انا محتارة جدااا وانتو الى هتحلوا لي الموضوع ده عاوزه اكبر كم من المشرفين والاعضاء

السلام عليكم ورحمه الله وبركاته

انا عرفت الموقع من الشهره الى ما شاء الله يجظاها ومن السمعه الطيبه

بإختصار عشان مضيعش وقت المشرفين الكرام والاعضاء الكرام

أنا والدى كان معاه لانسر 2006 وكنا جايبين العربيه زيرو ولقينا اللون الاسود وكان ساعتها بيلمع وكده كنت انا لسه داخله الكليه وكده المهم والدى كان بيشتغل دكتور وقاعد في العياده علي طول والعياده قصاد البيت يعني مش بيستعملها تقريبا الا قليل وانا كنت بروح بيها الكليه وكده المهم بقه

العربيه جميله وكل حاجة بس تعرفه انا كرهت نفسي بجد من اللون الزباله الاسود ده احنا في مصر وانا من بلد فيها تررررررررررراب كتير جدااااااااااااااا واكيد طبعا النظافه من الإيمان وانا كده برتاح نفسياً لما بلاقي العربيه نضيفه واللون ده كرهني في حياتى كل ما اخلي السواق او حد يغسلها بتيجي بالتراب

يعني كرهني في كل حاجة وانا حافظه اللون

عيوبه

بيبان فيه التراب جدااااااا


بيبان فيه اى خدش بسيط

بيمتص الحراره بصورة قظيعه وده يتفرع منه ان الكبوت ممكن يدخله شمس والمكنه تسخن بسرعه والا اخره

وكمان لو الظروف حكمت وركنت في الشمس ده لو لقيت اساسا بخلص مشواري واجى اركبها بلاقيها سخنه جدااا في الصيف طبعا الكلام ده


سمعت ان الغوامق فيالتكييف بتاثر عليه بس بصراحه مش لحظت ده اوى

بيبهت بسرعه اوى

لو لاحظت اى عربيه قديمه سودا تحس انها كلها خدشات علي عكس الالوان التانيه

حساس جدااا وانت حته بتنفضه بالفوطه

يعني لون قمه في الحساسيه


ولكن ده ميمنعش ان ملك الالون وعربيه المسؤلين وكده سودا بس بسواق وبينضفها بعد كل مشوار وكده


المهم انا وبابا بعد سلسله من الاستفسارات وخلافه بدون نقاش وتردد ان شاء الله هنجيب شيفروليه كروز



طبعا انا اهم حاجة عندى اللون

ومحتاره جدااااااااااااااااااااا جداااااااااااا بين

السماوى والنبيتي


المهم عندى بقه

أولاً هل النبيتي لونه بيتغير مع الشمس والغسيل اكتر ولا السماوى؟

بجد دولا احسن لونين فيها

تنصجوني ب إيه نبيتي ولا سماوى؟؟؟؟؟؟

وياريت مزايا وعيوب الخاصه باللونين دولا فقط وياريت انا عاوزه اعرفه مين بيبهت اكتر ولونه بيتغر اكتر

ده النبيتي



http://www3.0zz0.com/2010/05/11/20/513971297.jpg






وده السماوى

http://upload.wikimedia.org/wikipedi...Cruze_Heck.JPG





ممكن تكون صورة النبيتي من واضحه بس الفكره ان بس اوصل فكره اللون لأن في ناس بتقول علي النبيتي اسم ده المهم ده الى انا اقصده







انا عاوزه اعرف المزايا والعيوب الاول للونين واهم حاجة عاوزه اعرفها ايه بيبهت الاول وبعدها هنتكلم في المزايا والعيوب




آسفه للاطاله وفي انتظار رايكم عشان اتوكل علي الله

الموضوع أذواق فى الأول و الاخر .. بس عموما كل ما العربية تكبر يكون الغامق عليها أحلى .. بس لو أنا هشترى هجيب السماوى.

اقتباس:

---

المشاركة الأصلية كتبت بواسطة kareemz

الموضوع أذواق فى الأول و الاخر .. بس عموما كل ما العربية تكبر يكون الغامق عليها أحلى .. بس لو أنا هشترى هجيب السماوى.

---

شكرا لردك السريع بس ممكن اعرف من حضرتك تفضل السماوى ليه؟ مع ان في ناس بتقول ان اللون النبيتي معمول للكروز انا مش مقتنعه بحاجة انا بجمع اراء بس بعد ازنك بتناقش معاك

يعني حضرتك تفضل السماوى عشان مش بيبان فيه التراب وكده ولا عشان هوه علي الكروز احلي؟

يا جماعه انا كنت عاوزه اكتب ضروري بس نسيت يا ريت محدش يحكم بالصور لأن الصور حاجة ولما تشوف العربيه قدامك حاجة تانيه وانا حطيت الصور عشان الناس تعرف درجه اللون مش اكتر

علي فكره اولا اهنئك علي اختيارك للكروز وبجد ان شاء الله مش هتندمي ابدا انتي والوالد للاختيار دا
وثانيا انا بقترح عليكي اللون النبيتي هو مع واحد صاحبي من شهر 5 اللي فات وزي الفل معاه وفي كمان اللون الفيراني دا شيك جدا جدا علي العربيه ممكن برضه تحطيه في الحسبان معاكي
وكمان الموضوع دا ممكن يريحك شويه
http://www.nilemotors.net/Nile/177146-a.html

احسن لونين الsilver ,وده مش بيبان فيه التراب نهائى

ثم السماوى

اقتباس:

---

المشاركة الأصلية كتبت بواسطة mhmdalsaadany

علي فكره اولا اهنئك علي اختيارك للكروز وبجد ان شاء الله مش هتندمي ابدا انتي والوالد للاختيار دا
وثانيا انا بقترح عليكي اللون النبيتي هو مع واحد صاحبي من شهر 5 اللي فات وزي الفل معاه وفي كمان اللون الفيراني دا شيك جدا جدا علي العربيه ممكن برضه تحطيه في الحسبان معاكي
وكمان الموضوع دا ممكن يريحك شويه
http://www.nilemotors.net/nile/177146-a.html

---

شكرا لرد جضرتك وعلي فكره اللون الفيرانى تحفه علي الكروز بجد أفضل لون في الغوامق في الكروز بس انا عاوزه فواتح والموضوع الى حضرتك ادتلي الرابط بتاعه بيشجع النبيتي اكتر شكرا ليك جدا

اقتباس:

---

المشاركة الأصلية كتبت بواسطة moody1

احسن لونين الsilver ,وده مش بيبان فيه التراب نهائى

ثم السماوى

---

كلام حضرتك صح فعلا السيلفر مش بيبان فيه التراب خالص بس للاسف اوحش لون في الكروز مش بتحس بفخامتها كده رغم انه في الالنترا والاسر جميل...... وكده حضرتك بالنسبه لاختياري تفضل السماوى عن النبيتي شكرا لردك

علي فكره برضه في اللون الشامبين او الدهبي جميل جدا جدا عليها بس انا سمعت اشاعه كدا انه بطل ينزل مش عارف الكلام دا صح ولا لأ ممكن تسألي في التوكيل وممكن هما يفيدوكي اكتر وربنا معاكي

كل ألوان الكروز حلوه جداً ..... بس عموماً :

كل ما كان لون العربيه فاتح ... مش بيبان عليه التراب ولا الخدوش .

عن تجربه أنا ركبت نبيتى ثم أبيض ثم سيلفر ..... وكان أحسنهم طبعاً الأبيض .. مش بيبان عليه التراب وبيعكس الشمس ، وكانت عربيه موديل 1995 والحمد لله فابريكه لغاية دلوقتى ، ومفيهاش حته واحده لونها باهت .

بس للأسف العكس فى الإكصدامات ، لأن بطانه الإكصدام ( أسود ) فكل ما كان لون العربيه فاتح كل ما بان أثر الخدوش فى الإكصدامات .

أنا عن نفسى من عاشقى اللون النبيتى ، بس لما إشتريت الأوبترا جبتها سيلفر علشان لون عملى وكمان موضوع التراب والخدوش دى بالذات ، وبرضه علشان قصة التكييف والبهتان .

بصراحه أنا لو مكانك حجيب اللبنى .

وبالتوفيق إن شاء الله .

اللبنى شكله حلو و لون هادى
و النبيتى حلو برضه
بس اللبنى فى رايى شكله اروق

اللبنى شكله اروق والنبيتى شكله اشيك وافخم..ولك حرية الاختيار
انا عن نفسى عربيتى لانسر نبيتى..لون شيك جدا وشبابى جدا ويحسسك ان العربية متوهجة زى مبيقولو :)
وعلى فكرة مبيبقاش نبيتى نبيتى..ده درجة من درجات الاحمر..حتى فى اللانسر اسمه wine red يعنى احمر خمرى..وفى عربيات تانية بيسموه fire red يعنى احمر نارى

على فكرة بمناسبة اللون الاسود انا اشتريت تصفيات 2009 كان كل اللى فاضل من 2009 لون اسود وبس وكانت العربية دى النبيتى الوحيدة اللى فاضلة وده كان اللون اللى نفسى فيه..كان المعرض ده عنده العربية ارخص من كل المعارض بالف جنيه بس النبيتى دى كان مزود فيها الف عشان مفيش غيرها فجبتها..وصممت انى مجبش اسود للاسباب اللى قولتيها دى لانه فعلا لون ميتجابش فى مصر

بالنسبة للبهتان ده ليه علاقة بالعناية بالعربية وانها متتركنش فى الشمس وكده..لكن اى لون معرض انه يبهت

عموما لو عايزة لون هادى ورايق يبقى اللبنى..لو عايزة لون شيك وفخم وشبابى يبقى النبيتى
ومبروك مقدما

الأبيض و الفيرانى تحفه

النبيتي مش بيبان فيه التراب اوى ؟ ولا ايه رايكم؟

اقتباس:

---

المشاركة الأصلية كتبت بواسطة samar_ahmed201

النبيتي مش بيبان فيه التراب اوى ؟ ولا ايه رايكم؟

---

لا بصراحه النبيتى بيبان فيه التراب قوى وعن تجربه 6 سنين .

اقتباس:

---

المشاركة الأصلية كتبت بواسطة Bassem Raafat

لا بصراحه النبيتى بيبان فيه التراب قوى وعن تجربه 6 سنين .

---

اللون الى كان مع حضرتك نفس الدرجه دي بتاع الكروز؟؟ لان في نبيتي كتير اقصد درجه اللون تختلف في من عربيه للتانيه وحته لو بيبان فيه مش زي الاسود خالص؟ صح؟؟

http://sphotos.ak.fbcdn.net/hphotos-..._1149635_n.jpg

اقتباس:

---

المشاركة الأصلية كتبت بواسطة Bassem Raafat

كل ألوان الكروز حلوه جداً ..... بس عموماً :

كل ما كان لون العربيه فاتح ... مش بيبان عليه التراب ولا الخدوش .

عن تجربه أنا ركبت نبيتى ثم أبيض ثم سيلفر ..... وكان أحسنهم طبعاً الأبيض .. مش بيبان عليه التراب وبيعكس الشمس ، وكانت عربيه موديل 1995 والحمد لله فابريكه لغاية دلوقتى ، ومفيهاش حته واحده لونها باهت .

بس للأسف العكس فى الإكصدامات ، لأن بطانه الإكصدام ( أسود ) فكل ما كان لون العربيه فاتح كل ما بان أثر الخدوش فى الإكصدامات .

أنا عن نفسى من عاشقى اللون النبيتى ، بس لما إشتريت الأوبترا جبتها سيلفر علشان لون عملى وكمان موضوع التراب والخدوش دى بالذات ، وبرضه علشان قصة التكييف والبهتان .

بصراحه أنا لو مكانك حجيب اللبنى .

وبالتوفيق إن شاء الله .

---

اختار السماوى يا جماعه ولا ايه؟؟؟؟؟؟؟؟؟؟؟؟

انا اهم حاجة عندى اللون المره دي ان شاء الله حته لو هستنه شهرين

ربنا يوفقك ، وإن شاء الله يكون اللبنى ( السماوى ) إختيار موفق .

وكمان اللى ممكن انصحك بيه ، علشان موضوع الخدوش والتراب والبهتان من الشمس ... إشتريلها غطا يحميها من كل الكلام ده على الأقل وإنتى راكناها .

بص انا هقول ل حضرتك علي حاجة انا من النوع الى بيحافظ جدااااااااااااااااااااااا اااااااااااااااااااااا بس الخدوش والحكات امر مفروغ منه انا مثلا وانا نازله مشوار بشتري حاجة او كده بتنقل من مكان ل مكان مش معقوله كل شوية غطا بس لازم تتحك اى عربيه في الدنيا كده حته لو حافظت

شكلك كدا مقتنعه باللون السماوي اتكلي علي الله واشتريه هو لون جميل اوي الصراحه ويعتبر جوكر كدا زي السيلفر
ومبروك مقدما علي العربيه وربنا يباركلك فيها ان شاء الله

انا عايز اقول لحضرتك ان العربيه عندي فيها اكتر من حكه وكلها وهي واقفه
مفيش في مصر عربيه من غير حكات إلا فيما ندر جدااااااااااااااا

بصي انا كان لي رأي وانا بشتري... العربية كبيرة وعايزة اللي يبين خجمها... والاسود التراب بيبهدله فعشان كده جبت الفيراني

ولو عايزة تشوفيها انزلي عند منصور جامعة الدول.. كل الالوان بتبقى هناك عشان دفعات التسليم بتيجي عليهم

اقتباس:

---

المشاركة الأصلية كتبت بواسطة samar_ahmed201

بص انا هقول ل حضرتك علي حاجة انا من النوع الى بيحافظ جدااااااااااااااااااااااا اااااااااااااااااااااا بس الخدوش والحكات امر مفروغ منه انا مثلا وانا نازله مشوار بشتري حاجة او كده بتنقل من مكان ل مكان مش معقوله كل شوية غطا بس لازم تتحك اى عربيه في الدنيا كده حته لو حافظت

---

كلامك صح 100 % ، بس برضه الغطا بيحمى كتير ، أنا من فتره نزلت لاقيت جنب الغطا الشمال كله مقطع ، وبعد ما شيلته لاقيت خدوش فى المرايا وأكرة الباب ، وأعتقد لو مكانش موجود كان حيبقى الضرر أكتر .

الفيرانى بيلم تراب بسرعة بردو زى الاسود انا عندى العربية فيرانى لسة بكون غاسلها واجر اركب الاقيها اتربت بيبان فيها اكتر من الاسود هو النبيتي فى الكروز اشيك حاجة هاتي نبيتي الغامق الميتالك فظيييييع

النبيتي تحفه بس مشكلته التراب والحكات صح؟

أنا زميلي معاه نبيتي وابن عمي معاه سماوي وتقريبا بشوف العربيتين كل يوم وبحس ان السماوي أكبر عشان اللون فاتح ومنور العربية ماشاء الله وهما تكون متربة بحس انها بتلمع
رأيي لو أنا هشتريها يبقى السماوي

مبروك مقدما ان شاء الله ونصيحة بلاش النبيتي علشان بيبان فيه التراب وعن تجربة اللون السماوي شيك جدا علي الكروز انا لو مكانك مش هافكر في اي لون تاني غير السماوي بالتوفيق ان شاء الله وربنا يبعد عنك الشر

بصى بقى ياستى انا من غير لف ودوران اناجبت العربيه من يومين وكنت عامل زيك واكتر لغاية باب المعرض وربنا كرمنى اول مادخلت بدون تفكير لقيت ملك الالوان فى الكروز النبيتى والفرش ازرق والله اللون حكايه ومينفعش تقارنيه باى لون تانى وكل الى شاف اللون على الطبيعه قالى انا مكنتش متخيله بالشكل ده والله تحفه بس اهم حاجه الصالون الازرق وانتى هتبقى مبسوطه جدا ان شاء الله

انا شايفه ان الآراء منحازة للسماوى

اقتباس:

---

المشاركة الأصلية كتبت بواسطة samar_ahmed201

انا شايفه ان الآراء منحازة للسماوى

---

عملى وشيك وتوكلى على الله ، وبالتوفيق .

شوفى اللون النبيتى مش فاتح وبيبان فيه التراب وانا كان معايا نبيتى وكان بيبان فيه التراب وفى نفس الوقت الكروز النبيتى روعه روعهاما السماوى مش بيبان فيه التراب لكن النبيتى بصرلداحه اجمل فى الكروز واكثر فخامه ومن ناحية البهتان الدهان اصلا ميتالك بجوده عاليه مش بيبهت بالشكل اللى بتقولى عليه لالا وربنا يبارك يكفيكم الشر

اقتباس:

---

المشاركة الأصلية كتبت بواسطة usama22

شوفى اللون النبيتى مش فاتح وبيبان فيه التراب وانا كان معايا نبيتى وكان بيبان فيه التراب وفى نفس الوقت الكروز النبيتى روعه روعهاما السماوى مش بيبان فيه التراب لكن النبيتى بصرلداحه اجمل فى الكروز واكثر فخامه ومن ناحية البهتان الدهان اصلا ميتالك بجوده عاليه مش بيبهت بالشكل اللى بتقولى عليه لالا وربنا يبارك يكفيكم الشر

---

طيب بعد ازنك هوه بيبان فيه التراب بس مش زي الاسود صح؟؟ نقدر نقول زي الفيرانى وكده صح؟؟؟؟؟؟؟؟؟؟

اقتباس:

---

المشاركة الأصلية كتبت بواسطة samar_ahmed201

طيب بعد ازنك هوه بيبان فيه التراب بس مش زي الاسود صح؟؟ نقدر نقول زي الفيرانى وكده صح؟؟؟؟؟؟؟؟؟؟

---

طيب أنا عندى فكره ممكن تخليكى تشترى أى لون إنتى حباه حتى لو كان إسود .... بس هى مكلفه جداً ... بس قبل ما أقولها عايز أعرف :

إنتى بتركنى العربيه فى جراج ولا فى الشارع ؟!! وهل فى حد ممكن يكون ملتزم فى نظافتها ( بواب أو سايس جراج ) ؟!!

لالالالالالالالا مفيش بواب او سايس للاسف بس اكيد هحطها في جراج بس المسحيل انى اجيب الاسود تانى

هوه في واحد كل يومين تقريباً بيسال بابا لة هيغسل العربيه بس مش بصفه مستمره واعتمادى مش عليه بس هوه بصراحه كويس بس اللون الاسود ده عاوز دح فاضي له ليل ونهار كل ما يسافر او يروح مشوار يقف في نص يغسل العربيه او يسبها ب ترابها وانا مش بحب كده انا بحب كل حاجة حواليه تكون نضيفه

طول مانتى متردده مش هينفع شوفى يا ستى لو مشكلتك اللون يبقى النبيتى ولو متابعه اعلانات السياره فى اوروبا هتلقى اغلابها نبيتى وهوه فى رايى اشيك لون لو خايفه من التراب نصيحة بلاش تجيبى عربيه خالص ماهو انا مش هركب عربيه لونها مش عاجبنى علشان خاطر الحاج تراب

توكلي علي الله وهاتي السماوي ومش هاتندمي لون شيك وجميل وفي نفس الوقت مش بيبان فيه التراب ولا الحكات البسيطة