خبطه بلاعة اسفل بومه سوبر اكشن 2008

**elkhazendar** · 20-12-2010 10:19 AM

يا جماعة اعتقد ان الموضوع ده حصل مع ناس كتير خصوصا سكان التجمع الخامس لان البلاعات اصبحت تبنى اعلى من سطح الشارع بحوالى من 30 سم الى 50 سم وده طبعا عشان اعمال الاسفلت المتكرره فى الشوارع ومع انى حافظ كل (المرتفعات ) الموجوده فى التجمع الا انى خبطت فى البلاعة الموجوده ادام البيت والحمد لله انى كنت لسه طالع بالعربيه لان السرعه كانت بطيئه وانا كنت سرحان المهم صوت الخبطه كان قوى فى العربيه من تحت من وقتها وانا حاسس ان صوت الموتور عالى بس مش كتير وان السحب مبقاش زى الاول كل التأثيرات دى بسيطه جدا بس انا ملاحظها وانا بيتهيألى ان الشكمان اتخبط على الاقل ارجو من الساده الاعضاء المحترمين ان كان فيه حد حصل معاه كده يقولى عمل ايه وهل فيه مركز او ميكانيكى متخصص (غير التوكيل) يكون عنده ضمير يكشف على السياره واتعامل معاه بعد كده فى الصيانه لانى خلاص عديت الـ 100 الف kهذا الاسبوع

**kar!m** · 20-12-2010 10:58 AM

بص عن تجربه .. الموضوع ده غالبا بيكون حاله نفسيه .. لما عربيتك تتخبط بتبدأ تشوف حاجات كانت موجودة فى الأول أو عادية على أساس انها من الخبطة.

انما برضه روح اكشف فى التوكيل أو بنزينة عشان تطمئن.

**A.Saad** · 20-12-2010 11:23 AM

مش مستاهلة توكيل فى الكشف لو بعد الكشف لقيت حاجة روحه
الاول روح بنزينة فيها رفع هيدروليك وارفعها وانزل شوف كل العربية بنفسك واخرها 10 جنيه بس
شوف نظام التعليق
الشكمان
كارتيرة الزيت
الردياتير
الفتيس
الموتور من تحت
انا عملت كدة الاسبوع اللى فات بسبب طوبة اتحشرت تحتى
ولقيت فى حكة فى ماسورة الشكمان

**elkhazendar** · 20-12-2010 11:32 AM

شكرا على ردك (A.Saad) بس الحل ده بيحتاج لعين خبير مش لحكمى وانا غير متخصص وما عنديش حتى معرفة عامة بالميكانيكا ذى ناس كتير عشان كده انا محتاج مركز او ميكانيكى يعاين السيارة ويوجهنى بما يرضى الله

**A.Saad** · 20-12-2010 12:07 PM

يعنى انا اللى عندى خبرة
الموضوع سهل والعامل بيكون واقف لو فيه حاجة
لو عايز فى يوم تيجى انا تحت امرك

**M!SHO** · 20-12-2010 06:05 PM

هى الخبطه قدام ولا ورا ؟؟

**Ralliart** · 20-12-2010 06:42 PM

اهم حاجه كارتيرة الزيت
انا كنت خبطت في طوبه من اللي العيال بيعملوها جوون في الشارع
والحمد لله اكتشفت ان الكارتيره مخبوطه وغيرتها ولحمت القديمه وخليتها استبن

**elkhazendar** · 21-12-2010 12:20 PM

اكيد يعنى مش كل اعضاء المنتدى بيتعاملو مع التوكيل يا ريت حد يرد عليا عايز ميكانيكى متخصص (غير التوكيل) يكون عنده ضمير يكشف على السياره واتعامل معاه بعد كده فى الصيانه