الموضوع: ولا فضائي ولا شيرنج و لا نت ولا يحزنون ! ودعوا الدريم بوكس و اخواته حاليا :)

المشاركة الأصلية كتبت بواسطة hh

أولا تحياتي للمهندس أحمد كمال على تفنيده لكل الحجج بتاعت الناس. يا جماعة نصيحة لوجه الله, لو مصر تعمل معصية بلاش تحاول تقنع الناس بيها على الأقل عشان ما تاخدش ذنبهم, كفاية عليك ذنبك انت.

بص انا قفلت الكلام مع م/ احمد كمال عشان انا مش بحب اجادل كتير خصوصا لو الجدال ده ممكن يخسرنى حد

بس لما اقعد اتسرق 9 سنين و مش انا بس لأ انا و غيرى و اجى بعد كده اعمل sharing او اركب وصلة

ده مش حرام و انا حر فى قناعاتى

المشاركة الأصلية كتبت بواسطة CryptonX

انا مبتدخلش في موضوع حلال و حرام ده .

لان ده مش موضوع النقاش .

بس عامة ... بدون ماحد يقولك ده غلط و ده صح .

كل واحد عارف كويس الي بيعمله ده صح ولا خطأ ... ولو مش عارف حاسس ...

حاسس و منفض .. ممكن ..

فمفيش داعي لاثبات اي حاجة لا تحتاج لاثبات ... كل بني ادم فينا بنسبة 98% لا يحتاج لحد يقولوا صح و خطأ .

موضوع القرصنة و و و وو و قتلا بحثا و نقاشا و شرعا ! و ده مختلفش كتير عنه فياريت ياجماعة نهدى و نرجع للموضوع الاصلي !

الراجل ده بيكلم صح

المشاركة الأصلية كتبت بواسطة أحمد كمال

مفيش حد هيخسر حد و لا حاجة

حضرتك اتسرقت ازاي؟ ان الاشتراك غالي؟ راجع نفسك .... دي ما اسمهاش اتسرقت ... دي اسمها انك اتفقت على سعر و دفعته حتى لو غالي ...... يعني عقد بيع او ايجارة .......

و حضرتك العلماء كلها افتت انه حرام و دول يفهموا اكتر مني و منك



مع احترامي لكريم لا الكلام مش صح ...... الحلال و الحرام داخلين في كل حاجة و ما ينفعش نقول دول مش موضوعنا .......

لا ابدا انا مش بتكلم على الأشتراك انه غالى ...... بالعكس انا مقتنع تماما ان اى حد عنده حق يسعر سلعته بالشكل اللى هو شايفه صح

و انا من حقى اشترك ولا لأ

ده انا مشترك فى ART من ايام كاس العالم للقارات 99 و لغاية فترة قريبة جدا

انا حقولك على سبيل المثال لا الحصر

1) الديكودر اللى شاريه من عندهم مرة واحدة يقف.....اكلمهم ايه المشكلة.....سوفت وير جديد حضرتك تجيب الديكودر و تيجى ننزلك السوفتوير الجديد بس لازم تدفع و تيجى تستلمه كمان 3 ايام

طب ادفع ليه وانا مالى ده الديكودر بتاعكو

هو كده

طب الوقت اللى القنوات فيه واقفة على حساب ميين

حنبقى نعوضهالك.....طبعا مابيحصلش

ده غير الكارت اللى يقف ولازم اجيب واحد تانى من عندهم برضه و ادفع اد كده

الحوارات دى على طول اتكررت معايا اكتر من 5 او 6 مرات طول ماكنت مشترك

2) تبقى مشترك فى باقة فيها قنوات معينة......مرة واحدة قناة ولا اتنين يطيروا

اكلمهم اشوف ايه اللى حصل

نظام الباقات اتغير ... لو حضرتك عايز القنوات دى ادفع تانى

اتخانق بقى و زعق واعمل اللى انت عايزة.....و برضه مافيش فايدة

لغاية ما جت الطامة الكبرى

السنة اللى فاتت باجدد الأشتراك ... طلبت اشترك فى القنوات اللى حتعرض كاس العالم

واشتركت فعلا

مرة وحدة art باعت القنوات للجزيرة وعملوا قناتين جداد لكاس العالم بره الpackage بتاعتى

و عشان اشوف كاس العالم ادفع من اول جديد

ازاى ياجماعة الكلام انتو كدة بعتولى كاس العالم مرتين

هو كدة دة اللى عندنا

شوف المشاركة دى

المشاركة الأصلية كتبت بواسطة M.Elwan

فعلا قفلو discovery من غير ما يقولو وكلمتهم اشتكى ازاى يقفلو قناة فجاة كده رغم انى دافع اشتراك 6 شهور والباقة متضمنة قنوات معينة وانا كده استحق تعويض او تخفيض على الاشتراك ولا حد رد عليا برد ليه لازمةكله اى كلام

ده اساسا العادى بتاعهم

ياريت بس كل الناس اللى بتهاجم تفهم انا قصدى ايه

انا لو عايش فى بلد محترمة اعرف اخد فيها حقى كنت رحت بلغت فيهم على اسلوبهم ده

بس فى مصر المحروسة ........اخر حاجة اقدر اعملها انى اجيب جهاز sharing او اشترك فى وصلة للاسف

المشاركة الأصلية كتبت بواسطة hobiko

لا ابدا انا مش بتكلم على الأشتراك انه غالى ...... بالعكس انا مقتنع تماما ان اى حد عنده حق يسعر سلعته بالشكل اللى هو شايفه صح

و انا من حقى اشترك ولا لأ

ده انا مشترك فى ART من ايام كاس العالم للقارات 99 و لغاية فترة قريبة جدا

انا حقولك على سبيل المثال لا الحصر

1) الديكودر اللى شاريه من عندهم مرة واحدة يقف.....اكلمهم ايه المشكلة.....سوفت وير جديد حضرتك تجيب الديكودر و تيجى ننزلك السوفتوير الجديد بس لازم تدفع و تيجى تستلمه كمان 3 ايام

طب ادفع ليه وانا مالى ده الديكودر بتاعكو

هو كده

طب الوقت اللى القنوات فيه واقفة على حساب ميين

حنبقى نعوضهالك.....طبعا مابيحصلش

ده غير الكارت اللى يقف ولازم اجيب واحد تانى من عندهم برضه و ادفع اد كده

الحوارات دى على طول اتكررت معايا اكتر من 5 او 6 مرات طول ماكنت مشترك

2) تبقى مشترك فى باقة فيها قنوات معينة......مرة واحدة قناة ولا اتنين يطيروا

اكلمهم اشوف ايه اللى حصل

نظام الباقات اتغير ... لو حضرتك عايز القنوات دى ادفع تانى

اتخانق بقى و زعق واعمل اللى انت عايزة.....و برضه مافيش فايدة

لغاية ما جت الطامة الكبرى

السنة اللى فاتت باجدد الأشتراك ... طلبت اشترك فى القنوات اللى حتعرض كاس العالم

واشتركت فعلا

مرة وحدة art باعت القنوات للجزيرة وعملوا قناتين جداد لكاس العالم بره الpackage بتاعتى

و عشان اشوف كاس العالم ادفع من اول جديد

ازاى ياجماعة الكلام انتو كدة بعتولى كاس العالم مرتين

هو كدة دة اللى عندنا

شوف المشاركة دى



ده اساسا العادى بتاعهم

ياريت بس كل الناس اللى بتهاجم تفهم انا قصدى ايه

انا لو عايش فى بلد محترمة اعرف اخد فيها حقى كنت رحت بلغت فيهم على اسلوبهم ده

بس فى مصر المحروسة ........اخر حاجة اقدر اعملها انى اجيب جهاز sharing او اشترك فى وصلة للاسف

بص يا سيدي الفاضل, واضح من كلام حضرتك انك كنت قرفان من التعامل مع ال ART و على فكرة ي فعلا شركة سيئة جدا في تعاملاتها, بس تعالى كدة نفكر في الموضوع واحدة واحدة:

دلوقتي حضرتك ليك تجربة سيئة مع ART, ايه ذنب بقية الشركات اللي ليها اشتراك في قنوتها؟؟ و بعدين حضرتك بتقول انهم حلال فيهم الsharing, طيب يعني فرضا واحد سرق حاجة من واحد تاني, هل ده يدي الحق لكل الناس انهم يروحوا يسرقوا الحرامي ده؟؟ مش ممكن طبعا.

ثانيا موضوع الديكودر ده طبيعي. يعني حضرتك أي حاجة بتشتريها لما تكون خرجت من الضمان, طبيعي انك تدفع تمن اي اصلاح او updates ليها, مفيش حاجة اسمها ما أنا جايبه من عندكوا.

موضوع تغيير الكروت ده على فكرة كان من ال cne مش من القنوات نفسها, و كان مع تجديد الأشتراك مش في
نصه, يعني حقهم يقولولك لازم تغير الكارت و لو حضرتك مش عايز ممكن ما تشتركش براحتك.

و بعدين حتى لو أفترضنا ان فعلا هما كانوا سارقين حضرتك في الحاجات دي أحسب كدة حضرتك تكلفة الخسارة دي حتلاقيها ماتسويش أكتر من اشتراك شهر شهر و نص بالكتير. يبقى ازاي حضرتك مستحل انك تسرق الأشتراك لشهور و يمكن سنين؟؟؟؟

و على فكرة موضوع الجزيرة لما اشترت ال ART بعد ما الناس كانت اشتركت ده حضرتك واضح انك ناسي تفاصيله. أولا حضرتك تقصد كاس الأمم الأفريقية مش كاس العالم لأن القصة دي كانت في يناير و كاس العالم بعد كدة بست شهور, بجانب ان الART اساسا طول عمرها بتعمل اشتراك منفصل لكاس العالم زي ما الجزيرة عملت بالظبط. فعلا اللي اشترك في باقات الART على اساس يشوف الCAN يعتبر اتنصب عليه, لكن في خلال ايام بعد الأزمة ما اتفجرت بين الناس و الشركة جهاز حماية المستهلك الزم الشركة ترد للناس الأشتراكات, و ده أنا متأكدة منه لأن والدي كان برضه اشترك, فاللي قرر يكمل الاشتراك بتاعه عمل كدة بمزاجه.

عموما عشان الناس ماتفهمنيش غلط, انا مش بدافع عن الART لأن انا أساسا مقتنعة انهم من اسوأ الشركات اللي الواحد ممكن يتعامل معاهم , انما المفروض اللي متضايق منهم مايشتركش مش يقرر انه يسرق الاشتراك.