتاعتى )
6. يابانى

يعنى باختصار كنت بعاملها اسوء من النصف نقل و عمرها ما عملت اى حاجة تزعلنى و راجعة بعد سنتين مافيهاش اى عيوب غير الكيلومتر العالى.

ايضا الى الان انا بحلم انى امتلك العربية دى.....ادعيلى انت بسز

بعد كل ده حضرتك لسه شايفها وحشة ؟؟

المشاركة الأصلية كتبت بواسطة ahmedsadek82

ماهو أنا بقيم عند إستخدام أنا معايا بروتون بقلها 5 سنين و بركب كورلات كتير تبع الشغل ، الثبات مشكلة كبيرة غير إن ونت أعد جوها مش حاسس باي متعة تذكر ، زي مبتأول عربية أكل عيش والسلام ، أنا بقيم السيارات تقييم عنيف شوية لإنه مبني على تجربة و أسس علمية والله ، لاحظ اننا بنكران بن عربية ماشية كتير و ب-90000 ج !!!!!!! و شكلها وحش و ثبث أي كلام ،،،فيها مميزات بس مدفعش 90000 في مرجيحة ،،،، السعر حرام فعلاً على ده !!! ، إنت لو ركبت بروتون gen2 مثلاً حتعجبك جداً و حتحس انها مختلفة ،،، و فالأخر زيرو ب-90000 ! ، السعر مهم جداً ،،،، يا رجل دة كفاية إن الكرولا torsion beam

و الله يا باشا انا ركبت ال gen2 كذا مرة و مانكرش انها احسن فى الثبات من الكورولا لكن برضة الكورولا فيها مميزات تانية زى ما انا ذكرت و على فكرة مش كل الناس بتجرى و فيه ناس مابتعديش 120 ابدا و دول اعتقد ان الكورولا هاتكون مناسبة جدا ليهم.
عموما يا باشا دى وجهة نظرك و لازم تحترم و الاختلاف فى وجهات النظر لايفسد للود قضية.

تقبل مرورى

السلام عليكم

ايه الحلاوه ده يا جماعه

خليكو معايا في النقط دي

1- توافر قطع الغيار لاني من الشرقيه

2-اسعار قطع الغيار

3-استهلاك البنزين