نصيحة في شراء ميكروويف

**ahmedfd** · 20-12-2010 11:06 AM

بأفكر أشتري جهاز ميكروويف للمطبخ.
أنا الحقيقة أخدت لفة سريعة كدة في سبينيس و لقيت الأنواع اللي شكلها كويس هي أوليمبيك إلكتريك (صناعة كوري) و أجهزة كوري زي سامسونج و LG و كمان في كينوود و Black & Decker و مولينكس بجانب بعض الماركات اللي شكلها تعبان سواء مصري أو صيني.
بالنسبة لمواصفات الأجهزة فهي معظمها السعة بتتراوح بين 25 و 40 لتر و الطاقة من 700 إلى 900 وات بس أنا كمان أسمع إن في أجهزة بتحمر الأكل من فوق زي الفرن و أجهزة قديمة لأ..
الأسعار من 500 إلى 2000 .. و المتوسط للحاجات الكويسة في حدود 900 إلى 1000.

يا ترى هل ممكن حد يفيدني بخبرته سواء كنوع جهاز أو مواصفات مناسبة و طبعاً تكون صيانته متوفره، و هل هو أصلاً جهاز أعطاله بسيطة ولا معرض للأعطال و بالتالي محتاج أفكر في الوكيل الأول؟
الحقيقة كشكل و طريقة تقفيل أنا عاجبني جداً الأوليمبيك و الـ LG بس مستني أرائكم.
و آسف على الإطالة و شكراً مقدماً على إجابات حضراتكوا.

**أحمد كمال** · 20-12-2010 11:15 AM

Kenwood حلو جدا

عندي بقاله 3 سنين و شوية

من سنة تقريبا الباب ما بقاش بيفتح (يعني تدوس الزرار ما يفتحش)

وديته التوكيل و خدته بعدها بيومين ..... و دفعت 50 جنيه بس .... اللوك كان مفوت و غيروا لوك الباب .......

رائع و صيانته محترمين و مش غالي و فيه options كتيرة و ظريفة

سيبك من اوليمبيك و الماركات الغريبة الله يكرمك ..... مش ناقصاها تسرب لاشعاعات الميكروويف خالص ........

**icehearted girl** · 20-12-2010 11:22 AM

Lg ممتاز

**Mohd_Adel_Amin** · 20-12-2010 01:30 PM

انا اتعاملت مع sharpو daewoo و lg
والثلاثة ممتازين بس اعتقد ال sharp احسنهم ..

**kamalsalem** · 20-12-2010 01:33 PM

كما هو موضح من ردود الناس انه الميكروويف مفيهوش فن وكله شغال

انا كان عندي اوليمبك وكان شغال فلة... جه برضه بعد سنتين كده خاب وخدوه في التوكيل 3 ايام ورجعوه شغال ب 50 جنيه

**kh_talaat** · 20-12-2010 02:42 PM

بص حضرتك اولا نصيحه مني ابعد عن الصيني حتى لو ماركه لأن الصين دلوقتي ممكن تضرب اي ماركه

بالأضافة ان الميكروويف المفروض انه الأشعة فيه لا تزيد عن حد معين عشان متبقاش ضاره وميضمنش الكلام دة في الصناعة الصيني وشوف الناس بتقول اية عن الموبيلات الصيني والأشعة الضاره اللي بتخرج منها

انا مجرب ماركه شارب عندي وفي بيت والدي ممتاز وعند والدي بقى له سنتين والحمد لله بدون اعطال

الموجود في السوق حاليا تايلاندي بضمان العربي ومكتوب في الكتالوج بتاعه ان الأشعة اللي بتصدر منه في حدود المسموح به وغير ضاره

هو 24 لتر واسعاره

850 جنية (الأبيض)
900 جنية (السيلفر)
950 جنية (سيلفر + وش استانلس)

دي اسعار شارع عبد العزيز ويمكن يكون سعره نزل كمان لأني شاريه من 4 شهور

ونصيحه بالنسبة للأحجام مش هيفرق معاك الأحجام الكبيرة قوي لأنك في الآخر مش هتحط فيه غير طبق المهم يكون حجمه معقول

**alrabeh** · 20-12-2010 03:32 PM

ممكن حد يقولى ايه استخدامات المايكرويف بالظبط
هل تسوية ولا تسخين وفك تجميد بس

**max_ziro** · 20-12-2010 04:38 PM

عندنا الكينوود بس وارد امريكا بقالة بتاع 7 او 8 سنين و الحمد لله شغال و مية مية
و مرة الاخت الى بتنضف حطت فية صنية بطاطس طبعا راح عامل كهرباء و عمل شرارة ف كل حتة و فرقع
و وديناة التوكيل و غيروا قطعة اعتقد ب 200 جنية و لفينا الموتور ب 40 جنية و الحمد لله ماشاء الله زى الفل لحد دلوقتى ..

-

-

الموضوع: نصيحة في شراء ميكروويف

LinkBack

أدوات الموضوع

عرض

-

-

-

-

-

-

المواضيع المتشابهه

نصيحة شراء

نصيحة في شراء lcd

نصيحة في شراء مصاحف

نصيحة في شراء a4

نصيحة في شراء جين 2

الكلمات الدلالية لهذا الموضوع

المفضلات

المفضلات

ضوابط المشاركة